Advertisement

14 Apr 2024
ކުޅިވަރު
މިފްތާޙް މުޙައްމަދު

ތަރިންތައް ރެސްޓުގަ ބައިތިއްބައިގެން ސިޓީ ލީގުގެ އެއްވަނައަށް އަރައިފި

އިންގްލިޝް ޕްރިމިއަ ލީގުގައި ޗެމްޕިއަންސް މެންޗެސްޓަރ ސިޓީއިން ލުޓޯން 5-1 އިން ބަލިކުރުމަށްފަހު ލީގުގެ އެއްވަނައަށް އަރައިފިއެވެ

މި މެޗަށް ސިޓީއިން ނިކުތީ އެ ޓީމުގެ ފުރަތަމަ އެގާރައިގައި އާންމުކޮށް ކުޅޭ މުހިންމު ކުޅުންތެރިންތަކެއް ކަމުގައިވާ ފިލް ފޮޑެން، ޖެކް ގްރިއަލިޝް އަދި ބަނާޑޯ ސިލްވާ ނުލައެވެ. އެއީ ބުދަ ދުވަހު އޮންނަ ޗެމްޕިއަންސް ލީގުގެ ކުއާޓާ ފައިނަލްގެ ދެވަނަ ލެގަށް ތައްޔާރުވުމުގެ ގޮތުންކަމަށް ބެލެވެއެވެ

މެޗު ފެށިތާ 66 ސިކުންތުގެ ތެރޭގައި ސިޓީއަށް ލީޑު ލިބުނީ ލުޓޯންގެ ޑައިކީ ހަޝިއޯކާ އަތުން ބައިކޮޅަށް ވަތް ގޯލަކުންނެވެ. މި ގޯލާއެކު 1-0 އިން ފުރަތަމަ ހާފު ނިންމާލިއިރު، ސިޓީގެ ގޯލުތައް ފެނިގެން ގޮސްފައިވަނީ މެޗުގެ ފަހުކޮޅުއެވެ.

އެ ޓީމުން ކާމިޔާބުކުރި ދެވަނަ ގޯލަކީ ކޮވަސިޗްގެ "ވޮލީ"އެކެވެ. ޖޫލިއަން އަލްވަރޭޒް ލުޓޯންގެ ގޯލު ކުރިމައްޗަށް ހުރަސްކޮށްލި ބޯޅަ، ކޮވަސިޗް ގޯލަށް ފޮނުވާލީ ޕެނަލްޓީ އޭރިޔާ ރޮނގުމަތިން ކަހަލަ ގޮތަކަށެވެ

އެ ގޯލަށްފަހު ލުޓޯން ކުޅުންތެރިންގެ ފުށުން ވަރުބަލިކަން ފެނުނެވެ. އެހެންކަމުން މިކަމުގެ ފައިދާ ސިޓީއިން ވަނީ ފުރިހަމައަށް ނަގާފައެވެ. އަދި ޑޮކޫއަށް ކުރި ފައުލަކާ ގުޅިގެން ލިބުނު ޕެނަލްޓީއަކުން، ސިޓީ އިން އެމީހުންގެ ތިން ވަނަ ގޯލު ކާމިޔާބުކުރިއެވެ. މި ގޮލު ކާމިޔާބުކޮށްދިނީ ހާލަންޑެވެ

މެޗު ނިމެން 3 މިނެޓަށް ވެފައި ވަނިކޮށް ސިޓީގެ ހަތަރުވަނަ ގޯލު ޑޮކޫ ކާމިޔާބުކުރިއިރު، އިތުރު ވަގުތުގައި ވާޑިއޯލްވަނީ އެ ޓީމުގެ ފަސް ވަނަ ގޯލު ކާމިޔާބުކޮށްފައެވެ.

ލުޓޯންގެ ހަމައެކަނި ގޯލު ކާމިޔާބުކޮށްފައިވަނީ މެޗުގެ 81 ވަނަ މިނެޓުގައި ރޮސް ބާކްލޭއެވެ.

ސިޓީ ލީގުގެ އެއްވަނައަށް އެރި ނަމަވެސް، އާދީއްތަ ދުވަހު އާސެނަލް އާއި ލިވަޕޫލުން އެ ޓީމުތަކުގެ މެޗުތައް ކާމިޔާބުކޮށްފިނަމަ ސިޓީ އަނެއްކާވެސް މި ވަގުތަށް ލީގުގެ ތިން ވަނައަށް ވެއްޓޭނެއެވެ. މި ގޭމްވީކްގައި އާސެނަލް އެސްޓަންވިލާއާ ބައްދަލު ކުރާއިރު، ލިވަޕޫލް ކުޅޭނީ ކްރިސްޓަލް ޕެލެސްއާ ދެކޮޅަށެވެ. މި ދެ ޓީމަށް ވެސް މިހާރު ލީގުގައި ލިބިފައިވަނީ 71 ޕޮއިންޓެވެ. އަދި އެއް މެޗު އިތުރަށް ކުޅެ، ސިޓީއަށް ލިބިފައިވަނީ 73 ޕޮއިންޓެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.