ޗެމްޕިއަންސް ލީގުގެ ސެމީ ފައިނަލުގެ ފުރަތަމަ މެޗުގެ ފުރަތަމަ ލެގުގައި އަންގާރަ ދުވަހުގެރޭ ރެއާލް މެޑްރިޑާއި ބެޔާން މިއުނިކް ބައްދަލުކުރި މެޗު 2-2 އިން އެއްވަރުވެއްޖެއެވެ. ބެޔާންގެ އެލިއަންސް އެރީނާގައި ކުޅުނު މި މެޗުން އެއްވަރުވުމަކީ، މެޑްރިޑަށް ލިބުނު ވަރަށް ބޮޑު ހިންހަމަޖެހުމެކެވެ.

ފުޓުބޯޅަ އެސޯސިއޭޝަން އޮފް ދަ މޯލްޑިވްސް (އެފްއޭއެމް) އިން ފުޓުބޯޅަ ސީޒަނުގެ ކަލަންޑަރު ކުލަބުތަކާ ހިއްސާކޮށްފިއެވެ. އެގޮތުން، މިދިޔަ ޑިސެމްބަރު މަހު ނިމުނު ދިވެހި ޕްރިމިއަ ލީގު ޝެޑިއުލްގައި ވާގޮތުން ދެން ފަށާނީ 1 އޯގަސްޓް 2024 ގައެވެ.

އިންގްލިޝް ޕްރިމިއަ ލީގުގައި އާދީއްތަ ދުވަހު ޓޮޓެންހަމް ހޮޓްސްޕާއާ ދެކޮޅަށް ކުޅުނު މުހިންމު މެޗު ކާމިޔާބުކޮށް، އާސެނަލްއާ ހަވާލުވިފަހުން އެ ޓީމުގެ ކޯޗު މައިކަލް އާޓޭޓާ 100 ވަނަ މޮޅު ހާސިލްކޮށްފިއެވެ. މިއީ އާޓޭޓާގެ ބެލުމުގެ ދަށުން އާސެނަލް ކުޅުނު 169 ވަނަ މެޗެވެ. އާސީން ވެންގާއަށް މި އަދަދަށް މެޗުން މޮޅު ވެވުނީ 179 މެޗުންނެވެ. އެއީ އާޓޭޓާއަށް ވުރެން އިތުރަށް 10 މެޗު ކުޅެގެންނެވެ.

ބެޔާ ލެވަކޫސެންގެ 120 އަހަރުވީ ދިގު ތާރީހުގައި އެ ޓީމުން އަލަށް މި ސީޒަނުގައި ލީގު ކާމިޔާބުކޮށްފައިވާއިރު، މި ހަނދާންތައް އެ ޓީމަށާއި، ކުޅުންތެރިންނާއި އަދި ހާއްސަކޮށް އެ ޓީމުގެ ކޯޗު، ޒަބީ އަލޮންސޯއަށް ވެގެންދާނީ މުޅި އުމުރު ދުވަހު ވެސް ހަނދާނުން ފޮހެވޭނެ ކަމަކަށް ނޫނެވެ.

މި ސީޒަނަށްފަހު ލިވަޕޫލް ދޫކޮށްލުމަށް ކްލޮޕް ނިންމާފައިވާތީ އޭނާގެ ބަދަލުގައި އެ މަގާމަށް ކޯޗެއް ހޯދުމުގެ މަސައްކަތް ލިވަޕޫލުން ކުރަމުން އަންނަތާ ދުވަސްކޮޅެއް ވެއްޖެއެވެ. އަދި ލިވަޕޫލުން އެކަން ކާމިޔާބުކޮށްފިކަމުގެ ހަބަރުތައް ފެތުރިފައިވަނީ ފާއިތުވި 24 ގަޑިއިރުގެ ތެރޭގައެވެ. އަދި މި ހަބަރު، އިނގިރޭސިވިލާތާއި ނެދަލޭންޑްސްގެ ހަބަރު ފަތުރާ ވަސީލަތްތަކުން ވެސް ކަށަވަރުކޮށްދެއެވެ.

އިންގްލިޝް ޕްރިމިއަ ލީގުގައި ބުރާސްފަތި ދުވަހުގެރޭ ބްރައިޓަން އެންޑް ހޯވް އަލްބިއަން (ބްރައިޓަން) 4-0 އިން ބަލިކޮށް، މެންޗެސްޓަރ ސިޓީއިން ލީގުގެ އެއްވަނައިގައި އޮތް އާސެނަލްއާ އެއް ޕޮއިންޓަށް ކައިރިއަށް ޖެހިލައިފިއެވެ.

އިންގްލިޝް ޕްރިމިއަ ލީގުގައި ރޭ އެވަޓަންއާ ބައްދަލުކޮށް ލިވަޕޫލަށް ނަތީޖާއެއް ނުނެރެވުމުން، އެ ޓީމު އެންމެ ފަހުން ލީގުގެ ރޭހުން ސޮއްސާލާފާނެކަމަށް ގަބޫލުކުރެވެން ފަށައިފިއެވެ. އެވަޓަންގެ ގުޑިސަން ޕާކުގައި ކުޅުނު މި މެޗު އެވަޓަން އިން ކާމިޔާބުކޮށްފައިވަނީ 2-0 އިންނެވެ.

އޭސީ މިލާނާ ދެކޮޅަށް ކުޅުނު ހޫނުގަދަ ލީގު މެޗަށްފަހު، އިޓާލިއަން ސީރިއާގެ ތަށި ވިހި ވަނަ ފަހަރަށް އިންޓަ މިލާންއިން ޔަގީންކޮށްފިއެވެ. މި މެޗުގައި އިންޓަ މިލާންއަށް ގޯލުތައް ކާމިޔާބުކޮށްދިނީ އެ ޓީމުގެ އެންމެ ފަހަތަށް ކުޅޭ ފްރާންސެސްކޯ އަޗެރްބީ އާއި ޓީމުގެ ފޯވާޑް، މާކަސް ތުރާމް އެވެ. އޭސީ މިލާންގެ ހަމައެކަނި ގޯލު ކާމިޔާބުކޮށްދިނީ އެ ޓީމުގެ އެންމެ ފަހަތަށް ކުޅޭ ކުޅުންތެރިޔާ ފިކާޔޯ ޓޮމޯރީއެވެ.

އިނގިރޭސި އެފްއޭ ކަޕްގެ ފައިނަލަށް މެންޗެސްޓަރ ސިޓީ އާއި މެންޗެސްޓަރ ޔުނައިޓެޑު ދަތުރުކޮށްފިއެވެ. މިދިޔަ ސީޒަނުގެ ފައިނަލުގައިވެސް ފެނިގެން ދިޔައީ މި ދެ ޓީމުގެ ކުރިމަތި ލުމެކެވެ. އެ މެޗު 2-1 އިން ކާމިޔާބުކޮށްފައިވަނީ ސިޓީއެވެ.

ނިމިދިޔަ ހަފްތާގައި ބުންޑެސްލީގާގެ ތަށި ޔަގީންކޮށްފައިވާ ބެޔާން ލެވަކޫސެންއިން ޔޫރޮޕާ ލީގުގެ ސެމީ ފައިނަލުން ޖާގަ ހޯދައިފިއެވެ. ކުއާޓާ ފައިނަލުގައި އިނގިރޭސިވިލާތުގެ ވެސްޓް ހޭމްއާ ދެކޮޅަށް ކުޅެ، ލުވެކޫސެން އިން ސެމީގެ ޖާގަ ހޯދީ 3-1 ގެ އެގްރިގޭޓު ސްކޯއަކުންނެވެ.

މި ސީޒަނުގައި އެއްވެސް މެޗަކުން ބަލިނުވެ، މިހާތަނަށް ހައިރާންކުރުވަނިވި ރެކޯޑެއް ދަމަހައްޓާފައިވާ ބެޔާން ލެވަކޫސެން އިން، ބާކީ ފަސް މެޗު ކުޅެން އޮއްވައި ޖަރުމަނު ލީގު ޔަގީންކޮށްފިއެވެ. މިއީ ލެވަކޫސެން އިން އެ ކުލަބުގެ ތާރީހުގައި ލީގު ކާމިޔާބުކުރި ފުރަތަމަ ފަހަރެވެ.

މި މެޗަށް ސިޓީއިން ނިކުތީ އެ ޓީމުގެ ފުރަތަމަ އެގާރައިގައި އާންމުކޮށް ކުޅޭ މުހިންމު ކުޅުންތެރިންތަކެއް ކަމުގައިވާ ފިލް ފޮޑެން، ޖެކް ގްރިއަލިޝް އަދި ބަނާޑޯ ސިލްވާ ނުލައެވެ. އެއީ ބުދަ ދުވަހު އޮންނަ ޗެމްޕިއަންސް ލީގުގެ ކުއާޓާ ފައިނަލްގެ ދެވަނަ ލެގަށް ތައްޔާރުވުމުގެ ގޮތުންކަމަށް ބެލެވެއެވެ.

ބާސްކެޓް ކޯޓުން ވިދާލައި، ގައުމީ ބާސްކެޓް ބޯޅަ ޓީމުގެ އިތުރުން ގައުމީ ހޭންޑް ބޯޅަ ޓީމަށް ވެސް ކުޅެފައިވާ ހުސްނާ މުޙައްމަދު (ހުސީ) އަކީ ކުޅިވަރުގައި އައު ނަމެއް ނޫނެވެ. އެހެން އެތުލީޓުންނާ ހިލާފަށް، ހުސީގެ ކުޅިވަރުގެ ކެރިއާ ފެށުނީ ސްކޫލް ދައުރަށްފަހުގައި ނަމަވެސް، އޭނާވަނީ ގިނަ ކުޅިވަރުތަކެއް މޮޅަށް ކުޅެ، ރަންވަނަތައް ހޯދާފައެވެ. އޭގެ ފަހުން މި ކުޅިވަރުތަކާ ކޮންމެވެސް ވަރަކަށް ދުރަށް ޖެހިލުމަށްފަހު، ހުސީއަކީ މިހާރު މެރަތަން ދުވުންތެރިއެކެވެ. އޭނާ މެރަތަން ދުވުމުގެ ފަރިތަކުރުންތައް ހަދަމުންދަނީ އެލީޓް ރަނާސްއާއެކު، ޝަރަފް ކޯޗުގެ އިރުޝާދުގެ ދަށުންނެވެ.

ޔޫރޮޕާ ލީގުގެ ކުއާޓާ ފައިނަލް ފުރަތަމަ ލެގުގައި ބުރާސްފަތި ދުވަހުގެ ރޭ އިޓަލީގެ އެޓްލާންޓާއިން 3-0 އިން ލިވަޕޫލް ބަލިކޮށްފިއެވެ. ލިވަޕޫލްގެ އެންފީލްޑްގައި ކުޅުނު މި މެޗުން ބަލިވުމުން، އެ ޓީމު ބަލިނުވެ 33 މެޗަށް ދަންމާލި ރެކޯޑު ވެސް މިވަނީ ނިމުމަކަށް އައިސްފައެވެ. ލިވަޕޫލް އެންމެ ފަހުން ބަލިވެފައިވަނީ 2023 ވަނަ އަހަރުގެ ފެބުރުވަރީ މަހު ރެއާލް މެޑްރިޑް އަތުންނެވެ.

ޗެމްޕިއަންސް ލީގުގެ ކުއާޓާ ފައިނަލްގެ ފުރަތަމަ ލެގުގައި ޕެރިސް ސެއިންޓް ޖާމެއިން (ޕީއެސްޖީ) އާއި ބާސެލޯނާ ބައްދަލުކުރި މެޗުގައި ބާސެލޯނާއިން ގޯލެއް ޖަހާފައިވަނިކޮށް ޕީއެސްޖީއިން ތިން މިނެޓުން އެ ނަތީޖާ ފުރޮޅާލި ނަމަވެސް، ފަހަތުންއަރާ ބާސެލޯނާއިން ރަށުން ބޭރުގައި ކުޅުނު މެޗު ކާމިޔާބުކޮށްފިއެވެ.

އައްޑޫއަށް ނިސްބަތްވާ ޒުވާނުންތަކެއްގެ މި "ސަކްސަސް ސްޓޯރީ" އަޑު އަހާފައި އަޅުގަނޑަށް ޔަގީންވި އެއް ކަމަކީ، ކަމެއް ހާސިލްކުރުމަށް އެދޭނަމަ، ކެތްތެރިކަމާއެކު އެ މަސައްކަތުގައި ހޭދަކުރާ ކޮންމެ ދުވަހަކީ، ކާމިޔާބާ ކައިރިޔަށް ދަތުރު ކުރެވޭ ދުވަހެއް ކަމެވެ. މި ޒުވާނުން ސާބިތުކޮށްދިނީ އެކަމެވެ.