އިއްޔެ ބޭއްވި ރައްޔިތުންގެ މަޖިލީހުގެ އިންތިޚާބުގައި ޕީއެންސީއަށް ލިބުނު ބޮޑު ކާމިޔާބީން ފެނިގެން ދިޔައީ، ރައީސުލްޖުމްހޫރިއްޔާ ޑރ މުޙައްމަދު މުޢިއްޒަށް އޮތް ރައްޔިތުންގެ ތާއީދާއި އިތުބާރު ކަމުގައި ފިޝަރީޒް މިނިސްޓަރ އަޙްމަދު ޝިޔާމް މުޙައްމަދު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، އިއްޔެ ބޭއްވި ރައްޔިތުންގެ މަޖިލީހުގެ އިންތިޚާބުގައި، ސަރުކާރަށް ލިބުނު ކާމިޔާބީ ފާހަގަކޮށް އެކްސްގައި ކުރެއްވި ޕޯސްޓްގައެވެ. އެޕޯސްޓްގައި ޝިޔާމް ވަނީ އަބުދުއްރަހީމްއަށްވެސް ތައުރީފްކުރައްވައި، އަބްދުއްރަހީމްގެ ހިސާބު ބަރާބަރަށް ދިމާވާ ކަމުގައި ވިދާޅުވެފައެވެ.

ނިމިދިޔަ ރައްޔިތުންގެ މަޖިލީހުގެ އިންތިޚާބުވެފައި މިވަނީ އެތައް ގޮތަކުން ތާރީޚީ އިންތިޚާބަކަށެވެ. މިއީ ރާއްޖޭގެ ބަރުލަމާނީ ޙަޔާތުގައި އެއްޕާޓީއަކަށް އެންމެ ގިނަ ގޮނޑިތައް ލިބުނު ފަހަރެވެ. އެޕާޓީގެ ތާރީޚީ ކާމިޔާބީ ފާހަގަކުރުން މިރޭ އޮންނާނެއެވެ.

Advertisement

20 ވަނަ ރައްޔިތުންގެ މަޖިލީހުގެ 93 ދާއިރާއަކަށް މެމްބަރުން ހޮވުމަށް އިއްޔެ ބޭއްވި އިންތިޚާބުގައި، 71 ގޮނޑި ޕީއެންސީއަށް ވަނީ ލިބިފައެވެ.