އިންގްލިޝް ޕްރިމިއަރ ލީގުގައި ހޮނިހިރު ދުވަހުގެރޭ މެންޗެސްޓަރ ސިޓީއިން ރަށުން ބޭރުގައި ވެސްޓް ހޭމް އާ ދެކޮޅަށް ކުޅުނު މެޗުގައި އެ ޓީމުގެ ނޯވޭގެ ފޯވާޑް، އާރލިން ހާލަންޑު ހެދި ހެޓްރިކާއެކު، އިންގްލިޝް ޕްރިމިއަރ ލީގުގެ އައު ރެކޯޑުތަކެއް އޭނާ ގާއިމްކޮށްފިއެވެ.

ދެ އަހަރުން އެއް އަހަރު ބާއްވާ ޔޫއެފާ ނޭޝަންސް ލީގުގައި ވާދަކުރާ ޕޯޗުގަލްގެ ސްކޮޑުގައި އުމުރުން 39 އަހަރުގެ ފޯވާޑް، ކްރިސްޓިއާނޯ ރޮނާލްޑޯ ހިމަނައިފިއެވެ. ރޮނާލްޑޯ މި ސްކޮޑުގައި ހިމެނި އިރު، އޭނާއަށް ވަނީ މި އަހަރު ބޭއްވި ޔޫރޯ ފުޓުބޯޅަ މުބާރާތުގައި އެހާ އެދެވޭ ކުޅުމެއް ނުދެއްކިފައެވެ.

މި އަހަރުގެ ސަމާ ޓްރާންފަރ ވިންޑޯގެ ފަހު ދުވަހު އެންމެ ފާހަގަކޮށްލެވޭ ޓްރާންސްފަރ ތަކުގެ ތެރޭގައި ހިމެނެނީ، ޗެލްސީގެ ފޯވާޑު ރަހީމް ސްޓާލިން ލޯނު އެއްބަސްވުމެއްގެ ދަށުން އާސެނަލްއަށް ބަދަލުވުމާއި އަދި އިވާން ޓޯނީ ބޮރެންޓްފޯޑުން ސައުދީ ލީގުގެ އަލް އަހްލީއަށް ބަދަލުވުމެވެ.

ކްލަބުތަކުގެ މެދުގައި ކުޅޭ އެންމެ ޝަރަފުވެރި މުބާރާތް އަދި ދުނިޔޭގެ އެންމެ ފޯރިގަދަ ކްލަބް ކޮމްޕެޓިޝަން ކަމުގައިވާ، ޗެމްޕިއަންސް ލީގުގެ ގުރުއަތު ނެގުން ބުރާސްފަތި ދުވަހު މޮނާކޯގައި ބާއްވާފައިވާއިރު، 36 ކްލަބާ އެކީ މި ފަހަރުގެ މުބާރާތް ކުރިޔަށް ގެންދިއުމަށް ހަމަޖެހިފައިވަނީ ތަފާތު ފޯމެޓަކަށެވެ.

ޗެމްޕިއަންސް ލީގުގެ ތާރީހުގައި އެންމެ ގިނަ ގޯލު ޖަހާފައިވާ ކުޅުންތެރިޔާ، ޕޯޗުގަލްގެ ކްރިސްޓިއާނޯ ރޮނާލްޑޯއަށް ޔޫއެފާއިން ހާއްސަ އެވޯޑެއް ދީފިއެވެ. މި އެވޯޑު އޭނާއަށް ދީފައި ވަނީ، ޗެމްޕިއަންސް ލީގުގެ ފުރަތަމަ ސްޓޭޖުގެ މެޗުތަކުގެ ގުރުއަތު ނެގުމަށް ހާއްސަކޮށް މޮނާކޯގައި ބޭއްވި ރަސްމިއްޔާތުގައި ޔޫއެފާގެ ރައީސް، އެލެކްސެންޑަރ ކެފެރިންއެވެ.

އިޓަލީގެ ދެވަނަ ޑިވިޝަނުގައި އޮތް ސަމްޑޯރިއާގެ ކޯޗުގެ މަގާމުގައި ހުރި އިޓަލީގެ ކުރީގެ މިޑްފިލްޑަރ، އެންޑްރެއަސް ޕިރްލޯ އޭނާގެ މަގާމުން ވަކިކޮށްފިއެވެ.

2023/24 ސީޒަނުގައި ޔޫރަޕްގެ ބޮޑެތި ލީގުތަކުގައި ކުޅޭ ކުޅުންތެރިންގެ ތެރެއިން އެންމެ ގިނަ ގޯލު ޖެހި ކުޅުންތެރިޔާގެ އެވޯޑު ބެޔާން މިއުނިކްގެ އިނގިރޭސި ފޯވާޑް، ހެރީ ކޭން ހާސިލްކޮށްފިއެވެ. އޭނާ މި އެވޯޑު ހާސިލްކޮށްފައި މިވަނީ މިދިޔަ ސީޒަނުގައި 36 ގޯލު ޖަހައިގެންނެވެ.

ލޯނު އެއްބަސްވުމެއްގެ ދަށުން ބާސެލޯނާއަށް މިދިޔަ ސީޒަން ކުޅެފައިވާ ޒިއާއޯ ކަންސެލޯ ސައުދީ ޕްރޮފެޝަނަލް ލީގުގެ އަލް-ހިލާލްއަށް ވިއްކާލުމަށް މެންޗެސްޓަރ ސިޓީއިން ނިންމައިފިއެވެ.

އެންމެ ފަހުން ބޭއްވި ކޮޕާ އެމެރިކާގެ އެންމެ މޮޅު ކުޅުންތެރިޔާގެ މަގާމު ހޯދި، ކޮލަމްބިޔާގެ ޕްލޭ މޭކަރ ހަމޭސް ރޮޑްރިގޭޒް އޭނާގެ ޕްރޮފެޝަނަލް ކެރިއަރުގެ 11 ވަނަ ކްލަބަށް ބަދަލުވުމަށް ނިންމައިފިއެވެ. އެގޮތުން މި ފަހަރު އޭނާ އެނބުރި ދާނީ ސްޕެއިން އަށެވެ.

އިނގިރޭސީ ގައުމީ ޓީމުގެ ކޯޗެއްގެ މަގާމުގައި ފަސް އަހަރު ހޭދަކޮށްފައިވާ ސްވިޑްންގެ ސްވެން ގޮރަން އެރިކްސަން ކެންސަރު ބަލީގައި ހޯމަ ދުވަހު މަރުވެއްޖެއެވެ. ފުރަމޭގެ ކެންސަރަށް ފަރުވާ ހޯދަމުން ދިޔަ އެރިކްސެންއަށް ކެންސަރު ޖެހިފައިވާކަން އެނގުނީ މީގެ އަހަރެއްހާ ދުވަސް ކުރިންނެވެ. އަދި އޭނާ މަރުވި އިރު އުމުރަކީ 76 އަހަރެވެ.

މި ޖީލު ދުށް އެންމެ މޮޅު ދެ ފުޓުބޯޅަ ކުޅުންތެރިން ކަމުގައިވާ، ޕޯޗުގަލްގެ ކްރިސްޓިއާނޯ ރޮނާލްޑޯ އާއި އާޖެންޓީނާގެ ލިއޮނެލް މެސީގެ އުމުރުން 24 އަހަރު ގޯލު ޖަހަމުން އައި މިންވަރާއި، މެންޗެސްޓަރ ސިޓީގެ ނޯވޭ ފޯރވާޑް، އަރލިންގް ހާލަންޑު މި އުމުރުގައި ގޯލުޖަހަމުން އަންނަ މިންވަރު މާ ގިނައެވެ.

ކ. ތުލުސްދޫގައި ކުރިއަށްދިޔަ އޭޝިއަން ސާފިން ޗެމްޕިއަންޝިޕުގައި ރާއްޖޭގެ ފިރހެން ޓީމުގެ ނަތީޖާ ރަގަޅުވުމާއެކު، 2026 ވަނަ އަހަރު ޖަޕާނުގައި ބޭއްވުމަށް ހަމަޖެހިފައިވާ އޭޝިއަން ގޭމްސްގެ ސާފިންގެ ފިރިހެން ކެޓަގަރީގެ ސްލޮޓް ރާއްޖެ އަށް ކަށަވަރުވެއްޖެއެވެ.

ޕޯޗުގަލްގެ ކްރިސްޓިއާނޯ ރޮނާލްޑޯ އޭނާގެ ޔޫޓިއުބް ޗެނަލް ހެދިތާ 90 މިނެޓުގެ ތެރޭގައި 1 މިލިއަން ސަބްސްކްރައިބާސް ހަމަކޮށް، އެންމެ އަވަހަށް މިލިއަނަކަށް ވުރެން ގިނަ ޔޫޓިއުބް ސަބްސްކްރައިބާސް ހޯދުމުގެ ރެކޯޑެއް ހަދައިފިއެވެ.

މެންޗެސްޓަރ ސިޓީގައި ހުރުމަށްފަހު ބާސެލޯނާއަށް ބަދަލުވުމަށް މީގެ އެއް އަހަރު ކުރިން އެ ކްލަބު ދޫކޮށްލި ޖަރުމަނުގެ މިޑްފީލްޑަރ، އިލްކޭ ގުންޑޮގަން އަނބުރާ އެ ޓީމަށް ދިއުމަށް ނިންމައިފިއެވެ. ގުންޑޮގަން މެންޗެސްޓަރ ސިޓީއަށް ބަދަލުވާނީ ޓްރާންސްފަރ ފީގެ ގޮތުގައި އެއްވެސް އަގަކާ ނުލައެވެ.

2026 ވަނަ އަހަރު ޖަޕާނުގައި ބޭއްވުމަށް ހަމަޖެހިފައިވާ އޭޝިއަން ގޭމްސްގެ އަންހެން ސާފިންގައި ވާދަކުރުމުގެ ފުރުސަތު ރާއްޖެއަށް ލިބިއްޖެއެވެ. ރާއްޖެއިން ވާދަކުރާނީ ސައުތު އޭޝިއާއަށް ލިބޭ ސްލޮޓުގައެވެ.

ކޮރަޕްޝަންގެ ގިނަ ތުހުމަތުތަކަކާއެކު ބޮއްސުންލާފައިވާ ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ހިންގުން ހަވާލުކުރުމަށް ފީފާ އިން ނިންމާފައިވާ ނޯމަލައިޒިން ކޮމިޓީ އެކުލަވާލައިފިއެވެ. އެ ކޮމެޓީގެ ޗެއާމަނަކަށް ފީފާއިން ހަމަޖައްސާފައިވަނީ ކުރީގެ ޔޫތު އެންޑް ސްޕޯޓްސް މިނިސްޓަރު، އަހުމަދު ޒުހޫރުއެވެ.