Advertisement

05 May 2024
ސްޕެނިޝް ލަ ލީގާ
މިފްތާޙް މުޙައްމަދު

ބާސެލޯނާއަށް މޮޅުނުވެވުމުން ރެއާލް މެޑްރިޑަށް ލީގު ޔަގީންވެއްޖެ

ސްޕެނިޝް ލަ ލީގާގައި ހޮނިހިރު ދުވަހުގެރޭގެ އިރާކޮޅު ރެއާލް މެޑްރިޑު މޮޅުވެފައިވަނިކޮށް، ބާސެލޯނާއަށް އެ ޓީމުގެ މެޗު ކާމިޔާބު ނުކުރެވުމާ ގުޅިގެން، މި ސީޒަނުގެ ތަށި މެޑްރިޑަށް ޔަގީންވެއްޖެއެވެ.

ރޭގެ މެޗުގައި ރެއާލް މެޑްރިޑުން ނިކުތީ ކެޑިޒް އާ ދެކޮޅަށެވެ. މެޑްރިޑު 3-0 އިން މި މެޗު ކާމިޔާބުކޮށްފައިވާއިރު، ބާސެލޯނާއިން ޖިރޯނާއާ ދެކޮޅަށް ކުޅުނު މެޗުން އެ ޓީމު ވަނީ 4-2 އިން ބަލިވެފައެވެ.

ޖިރޯނާއިން ބާސެލޯނާގެ މައްޗަށް ކުރިހޯދީ، ފުރަތަމަ ހާފުގައި ބާސެލޯނާއިން 2-1 ގެ ލީޑެއް ނަގާފައިވަނިކޮށެވެ. އެހެންކަމުން، ލީގުގައި ބާކީ 4 މެޗު އޮތްއިރު، މެޑްރިޑުން ނަގާފައިވާ ލީޑަކީ ބާސެލޯނާއަށް ދެން އަތުވާނެ ލީޑެއް ނޫނެވެ.

ރޭގެ މެޗުގައި މެޑްރިޑުގެ 3 ގޯލު ވެސް ފެނިގެން ދިޔައީ ދެވަނަ ހާފުގައެވެ. މެޑްރިޑުގެ ފުރަތަމަ ގޯލަކީ ކެޑިޒްގެ ނުރައްކާތެރި ހަމަލާއެއް ތިއާބަތު ކޯޓްވާ މަތަކުރިތާ 1 މިނެޓު ފަހުން ފެނިގެން ދިޔަ ގޯލެކެވެ. މި ގޯލު ކާމިޔާބުކޮށްދިނީ މެޗުގެ 51 ވަނަ މިނެޓުގައި ބްރާހިމާ ޑިއާޒްއެވެ.

އެ ޓީމުގެ ދެވަނަ ގޯލަކީ، މެޑްރިޑަށް ބަދަލުވުމަށްފަހު އެ ޓީމުގެ މި ކާމިޔާބީގައި މުހިންމު ދައުރެއް އަދާކުރަމުން އަންނަ، ޖޫޑް ބެލިންގްހަމް ކާމިޔާބުކުރި ގޯލެކެވެ. އަދި މި ސީޒަންގެ ކާމިޔާބާއެކު، 20 އަހަރުގެ ބެލިންގްހަމް މި ހިމެނުނީ ލަ ލީގާ ކާމިޔާބުކުރި މަދު އިނގިރޭސި ކުޅުންތެރިންގެ ތެރޭގައެވެ. މީގެ ކުރިން ލަ ލީގާ ކާމިޔާބުކޮށްފައިވާ އިނގިރޭސި ކުޅުންތެރިންގެ ތެރޭގައި ހިމެނެނީ ލައުރީ ކަނިންގްހަމް (1979-80)، ސްޓީވް މެކްމަނަމަން (2000-01 އަދި 2002-03)، ޑޭވިޑް ބެކަމް (2006-07) އަދި ކިއަރަން ޓްރިޕިއާ (2020-21) އެވެ.

މެޑްރިޑުގެ ފަހު ގޯލު ކާމިޔާބުކޮށްފައިވަނީ ހޮސޭލޫއެވެ.

ލީގުގައި މިހާތަނަށް މެޑްރިޑަށް ގެއްލިފައިވަނީ އެންމެ މެޗެކެވެ. އެހެންކަމުން، 99 ޕޮއިންޓާއެކު ލީގު ނިންމާލުމުގެ ފުރުސަތު އެ ޓީމަށް އަދި އެބައޮތެވެ. އެހެންވެއްޖެނަމަ މިއީ ދެވަނައަށް އެންމެ ގިނަ ޕޮއިންޓާއެކު ސީޒަން ނިންމާލެވޭނެ ފަހަރަށް ވެގެންދާނެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.