Advertisement

19 Sep 2024
ކުޅިވަރު

ފީފާއިން ދިން ފައިސާ ބޭނުންކޮށްގެން ބައްސާމް ދެ އެޕާޓްމެންޓެއް ގަނެފައިވާ މައްސަލައިގައި ދައުވާ ކުރުމަށް ފޮނުވައިފި

ފުޓްބޯޅަ އެސޯސިއޭޝަން އޮފް ދަ މޯލްޑިވްސް (އެފްއޭއެމް) އަށް ފީފާއިން ދީފައިވާ ފައިސާ ބޭނުންކޮށްގެން، އެ އެސޯސިއޭޝަންގެ ކުރީގެ ރައީސް، ބައްސާމް އަދީލް، އަމީން އެވެނިއު އިން ދެ އެޕާޓްމެންޓް ގަތް މައްސަލައިގައި ދައުވާކޮށްދިނުމަށް އެދި ޕްރޮސެކިއުޓާ ޖެނެރަލް (ޕީޖީ) އޮފީހަށް ފުލުހުން ފޮނުވައިފިއެވެ.

އެފްއޭއެމްއާ ދެކޮޅަށް ފުލުހުން ހިންގަމުންދާ ތަހުގީގުގައި އެނގިފައިވާ ގޮތުން، މި ދެ އެޕާޓްމެންޓު ގަތުމަށް ބައްސާމް ބޭނުންކޮށްފައިވަނީ، ފީފާއިން ކޮވިޑް ލޯނުގެ ގޮތުގައި ދިން ފައިސާގެ ތެރެއިން އެއް މިލިއަން ޑޮލަރެވެ. ފީފާއިން ވަނީ ކޮވިޑުގެ އެހީގެ ގޮތުގައި އެފްއޭއެމްއަށް 1.9 މިލިއަން ޑޮލަރު ދީފައެވެ. އެހެންކަމުން، މި އަދަދުގެ ދެބައިކުޅަ އެއްބަޔަށް ވުރެން ގިނަ ފައިސާ ބައްސާމް ވަނީ މިކަމަށް ހޭދަކޮށްފައެވެ.

ފީފާއިން ކޮވިޑުގެ އެހީ އެފްއޭއެމްއާއި ހަވާލުކޮށްފައިވަނީ އެޕްރީލް 14، 2021 ގައެވެ. ފުލުހުންގެ ތަހުގީގަށް އެނގިފައިވާ ގޮތުގައި، އަމީން އެވެނިއުއިން އެޕާޓްމެންޓު ގަތުމަށް، އަމީން ކޮންސްޓްރަކްޝަނާއި ފައިސާ ހަވާލުކޮށްފައިވަނީ ތިރީގައިވާ ގޮތުގެ މަތިންނެވެ.

ފުރަތަމަ ޕޭމަންޓު: އެޕްރީލް 20، 2021 – 6،168،000 (ހަ މިލިއަން އެއް ލައްކަ ފަސްދޮޅަށް އަށްހާސް) ރުފިޔާ

ދެވަނަ ޕޭމަންޓު: އޮކްޓޯބަރ 31، 2021 – 3،084،000 (ތިން މިލިއަން އަށްޑިހަ ހަތަރު ހާސް) ރުފިޔާ

ތިންވަނަ ޕޭމަންޓު: ނޮވެމްބަރ 30، 2021 – 6،168،000 (ހަ މިލިއަން އެއް ލައްކަ ފަސްދޮޅަށް އަށްހާސް) ރުފިޔާ

މި މައްސަލައިގެ އިތުރުން ވެސް، ބައްސާމްގެ މައްޖަށް ޕީޖީ އޮފީހުން ވަނީ އިތުރު ދައުވާތަކެއް އުފުލާފައެވެ. އެގޮތުން މިދިޔަ ހިޔާނާތާއި މަނީ ލޯންޑަރިންގެ ދައުވާއެއް ވަނީ މިދިޔަ ފެބުރުވަރީ މަހު އުފުލާފައެވެ. އެ މައްސަލައަކީ، ފީފާއިން ދެމުން އަންނަ ފައިސާގެ ތެރެއިން 10،000 އެމެރިކާ ޑޮލަރު އޭނާގެ އަމިއްލަ އެކައުންޓަށް ފޮނުވައި އަދި އެ ބޭނުންކޮށްފައިވާތީ އުފުލާފައިވާ ދައުވާއެކެވެ. އަދި އެ މައްސަލައާއި ގުޅިގެން ބައްސާމްގެ ޕާސްޕޯޓު ވެސް ވަނީ ހިފާއްޓާފައެވެ.

ފީފާ އިން މިދިޔަ ޖޫން މަހު 20 ވަނަ ދުވަހު ނިންމީ، ފީފާގެ އިންވެސްޓިގޭޓަރީ ޗެމްބަރުން ހޯދި ހޯދުމުން، ބައްސާމް ވަނީ އެފްއޭއެމްގެ އެންމެ އިސްވެރިއެއްގެ މަގާމުގެ ނުފޫޒު ބޭނުންކޮށްގެން، ހަދިޔާ ހޯދުމާއި ރާއްޖެ އަށް ލިބޭ ފަންޑް/ފައިސާ ނަހަމަ ގޮތުގައި ބޭނުންކުރުމުގެ ކަންތައްތަކެއް ކޮށްފައިވާތީ، ބައްސާމް ނުވަ މަހަށް ފުޓްބޯޅައިގެ ހުރިހާ ހަރަކާތަކުން ސަސްޕެންޑް ކުރުމަށެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.