ޗެމްޕިއަންސް ލީގުގެ ސެމީ ފައިނަލުގެ ފުރަތަމަ މެޗުގެ ފުރަތަމަ ލެގުގައި އަންގާރަ ދުވަހުގެރޭ ރެއާލް މެޑްރިޑާއި ބެޔާން މިއުނިކް ބައްދަލުކުރި މެޗު 2-2 އިން އެއްވަރުވެއްޖެއެވެ. ބެޔާންގެ އެލިއަންސް އެރީނާގައި ކުޅުނު މި މެޗުން އެއްވަރުވުމަކީ، މެޑްރިޑަށް ލިބުނު ވަރަށް ބޮޑު ހިންހަމަޖެހުމެކެވެ.

މެޗުގެ ކުރީކޮޅު ބެޔާންއިން ވަނީ ނުރައްކާތެރި ހަމަލާތަކެއް އުފައްދާފައެވެ. މި ހަމަލާތަކުގައި ހެރީ ކޭން އަދި ލެރޯއީ ސާނޭ ގުޅިގެން ކުރި މަސައްކަތް ފާހަގަ ކުރެވެއެވެ. ނަމަވެސް މިތަނުން އެއްވެސް ހަމަލާއެއް ވަނީ ގޯލަށް ކާމިޔާބު ކުރެވޭ ގޮތް ނުވެފައެވެ. 

މެޗުގައި ފުރަތަމަ ލީޑު ނެގީ ރެއާލް މެޑްރިޑެވެ. އެއީ މެޗުގެ 24 ވަނަ މިނެޓުގައި، ބެޔާނުން ރެއާލަށް ބަދަލުވި ޓޯނީ ކްރޫޒްގެ ރީތި ބޯޅައަކުން ވިނީސިއަސް ޖޫނިއަރ ކާމިޔާބުކުރި ގޯލެކެވެ.

Advertisement

ބެޔާންއިން މެޗުގެ ނަތީޖާ ހަމަހަމަ ކުރުމަށްފަހު ލީޑު ނެގީ ދެވަނަ ހާފުގެ، ވަރަށް ކުޑަ ވަގުތުކޮޅެއްގެ ތެރޭގައެވެ. އެ ޓީމަށް މެޗުގެ ނަތީޖާ ހަމަހަމަކޮށްދިނީ ސާނޭގެ ރީތި ގޯލަކުންނެވެ. އޭގެ 3 މިނެޓު ފަހުން ހެރީ ކޭން މެޗުގެ ނަތީޖާ ހަމަހަމަކޮށްދިނީ އެ ޓީމަށް ލިބުނު ޕެނަލްޓީއަކުންނެވެ.

މި ނަތީޖާއިން މެޗު ނިމެންދަނިކޮށް މެޑްރިޑަށް ހިންހަމަޖެހުމެއް ލިބުނީ، ބެޔާންގެ ޕެނަލްޓީ އޭރިޔާ ތެރެއިން ރޮޑްރީގޯއަށް ކުރި ފައުލަކަށް ޕެނަލްޓީއެއް ލިބުމުންނެވެ. ޕެނަލްޓީ ކާމިޔާބުކޮށް ނަތީޖާ ހަމަހަމަ ކޮށްދިނީ، އެ ޓީމަށް ފުރަތަމަ ގޯލު ވެސް ކާމިޔާބު ކޮށްދިން ވިނީއެވެ.

މި މުބާރާތުގައި ބުދަ ދުވަހުގެރޭ ކުޅޭނީ ދެވަނަ ސެމީ ފައިނަލްގެ ފުރަތަނަ ލެގެވެ. މި މެޗުގައި ބައްދަލުކުރާނީ ޕީއެސްޖީ އަދި ޑޯޓްމަންޑެވެ.