އިޓަލީގެ ދެވަނަ ޑިވިޝަނުގައި އޮތް ސަމްޑޯރިއާގެ ކޯޗުގެ މަގާމުގައި ހުރި އިޓަލީގެ ކުރީގެ މިޑްފިލްޑަރ، އެންޑްރެއަސް ޕިރްލޯ އޭނާގެ މަގާމުން ވަކިކޮށްފިއެވެ.

2023/24 ސީޒަނުގައި ޔޫރަޕްގެ ބޮޑެތި ލީގުތަކުގައި ކުޅޭ ކުޅުންތެރިންގެ ތެރެއިން އެންމެ ގިނަ ގޯލު ޖެހި ކުޅުންތެރިޔާގެ އެވޯޑު ބެޔާން މިއުނިކްގެ އިނގިރޭސި ފޯވާޑް، ހެރީ ކޭން ހާސިލްކޮށްފިއެވެ. އޭނާ މި އެވޯޑު ހާސިލްކޮށްފައި މިވަނީ މިދިޔަ ސީޒަނުގައި 36 ގޯލު ޖަހައިގެންނެވެ.

ލޯނު އެއްބަސްވުމެއްގެ ދަށުން ބާސެލޯނާއަށް މިދިޔަ ސީޒަން ކުޅެފައިވާ ޒިއާއޯ ކަންސެލޯ ސައުދީ ޕްރޮފެޝަނަލް ލީގުގެ އަލް-ހިލާލްއަށް ވިއްކާލުމަށް މެންޗެސްޓަރ ސިޓީއިން ނިންމައިފިއެވެ.

އެންމެ ފަހުން ބޭއްވި ކޮޕާ އެމެރިކާގެ އެންމެ މޮޅު ކުޅުންތެރިޔާގެ މަގާމު ހޯދި، ކޮލަމްބިޔާގެ ޕްލޭ މޭކަރ ހަމޭސް ރޮޑްރިގޭޒް އޭނާގެ ޕްރޮފެޝަނަލް ކެރިއަރުގެ 11 ވަނަ ކްލަބަށް ބަދަލުވުމަށް ނިންމައިފިއެވެ. އެގޮތުން މި ފަހަރު އޭނާ އެނބުރި ދާނީ ސްޕެއިން އަށެވެ.

އިނގިރޭސީ ގައުމީ ޓީމުގެ ކޯޗެއްގެ މަގާމުގައި ފަސް އަހަރު ހޭދަކޮށްފައިވާ ސްވިޑްންގެ ސްވެން ގޮރަން އެރިކްސަން ކެންސަރު ބަލީގައި ހޯމަ ދުވަހު މަރުވެއްޖެއެވެ. ފުރަމޭގެ ކެންސަރަށް ފަރުވާ ހޯދަމުން ދިޔަ އެރިކްސެންއަށް ކެންސަރު ޖެހިފައިވާކަން އެނގުނީ މީގެ އަހަރެއްހާ ދުވަސް ކުރިންނެވެ. އަދި އޭނާ މަރުވި އިރު އުމުރަކީ 76 އަހަރެވެ.

މި ޖީލު ދުށް އެންމެ މޮޅު ދެ ފުޓުބޯޅަ ކުޅުންތެރިން ކަމުގައިވާ، ޕޯޗުގަލްގެ ކްރިސްޓިއާނޯ ރޮނާލްޑޯ އާއި އާޖެންޓީނާގެ ލިއޮނެލް މެސީގެ އުމުރުން 24 އަހަރު ގޯލު ޖަހަމުން އައި މިންވަރާއި، މެންޗެސްޓަރ ސިޓީގެ ނޯވޭ ފޯރވާޑް، އަރލިންގް ހާލަންޑު މި އުމުރުގައި ގޯލުޖަހަމުން އަންނަ މިންވަރު މާ ގިނައެވެ.

ކ. ތުލުސްދޫގައި ކުރިއަށްދިޔަ އޭޝިއަން ސާފިން ޗެމްޕިއަންޝިޕުގައި ރާއްޖޭގެ ފިރހެން ޓީމުގެ ނަތީޖާ ރަގަޅުވުމާއެކު، 2026 ވަނަ އަހަރު ޖަޕާނުގައި ބޭއްވުމަށް ހަމަޖެހިފައިވާ އޭޝިއަން ގޭމްސްގެ ސާފިންގެ ފިރިހެން ކެޓަގަރީގެ ސްލޮޓް ރާއްޖެ އަށް ކަށަވަރުވެއްޖެއެވެ.

ޕޯޗުގަލްގެ ކްރިސްޓިއާނޯ ރޮނާލްޑޯ އޭނާގެ ޔޫޓިއުބް ޗެނަލް ހެދިތާ 90 މިނެޓުގެ ތެރޭގައި 1 މިލިއަން ސަބްސްކްރައިބާސް ހަމަކޮށް، އެންމެ އަވަހަށް މިލިއަނަކަށް ވުރެން ގިނަ ޔޫޓިއުބް ސަބްސްކްރައިބާސް ހޯދުމުގެ ރެކޯޑެއް ހަދައިފިއެވެ.

މެންޗެސްޓަރ ސިޓީގައި ހުރުމަށްފަހު ބާސެލޯނާއަށް ބަދަލުވުމަށް މީގެ އެއް އަހަރު ކުރިން އެ ކްލަބު ދޫކޮށްލި ޖަރުމަނުގެ މިޑްފީލްޑަރ، އިލްކޭ ގުންޑޮގަން އަނބުރާ އެ ޓީމަށް ދިއުމަށް ނިންމައިފިއެވެ. ގުންޑޮގަން މެންޗެސްޓަރ ސިޓީއަށް ބަދަލުވާނީ ޓްރާންސްފަރ ފީގެ ގޮތުގައި އެއްވެސް އަގަކާ ނުލައެވެ.

2026 ވަނަ އަހަރު ޖަޕާނުގައި ބޭއްވުމަށް ހަމަޖެހިފައިވާ އޭޝިއަން ގޭމްސްގެ އަންހެން ސާފިންގައި ވާދަކުރުމުގެ ފުރުސަތު ރާއްޖެއަށް ލިބިއްޖެއެވެ. ރާއްޖެއިން ވާދަކުރާނީ ސައުތު އޭޝިއާއަށް ލިބޭ ސްލޮޓުގައެވެ.

ކޮރަޕްޝަންގެ ގިނަ ތުހުމަތުތަކަކާއެކު ބޮއްސުންލާފައިވާ ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ހިންގުން ހަވާލުކުރުމަށް ފީފާ އިން ނިންމާފައިވާ ނޯމަލައިޒިން ކޮމިޓީ އެކުލަވާލައިފިއެވެ. އެ ކޮމެޓީގެ ޗެއާމަނަކަށް ފީފާއިން ހަމަޖައްސާފައިވަނީ ކުރީގެ ޔޫތު އެންޑް ސްޕޯޓްސް މިނިސްޓަރު، އަހުމަދު ޒުހޫރުއެވެ.

ބްރެންޓްފޯޑަށް އިތުރަށް ކުޅެން ބޭނުންނުވާތީ، އެ ކްލަބު އާދީއްތަ ދުވަހު ކުޅުނު މެޗުން ބާކީ ކުރި އިންގްލެންޑްގެ ސްޓްރައިކަރ، އިވާން ޓޯނީ ގެންދިއުމަށް ސައުދީ ޕްރޯ ލީގުގެ އަލް-އަހްލީ ފުރަތަމަ ހުށަހެޅި 35 މިލިއަން ޕައުންޑު ރިޖެކްޓު ކުރުމުން، އެ ކްލަބުން އެ އަގު ބޮޑު ކުރުމަށް މަސައްކަތް ކުރަމުންދާއިރު، ޓޯނީ ބުނީ އޭނާ ބޮޑު މުސާރައެއް ބޭނުންވާ ކަމަށެވެ.

މިއަހަރުގެ އެޕްރީލްމަހު އިނގިރޭސި ލީގުގެ ހުރިހާ ކްލަބުތަކުން އެއްބަސްވެފައިވާ ގޮތަށް، އެ ލީގުގައި ސެމީ-އޮޓޮމޭޓޭޑް އޮފްސައިޑް ޓެކްނޮލޮޖީ ބޭނުންކުރަން މި ސީޒަންގައި ފަށާނެއެވެ. މިއީ އެންމެ ފަހުގެ ވޯލްޑް ކަޕް އަދި ޔޫރޯގައި ވެސް ބޭނުންކޮށްފައިވާ ޓެކްނޮލޮޖީއެކެވެ.

ދުނިޔޭގެ އެންމެ މަގުބޫލު ފުޓުބޯޅައިގެ ބޮޑު ތިން ލީގެއްގެ މެޗުތައް މިރޭ ފަށާނެއެވެ. އެގޮތުން، އިނގްލިޝް ޕްރިމިއަރ ލީގު، ޖަރުމަން ލީގު އަދި ސްޕެނިޝް ލީގުގެ މެޗުތަކެއް ވަނީ މިރޭ ކުޅުމަށް ތާވަލުކޮށްފައެވެ. އަދި އިޓަލީ ލީގުގެ މެޗުތައް ފެށުމަށް ހަމަޖެހިފައިވަނީ މާދަމާރެއެވެ.

ޔޫރަޕުގެ ބޮޑު ދެ މުބާރާތުގެ ޗެމްޕިއަނުންގެ މެދުގައި ކުޅުނު މިމެޗު މެޑްރިޑުން ކާމިޔާބުކުރީ 2-0 އިންނެވެ. ޕޮލަންޑުގެ ވެރިރަށް ވާރސޯގައި ކުޅުނު މި މެޗުގައި، ޗެމްޕިއަންސް ލީގުގެ ޗެމްޕިއަނުންގެ ގޮތުގައި ރެއާލް މެޑްރިޑުން ބައްދަލުކުރީ، ޔޯރަޕާ ލީގުގެ ޗެމްޕިއަނުން ކަމުގައިވާ އެޓަލާންޓާއާ ދެކޮޅަށެވެ.

މެންޗެސްޓަރ ސިޓީގައި ކުޅުމަށް ލިބޭ ވަގުތު މަދުކަމުން ހިތްހަމަނުޖެހިފައިހުރި ހޫލިއަން އަލްވަރޭޒް، ސްޕެއިންގެ އެތުލެޓިކޯ މެޑްރިޑަށް ބަދަލުވެއްޖެއެވެ. އާޖެންޓީނާގެ ގައުމީ ޓީމާއެކު ވޯލްޑު ކަޕްގެ އިތުރުން ކޮޕާ އެމެރިކާ ކާމިޔާބު ކޮށްފައިވާ 24 އަހަރުގެ އަލްވަރޭޒް އެތުލެޓިކޯއަށް ބަދަލުވެފައިވަނީ 95 މިލިއަން ޔޫރޯއަށެވެ.