ރައީސުލްޖުމްހޫރިއްޔާ ވިދާޅުވީ، ރައްޔިތުންގެ މަޖިލީހުގެ އިންތިޚާބާއި ރިޔާސީ އިންތިޚާބު އެއްކޮށް ބާއްވައިފިނަމަ ރައްޔިތުންގެ ފައިސާއިން 120 މިލިޔަން ރުފިޔާ ސަލާމަތްކުރެވިގެންދާނެ ކަމަށެވެ. އެންމެ ފަހުން ބޭއްވި ރިޔާސީ އިންތިޚާބުގެ ދެބުރުގައި 180 މިލިޔަނަށްވުރެ ގިނަ ރުފިޔާ ޚަރަދުވި އިރު، މިފަހަރު ބޭއްވި މަޖިލިސް އިންތިޚާބަށް ޚަރަދުވި ފައިސާގެ އަދަދު، 120 މިލިޔަނަށް ވުރެ މަތިކަން ރައީސް ފާހަގަކުރެއްވިއެވެ. މީގެ އިތުރުން އެމަނިކުފާނު ވަނީ، ލޯކަލް ކައުންސިލް އިންތިޚާބުގެ ޚަރަދުތައް ބޮޑުކަންވެސް ފާހަގަކުރައްވާފައެވެ.

އުމަރު ޒާހިރަކީ، ކުރީގެ ރައީސުލްޖުމްހޫރިއްޔާ އަލްއުސްތާޛު މައުމޫނު ޢަބުދުލްޤައްޔޫމް އިސްވެ ހުންނަވައިގެން އުފެއްދެވި ޑީއާރްޕީގައިވެސް އިސްކޮށް މަސައްކަތް ކުރެއްވި ބޭފުޅެކެވެ. 2005 ވަނަ އަހަރުން ފެށިގެން ސިޔާސީ މަސައްކަތްތަކުގައި އޭނާ ބައިވެރިވެވަޑައިގަންނަވަމުން ގެންދެވިއެވެ. އުމަރު ޒާހިރުވެސް ވަނީ ޕީއެންސީއަށް ސޮއެކުރެއްވުމަށްފަހު އޭނާގެ މެމްބަރޝިޕް ފޯމް ރޭ ރައީސުލްޖުމްހޫރިއްޔާ ޑރ. މުހައްމަދު މުޢިއްޒާއި ޙަވާލުކުރައްވާފައެވެ.

ޝަފީޢާ ޒުބައިރުގެ ގެ، ހ. ވެޔޮވިލާ މިހާރު ވަނީ ޕީއެންސީގެ ހަރުގެ ހިންގުމަށް އެޕާޓީއަށް ދީފައެވެ. އެއިމާރާތަކީ، ޝަފީޢާ އެމްޑީޕީއާއި އެކު ހުންނެވި ދުވަސްވަރު އެޕާޓީގެ ސިޔާސީ ބޮޑެތި ހަރަކާތްތައް ހިންގުމަށް ބޭނުން ކުރި ޢިމާރާތެވެ.

މީގެ އިތުރުން މިރަސްމިއްޔާތުގައި ސިޔާސީ ދާއިރާގައި މީގެ ކުރިން އެހެން ޕާޓީތަކާއި އެކު މަސައްކަތް ކުރެއްވި ބޭބޭފުޅުންވެސް ވަނީ ޕީއެންސީއާ ގުޅިވަޑައިގެން އެޕާޓީގެ މެމްބަރޝިޕް ފޯމް، ރައީސުލްޖުމްހޫރިއްޔާ ޑރ. މުހައްމަދު މުޢިއްޒާއި ހަވާލުކޮށްދެއްވާފައެވެ.

އެޕާޓީން ހާމަކޮށްފައިވާ ގޮތުގައި މިރޭ ބޭއްވުމަށް ހަމަޖެއްސި ހަރުގެ ހުޅުވުމުގެ ރަސްމިއްޔާތު މާދަމާ ރެއަށް ފަސް ކުރީ، ވިއްސާރަވެ މޫސުމް ތަން ނުދިނުމުގެ ސަބަބުންނެވެ.

އެމްޑީޕީގެ ހަރުގެ ހިންގި އިމާރާތް، ހ. ވެޔޮވިލާއަކީ ޝަފީޢާ ޒުބައިރުގެ ގެއެކެވެ. އޭނާ އެމްޑީޕީން ވަކިވެ ވަޑައިގެން ޑިމޮކްރެޓްސް އާ ގުޅިވަޑައިގަތީ، އެމްޑީޕީގެ ތެރޭގައި ހިނގި ފެކްޝަން ކޯޅުންގަނޑުގެ ތެރޭގައެވެ. ރިޔާސީ އިންތިޚާބުގައި ދަ ޑިމޮކްރެޓްސްގެ ކެންޑިޑޭޓް ބަލިވެ، ދެވަނަ ބުރުގައި އެމްޑީޕީއާ ޕީއެންސީން ވާދަކުރި އިރު، ޝަފީޢާ ތާޢީދުކުރެއްވީ، ޕީއެންސީގެ ރިޔާސީ ކެންޑިޑޭޓް އަދި މިހާރުގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށެވެ.

މަޖިލީހުގެ ނައިބު ރައީސް ހޮވުމަށް ރައްޔިތުންގެ މަޖިލީހުގައި ނެގި ސިއްރު ވޯޓުގައި، އަޙްމަދު ނާޒިމަށް ލިބިވަޑައިގެންނެވީ 80 ވޯޓެވެ. އޭނާ އާއި ވާދަކުރެއްވި، ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އަޙްމަދު ދީދީއަށް ލިބިވަޑައިގެންނެވީ 12 ވޯޓެވެ. ބާޠިލް ވޯޓެއް ނެތް އިރު، ސައްޙަ ވޯޓުގެ އަދަދަކީ، 85 އެކެވެ. މަޖިލީހުގެ ނައިބު ރައީސް ހޮވުމަށް ނެގި ސިއްރު ވޯޓުގައި ބައިވެރިވެ ވަޑައިގެންނެވީ މަޖިލީހުގެ މެމްބަރުންގެ ތެރެއިން 92 މެމްބަރުންނެވެ. މަޖިލީހުގެ ރިޔާސަތުގައި އިންނެވި، ރައްޔިތުންގެ މަޖިލީހުގެ މީދޫ ދާއިރާގެ މެމްބަރު އަހްމަދު ސިޔާމް މަޖިލީހުގެ ރައީސާއި ނައިބު ރައީސް އިންތިޚާބު ކުރުމަށް ނެގި ސިއްރު ވޯޓުގައި ބައިވެރިވެވަޑައެއް ނުގަންނަވަައެވެ.

ޒީނާޒަކީ، ސިޔާސީ ދާއިރާ އާއި އިޖުތިމާއީ ޚިދުމަތުގެ ދާއިރާގައިވެސް މަސައްކަތް ކުރައްވާ ބޭކަނބަލެކެވެ. ކުރީގެ ރައީސް ޢަބުދުﷲ ޔާމީން ޢަބުދުލްޤައްޔޫމްގެ ވެރިކަމުގައި، އޭރު ސަރުކާރު ހިންގާ ޕާޓީގެ ގޮތުގައި އޮތް ޕީޕީއެމްގެ އިސް މަޤާމުތައްވެސް ޒީނާޒް ފުރުއްވާފައިވެއެވެ. މީގެ އިތުރުން ކުޑަކުދިންގެ ހިޔާގެ ސީއީއޯގެ މަޤާމުވެސް އޭނާ ފުރުއްވާފައިވެއެވެ.

ޕީއެންސީއަށް ސޮއެކުރެއްވު މަށްފަހުގައި، މުލީ އާގޭގައި ބޭއްވި ރަސްމިއްޔާތުގައި އަލްސަން ވަނީ އޭނާގެ މެމްބަޝިޕްފޯމް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި ހަވާލުކުރައްވާފައެވެ. އަލްސަންއަކީ، 20 ވަނަ ރައްޔިތުންގެ މަޖިލީހަށް އިންތިޚާބުވި އެންމެ އުމުރުން ހަގު މެމްބަރެވެ.

ރައްޔިތުންގެ މަޖިލީހުގެ ރައީސް ކަމުގެ މަޤާމަށް، ޢައްޔަނުކުރެއްވުމަށް ރައީސުލްޖުމްހޫރިއްޔާ ޢަބްދުއްރަޙީމްގެ ނަންފުޅު ހުށައެޅުއްވި އިރު، ޢަބުދުއްރަޙީމްއަކީ މިސަރުކާރު އުފެއްދުމުގެ އެންމެ ބޮޑު މޭސްތިރިޔާއެވެ. ރައީސް ޑޮކްޓަރ މުހައްމަދު މުޢިއްޒާއި އެކުގައި ރިޔާސީ ރޭހަށް ނުކުތުމުގެ ނިންމެވުމުން ނިންމަވައި އެންމެ ބޮޑަށް އެކަމަށް މަސައްކަތް ކުރެއްވި ބޭފުޅަކީ ޢަބުދުއްރަހީމްއެވެ. ރައްޔިތުންގެ މަޖިލީހަށް އޭނާ އިންތިޚާބުވެވަޑައިގެންނެވީ، އޭނާ ނިސްބަތްވާ ފޮނަދޫ ދާއިރާގެ ގޮނޑިއަށް ވާދަކުރައްވައި އެގޮނޑި ކާމިޔާބު ކުރައްވައިގެންނެވެ. 18 ވަނަ ރައްޔިތުންގެ މަޖިލީހުގައިވެސް އަބްދުއްރަހީމް ވަނީ އެދާއިރާގެ ގޮނޑި ފުރުއްވާފައެވެ.

ރިޔާސީ އިންތިޚާބުގެ ކުރިންނާއި އޭގެ ފަހުންވެސް ރައީސް ޑރ. މުއިއްޒު ވަނީ ރާއްޖޭގެ ދާޚިލީ ކަންކަމާއި އިންޑިއާއިން ބެހޭ ކަމުގައި ތުހުމަތު ކުރައްވާފައެވެ. އަދި އެމަނިކުފާނުގެ ރިޔާސީ ކެމްޕޭނުގެ މައިގަނޑު އެއް ވައުދަކީ ރާއްޖޭގައި ތިބި އިންޑިއާ ސިފައިން ރާއްޖެއިން ފޮނުވާލުން ކަމަށް ވާއިރު، މިހާރު ވަނީ ޔުނީފޯމްއެޅި އިންޑިއާ ސިފައިން ފޮނުވާލައި، އިންޑިއާގެ އާއްމުން ކުރިން އިންޑިއާ ސިފައިން ތިބި މަޤާމުތަކުގައި ބައިތިއްބާފައެވެ.

އެމަނިކުފާނު މިހެން ވިދާޅުވީ، އިއްޔެ ބޭއްވި ރައްޔިތުންގެ މަޖިލީހުގެ އިންތިޚާބުގައި، ސަރުކާރަށް ލިބުނު ކާމިޔާބީ ފާހަގަކޮށް އެކްސްގައި ކުރެއްވި ޕޯސްޓްގައެވެ. އެޕޯސްޓްގައި ޝިޔާމް ވަނީ އަބުދުއްރަހީމްއަށްވެސް ތައުރީފްކުރައްވައި، އަބްދުއްރަހީމްގެ ހިސާބު ބަރާބަރަށް ދިމާވާ ކަމުގައި ވިދާޅުވެފައެވެ.

ޕީއެންސީން ބުނީ، "ދިވެހީންގެ ރާއްޖެ މަޖިލީހަށް - މަރުހަބާ"ގެ ނަމުގައި އެންމެހައި ދިވެހިރައްޔިތުންނަށް މަރުޙަބާ ދެންނެވުމަށާއި ޝުކުރު އަދާކުރުމަށް މިރޭ ޚާއްޞަ ޖަލްސާއެއް ބޭއްވުމަށް ނިންމާފައިވާ ކަމަށެވެ. މިގޮތުން، މިޖަލްސާ އޮންނާނީ، މިރޭގެ 8:30ގައި އާޓިފިޝަލް ބީޗުގައި ކަމަށް އެޕާޓީން ވަނީ ބުނެފައެވެ. އަދި މިޖަލްސާގައި ބައިވެރިވުމަށް އާއްމުކޮށް އެންމެންނަށް އެޕާޓީން ވަނީ ދައުވަތު ފޮނުވާފައެވެ.

ޕީއެންސީގެ ބަޔާނުގައި ބުނެފައި ވަނީ، ރޭ ދިއްދޫގައި ބޭއްވި ކެމްޕެއިން ޖަލްސާގައި ފެނަކައިގެ އެސިސްޓެންޓް މެނޭޖަރުގެ މަޤާމުގައި ހުންނެވި ޢަބްދުﷲ ރަޝީދު "ކަރަންޓު ހަމައެކަނި ދޫކުރަންވީ ޕާޓީގެތަކަށް" ކަމަށް ބުނެ ދެއްކި ވާހަކަތައް ވަރަށް ހަރުކަށިކޮށް ކުށްވެރިކުރާ ކަމަށެވެ.

ރައްޔިތުންގެ މަޖިލީހުގެ ދިއްދޫ ދާއިރާއަށް ޕީޕިއެމް ޕިއެންސީގެ ޓިކެޓްގައި ވާދަކުރައްވާ ކެންޑިޑޭޓަށް ތާއީދު ހޯދުމަށް ރޭ ބޭއްވި ކެމްޕޭން އެއްވުމެއްގައި، މިސަރުކާރުން، ދިއްދޫ ފެނަކަ ބްރާންޗްގެ އެސިސްޓެންޓް މެނޭޖަރަކަށް ހަމަޖައްސާފައިވާ، ޢަބްދުއްﷲ ރަޝީދު ވަނީ، ދިއްދޫގައި، ކަރަންޓްދޭންވީ، ހަމައެކަނި ސަރުކާރަށް ތާއީދުކުރާ ފަރާތްތަކުގެ ގެތަކަށް އެކަނި ކަމަށް ބުނެ ވާހަކަ ދައްކާފައެވެ.

އެއަމަލު ކުއްވެރިކޮށް އެމްޑީޕީން ނެރުނު ނޫސް ބަޔާނަށް ރައްދުދީ، ޕީޕީއެމް ޕީއެންސީން މިރޭ ނެރުނު ނޫސްބަޔާނުގައި ބުނެފައި ވަނީ، ރައްޔިތުންގެ މަޖިލީހުގެ އިންތިޚާބަށް ނުފޫޒު ފޯރުވުމަށް މިސަރުކާރުން ރައްޔިތުންނަށް ވަޒީފާގެ ބިރު ދައްކަމުން ގެންދާކަމަށް ބުނެ އެމްޑީޕީން ނެރެފައިވާ ބަޔާނަކީ، މުޅިން ހަޤީޤަތާއި ޚިލާފު ބަޔާނެއް ކަަމަށެވެ.