އެމްޑީޕީގެ ޕާލަމެންޓްރީ ގުރޫޕުން މަޖިލީހުގެ އިދާރާގައި މިއަދު ބޭއްވި ނޫސްވެރިންގެ ބައްދަލުވުމުގައި، ރައްޔިތުންގެ މަޖިލީހުގެ ނައިބު ރައީސް، އަދި އެމްޑީޕީގެ ޕާލަމެންޓްރީ ގުރޫޕްގައި ހިމެނިވަޑައި ގަންނަވާ ހޯރަފުށީ ދާއިރާގެ މެމްބަރު އަޙްމަދު ސަލީމް ވިދާޅުވީ، ރައީސުލްޖުމްހޫރިއްޔާ އާއި އެމަނިކުފާނުގެ ނައިބު މަޤާމުން ޢަޒުލްކުރުމާއި ގުޅޭ ގޮތުން އެމްޑީޕީގެ ޕާލަމެންޓްރީ ގުރޫޕުގައި އެއްވެސް މަޝްވަރާއެއްވެސް ކޮށްފައި ނެތްކަމުގައި ސަލީމް ވިދާޅުވިއެވެ. މީގެ އިތުރުން އެމްޑީޕީންވެސް އެަފަދަ އިޝާރާތެއް ކޮށްފައި ނެތްކަމުގައި ސަލީމް ވިދާޅުވިއެވެ.

ވަޒީރުންގެ މަޖިލީހުގެ ހުރިހާ މެމްބަރުންނަށް ރުހުންދިނުމަށް ފާސްކޮށްފައި ވަނީ، ކޮމިޓީގެ އަޣުލަބިއްޔަތުންނެވެ. ކޮމިޓީން ވަޒީރުންގެ މަޖިލީހުގެ ހުރިހާ މެމްބަރުންނަށް، ރުހުން ދިނުމަށް ފެންނަ ކަމަށް ނިންމި ނަމަވެސް ވަޒީރުންގެ މަޖިލީހުގެ މެމްބަރުންނަށް ރުހުންދިނުމަށް މަޖިލީހުގެ ތަޅުމުގައި ވޯޓަށް އެހުމަށް ނިންމާފައި ވަނީ ވަކިވަކީންނެވެ.

އަދި އެމް.ޑީ.ޕީ އަކީ ރާއްޖެ އެދޭ ހެޔޮ ބަދަލަށް ވަކާލާތުކޮށް ރައްޔިތުންގެ އުންމީދުތައް ހަގީގަތަކަށް ހެދުމުގެ މަސައްކަތް ކުރާ ޕާޓީކަމަށާއި، އެމް.ޑީ.ޕީގެ މެމްބަރުންނަކީ ސާބިތުކަމާއެކު ގައުމާއި ރައްޔިތުންގެ ކުރިމަގާއި އުންމީދުތައް ހަގީގަތަކަށް ހަދައިދިނުމުގަ މާޔޫސްކަމެއް، ވަރުބަލިކަމެއް ނެތި މަސައްކަތްކުރާ މެންބަރުން ކަމުގައިވެސް އެމްޑީޕީގެ ޕީޖީ ލީޑަރު، މުހައްމަދު ރަޝީދު ހުސައިން ވިދާޅުވިއެވެ.

ރައްޔިތުންގެ މަޖިލީހުގެ މެމްބަރުން އެއްޕާޓީން އަނެއްޕާޓީއަށް ބަދަލުވުމަކީ، ދިވެހިރާއްޖޭގެ ބަރުލަމާނީ ޙަޔާތުގައި އައު ކަމެއް ނޫނެވެ. އެންމެ ފުރަތަމަ، ރައްޔިތުންގެ މަޖިލީހުގެ މެމްބަރަކު އެހެން ޕާޓީއެއްގައި ހުއްޓައި ގެނައީވެސް އެމްޑީޕީއަށެވެ. ރައީސް މައުމޫނަށް ރިޔާސީ އިންތިޚާބު ނާކާމިޔާބުވުމަށް ފަހުގައި، އޭރު މަޖިލީހުގެ މެޖޯރިޓީ ޕާޓީގެ ގޮތުގައި އޮތް، ޑީއާރްޕީގެ ރައްޔިތުންގެ މަޖިލީހުގެ ތޮއްޑޫ ދާއިރާގެ މެމްބަރު ޢަލީ ވަހީދު އެމްޑީޕީއަށް ސޮއެކުރެއްވުމަކީ، މެމްބަރުން އިންތިޚާބުވި ޕާޓީފިޔަވައި އެހެންޕާޓީތަކަށް ބަދަލުވުމުގެ ފެށުމެވެ.

ދަ ޑިމޮކްރެޓްސް ރަޖިސްޓްރީވެ އަދި މެމްބަރުން ޕާޓީއަށް ސޮއެކުރެއްވުމާއި އެކު، ރައްޔިތުންގެ މަޖިލީހުގެ މައިނޯރިޓީޕާޓީގެ މަޤާމު ދަ ޑިމޮކްރެޓްސްއަށް ލިބި، މައިނޯރިޓީ ލީޑަރުގެ މަޤާމު ލިބިވަޑައިގަތީ، ކުރީގެ ރައީސް އިބްރާހީމް މުޙައްމަދު ޞާލިހަށާއި، އެމްޑީޕީއަށް އެންމެބޮޑަށް ފާޑު ވިދާޅުވަމުން ގެންދެވި، ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު ޢަލީ އާޒިމަށެވެ.

ޗުއްޓީއަށް ފަހުގައި ރައްޔިތުންގެ މަޖިލީހުގެ އައު ދައުރު ފަށާނީ، އަންނަ އަހަރުގެ ފެބުރުއަރީ މަހުގެ ފުރަތަމަ ހަފްތާގެ ތެރޭގައެވެ. އެހެން ނަމަވެސް މަޖިލީހުގެ ކުރިޔަށް އޮތް ދައުރަކީ މިހާރު ހިނގަމުންމިދާ 19ވަނަ ރައްޔިތުންގެ މަޖިލީހުގެ އެންމެ ފަހު ދައުރެވެ. އަންނަ އަހަރުގެ މެއި މަހުގެ 27 ވަނަ ދުވަހަށް 19 ވަނަ ރައްޔިތުންގެ މަޖިލީހުގެ ދައުރު ހަމަވެ މަޖިލިސް 19ވަނަ ރައްޔިތުންގެ މަޖިލިސް އުވިގެންދާނެއެވެ.

ވަޒީރުންނާ ސުވާލު ކުރުމުގެ ގާނޫނު އުވާލަން އެމްޑީޕީން ރައްޔިތުންގެ މަޖިލީހަށް ހުށަހަޅައިފިއެވެ. މި ހުށައެޅުން ހުށައަޅާފައިވަނީ ހޯރަފުށީ ދާއިރާގެ މެންބަރު އަހުމަދު ސަލީމްއެވެ.

ރައްޔިތުންގެ މަޖިލީހުގެ އެމްޑީޕީގެ މެމްބަރުންގެ ތެރޭގައި ހިމެނޭ، މަރަދޫ ދާއިރާގެ އެމްޑީޕީގެ މެމްބަރު އިބްރާހިމް ޝަރީފް (އައްޑޫ ޝަރީފް) ވަނީ، މިހަފްތާގައި އެމްޑީޕީން ވަކިވެވަޑައިގެންފައެވެ. އޭނާވެސް ޕީއެންސީއާ ގުޅިވަޑައިގެންނެވި ވާހަކަތައް ފެންމަތިވިޔަސް އެކަމަށް އޭނާ ޖަވާބެއް ނުދެއްވައެވެ. އެހެން ނަމަވެސް ޝަރީފް އެމްޑީޕީން ވަކިވެވަޑައިގެންނެވި ފަހުން، މެލޭޝިޔާ އެމްބަސީގައި މަސައްކަތްކުރައްވަމުން ގެންދަވާ އޭނާގެ ދަރިކަނބަލުންގެ ވަޒީފާގެ މުއްދަތު މިސަރުކާރުން އިތުރުކޮށްދިނެވެ.

ރައްޔިތުންގެ މަޖިލީހުގެ މިއަހަރުގެ ފަހު ދައުރުގެ ފަހު ޖަލްސާ މާދަމާ ބާއްވަން ތައާވަލުކުރަން ނިންމައިފިއެވެ.

އޭނާ އެމްޑީޕީން ވަކިވެ ވަޑައިގެން އެޕާޓީގެ ޗެއަރޕަރސަންއަށް ފޮނުއްވާފައިވާ ސިޓީގައި ބަޔާން ކުރައްވާފައި ވަނީ، އެމްޑީޕީން ވަކިވެ ވަޑަިއގެންނެވީ އޭނާގެ ދާއިރާއަށް ފުރުޞަތުތައް ފަހިކޮށްދިނުމަށް ކަމަށެވެ.

ރައްޔިތުން މާލިއްޔަތު ކޮމިޓީ މުސާރަ ބޮޑުކޮށްފައި ވަނީ، ރައީސުލްޖުމްހޫރިއްޔާ އާއި އެމަނިކުފާނުގެ ނައިބާއި، ވަޒީރުންގެ މަޖިލީހުގެ މެމްބަރުންނާއި، ރައްޔިތުންގެ މަޖިލީހުގެ މެމްބަރުންނާއި، ފަނޑިޔާރުންނާއި، މިނިވަން މުއައްސަސާތަކުގެ މެމްބަރުންނަށާއި ކައުންސިލަރުންށެވެ.

އެމްޑީޕީން މިރޭ ނެރުނު ބަޔާނުގައި ބުނީ، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީން ރައްޔިތުންގެ މަޖިލީހުގެ އިއްޒަތްތެރި މެމްބަރުންނަށް އެމެމްބަރުންގެ ދުސްތޫރީ އަދި ގާނޫނީ ޒިންމާއާއި މަސްއޫލިއްޔަތު އަދާކުރުމުގެ ތެރެއިން އެ މެމްބަރުން ހާމަކުރައްވާ ހިޔާލުތަކާއި، މަޖިލީހުގައި ކުރައްވާ މަސައްކަތްތަކާ ގުޅިގެން މަރުގެ އިންޒާރުދިނުން މި ޕާޓީން ހަރު އަޑުން ކުއްވެރިކުރާކަމަށެވެ. އަދި ޝިފާޢުއަށް މަރުގެ އިންޒާރު ދީފައިވާތީ އެކަން ބަލައި ތަހުގީގުކޮށް ފިޔަވަޅު އެޅުމަށް ދިވެހި ފުލުހުންނަށް ގޮވާލާކަމުގައިވެސް އެމްޑީޕީގެ ބަޔާނުގައި ވަނީ ބުނެފައެވެ.

ރައްޔިތުންގެ މަޖިލީހުގެ ގަވާއިދުގެ 49 ވަނަ މާއްދާއަށް ހުށަހަޅާފައިވާ އިޞްލާޙުތައް، ޢާންމު ކޮމިޓީން ދިރާސާކޮށް ނިންމިގޮތުގެ ރިޕޯޓު ހުށަހަޅުއްވައި ބަހުސްގައިވެސް ވާހަކަފުޅު ދައްކަވަމުން ޤާސިމް ވިދާޅުވީ އެއީ ޤާނޫނު އަސާސީއާ ޚިލާފު އިސްލާޙްތަކެއް ކަމަށެވެ.

ވުޒާރާތަކާއި، އެ ވުޒާރާތަކުގެ މަސައްކަތު ދާއިރާތައް މަޖިލީހުން ފާސްކުރެއްވުމަށް ރައީސުލްޖުމްހޫރިއްޔާ މިއަދު ރައްޔިތުންގެ މަޖިލީހަށް މިހުށައެޅުއްވީ، އެމަނިކުފާނުގެ ވަޒީރުންގެ މަޖިލީހަށް ރުހުން ހޯއްދެވުމަށް ފޮނުއްވި މައްސަލަ ކޮމިޓީން ދިރާސާކޮށް ނިންމައި މަޖިލީހުގެ މިއަދު ޖަލްސާއަށް އެޖެންޑާ ކުރުމަށްފަހުގައި، އެމައްސަލަ އަނބުރާ ކޮމިޓީއަށް މަޖިލީހުގެ ރައީސް ފޮނުއްވާލައްވާފައި ވަނިކޮށެވެ.

އަލަށް ގެނައި އިސްލާޙްތަކުގައި، ރައްޔިތުންގެ މަޖިލީހުގެ ޤަވާއިދުގެ، 49 ވަނަ މާއްދާގެ ފަހަތަށް 3 އަކުރެއް ވަނީ އިތުރުކޮށްފައެވެ. މިއިސްލާޙްތައް ހުށައަޅުއްވާފައި ވަނީ ރައްޔިތުންގެ މަޖިލީހުގެ އިހަވަންދޫ ދާއިރާގެ މެމްބަރު މުހައްމަދު ޝިފާޢުއެވެ.

މަޖިލީހުގައި މިހުށައެޅުމަށް ވޯޓަށް އެހުމުން ވޯޓުގައި ބައިވެރިވެވަޑައިގެންނެވި 64 މެމްބަރުން ވޯޓު ދެއްވީ މަޖިލީހުގެ ދައުރު ދިގުކުރަން ފެންނަ ކަމަށެވެ، މިހުށައެޅުމާއި ދެކޮޅަށް އެއްވެސް މެމްބަރަކު ވޯޓު ދެއްވާފައެއް ނުވެއެވެ.