Advertisement

ހ. ވެޔޮވިލާގައި ޕީއެންސީގެ ހަރުގެ ހަދާފައި --

21 Jun 2024
ޚަބަރު
ޢަލީ ސުލައިމާން

މާދަމާރޭ ޕީއެންސީގެ ހަރުގެ ހުޅުވަނީ

ކުރިން އެމްޑިޕީގެ ހަރުގެ ހިންގި ހެންވޭރު ވެޔޮވިލާގައި، މާދަމާ ރޭ، ޕީއެންސީގެ ހަރުގެ ހުޅުވުމަށް ނިންމާފައިވާ ކަމުގައި އެޕާޓީން ބުނެފިއެވެ.

ޕީއެންސީން ހާމަކޮށްފައިވާ ގޮތުގައި، އެޕާޓީގެ ހަރުގެ ހުޅުވުމަށް ބާއްވާ ޚާއްޞަ ރަސްމިއްޔާތު އޮންނާނީ، މާދަމާރޭ 8:30 ގައެވެ. މިރަސްމިއްޔާތުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ބައިވެރިވެ ވަޑައިގަންނަވާނެ ކަމަށާއި، ހަރުގެ ހުޅުއްވައި ދެއްވާނީ އެމަނިކުފާނު ކަމުގައިވެސް ޕީއެންސީ ހާމަކޮށްފައިވެއެވެ.

ޕީއެންސީގެ ހަރުގެ ހުޅުވާ އިމާރާތުގައި އެންމެ ފުރަތަމަ ހިންގީ އެމްޑީޕީގެ ހަރުގެ އެވެ. އެމްޑީޕީގެ ތެރޭގައި އުފެދުނު ފެކްޝަން ކޯޅުންތަކުގެ ތެރެއިން އެޕާޓީ ދެބައިވެގެން އުފެދުނު ދަ ޑިމޮކްރެޓްސްއަށް އެތަން ވެރިފަރާތުން ދީފައި ވަނީ އެމްޑީޕީގެ އަތުން ތަން އަތުލުމަށް ފަހުގައެވެ. ޕީއެންސީއަށް އެއިމާރާތް ދީފައި ވަނީ ދަ ޑިމޮކްރެޓްސްއިން އެތަން ދޫކޮށްލުމުންނެވެ.

ޕީއެންސީގެ ހަރުގެ ހިންގާ އެއިމާރާތަކީ، އެމްޑީޕީގެ ސިޔާސީ މަސައްކަތްތަކުގައި ވަރަށް ބޮޑަށް ބޭނުން ކުރި ހަރުގެ އެކެވެ. އަދި ސިޔާސީ ގޮތުން އެމްޑީޕީން ހިންގި ހަރަކާތްތަކުގެ އެތައް ހަނދާންތަކެއް އެއިމާރާތާއި ގުޅިފައިވާއިރު، އެއިމާރާތުގައި އެމްޑީޕީއާއި އިދިކޮޅު ޕީއެންސީ ހަރުގެ ހިންގާ މަންޒަރު ފެނުމަކީ، ރާއްޖޭގެ ސިޔާސީ ހަޔާތަށް އައި މުހިއްމު ބަދަލެއްގެ ރަމްޒު ކަމުގައި އާއްމު ބައެއް ފަރާތްތަކުން ސޯޝަލް މީޑިއާގައި ސިފަކޮށްފައިވެއެވެ.

އެމްޑީޕީގެ ހަރުގެ ހިންގި އިމާރާތް، ހ. ވެޔޮވިލާއަކީ ޝަފީޢާ ޒުބައިރުގެ ގެއެކެވެ. އޭނާ އެމްޑީޕީން ވަކިވެ ވަޑައިގެން ޑިމޮކްރެޓްސް އާ ގުޅިވަޑައިގަތީ، އެމްޑީޕީގެ ތެރޭގައި ހިނގި ފެކްޝަން ކޯޅުންގަނޑުގެ ތެރޭގައެވެ. ރިޔާސީ އިންތިޚާބުގައި ދަ ޑިމޮކްރެޓްސްގެ ކެންޑިޑޭޓް ބަލިވެ، ދެވަނަ ބުރުގައި އެމްޑީޕީއާ ޕީއެންސީން ވާދަކުރި އިރު، ޝަފީޢާ ތާޢީދުކުރެއްވީ، ޕީއެންސީގެ ރިޔާސީ ކެންޑިޑޭޓް އަދި މިހާރުގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.