ޕެރިސް 2024 އޮލިމްޕިކްސް އާދީއްތަ ދުވަހު ނިމުމަކަށް އައިއިރު، މެޑަލް ޓޭބަލްގެ އެއްވަނައަށް ވާދަކުރީ ޗައިނާ އާއި އެމެރިކާއެވެ. މި ދެ ގައުމަށް ވެސް ލިބިފައި އޮތީ 40 ރަން މެޑަލްއެވެ. ނަމަވެސް މެޑަލް ޓޭބަލްގެ ރޭންކިންގ އަށް ފަރަގު ގެނައީ، އެމެރިކާއިން ޗައިނާއަށް ވުރެން ގިނައިން ރިހި މެޑަލް ހޯދާފައިވާތީއެވެ.

ޕެރިހުގައި ކުރިޔަށް ދިޔަ އޮލިމްޕިކްސްގެ އެންމެ ފަހު ގޭމުން ރަން މެޑަލް ހޯދައި، އޮލިމްޕިކްސްގެ އެއް މުބާރާތެއްގައި ތިން ދިގު ދުވުމުން މެޑަލް ހޯދި ފުރަތަމަ އަންހެން އެތުލީޓުގެ މަގާމު، އިތިއޯޕިއާންއިން ރެފިއުޖީއެއްގެ ގޮތުގައި ނެދަލޭންޑްސްއަށް ބަދަލުވެ، އެގައުމުގެ ރަށްވެހިކަން ހޯދާފައިވާ ސިފާން ހަސަން ހާސިލްކޮށްފިއެވެ. އޭނާވަނީ މެރަތަން އިން ރަން މެޑަލް ހޯދާ، 10 ކިލޯމީޓަރު ދުވުމާއި 5 ކިލޯމީޓަރު ދުވުމުން ލޯ މެޑަލް ހޯދާފައެވެ.

ފްރާންސްގެ ޕެރިހުގައި މިހާރު ކުރިޔަށްދާ އޮލިމްޕިކްސްގެ ފިރިހެން ފުޓުބޯޅައިގެ ފައިނަލުގައި ފްރާންސް ބަލިކޮށް ސްޕެއިނުން ރަން މެޑަލް ކާމިޔާބުކޮށްފިއެވެ.

ބާސެލޯނާގެ ލަ މާސިއާ އެކަޑަމީއިން ފުޓުބޯޅަ ކުޅުމުގެ ތެރެއަށް ވަތް ޑެނީ އޮލްމޯ ބާސެލޯނާއާށް ކުޅުމަށް ދެކެމުން އައި ހުވަފެން އެންމެ ފަހުން ހަގީގަތަކަށް ހަދައި، 6 އަހަރުގެ ކޮންޓްރެކްޓެއްގައި އެ ޓީމަށް ސޮއިކޮށްފިއެވެ.

ޕާކިސްތާނުގެ އަރުޝަދު ނަދީމް، 32 އަހަރަށްފަހު އެ ގައުމަށް ފުރަތަމަ ފަހަރަށް އޮލިމްޕިކްސްގައި ރަން މެޑަލް ހޯދައިދީފިއެވެ. އަދި މިއީ ޕާކިސްތާނަށް އޮލިމްޕިކްސް ގައި ލުބުނު ފުރަތަމަ އިންޑިވިޖުއަލް މެޑަލް ވެސް މެއެވެ.

ޕެރިސް އޮލިމްޕިކްސްގެ އަންހެން ބޮކްސިން މެޗެއްގައި ފިރިހެނަކު ވާދަކުރި ކަމަށް ބުނެ ސޯޝަލް މީޑިއާގައި ފެތުރޭ ވާހަކަތަކާ ގުޅިގެން ގިނަ ބަޔަކު ތިބީ ނޭންގުމެއްގެ ތެރޭގައެވެ. ޖިންސު އޮޅުވާލައިގެން ދުނިޔޭގެ އެންމެ ބޮޑު ކުޅިވަރު ހަރަކާތުގައި މީހަކަށް ވާދަ ކުރެވުމަކީ ބަލައިގަނެވޭނެ ކަމެއް ވެސް ނޫންތާއެވެ.

ކްރިކެޓުން ބައިނަލްއަގްވާމީ ފެންވަރުގައި ރާއްޖެ ތަމްސީލު ކުރެވޭނެ ފެނަވަރުގެ ޓީމެއް އެކުލަވާލުމުގެ އަމާޒުގައި، ފެންވަރު ރަގަޅު ކްރިކެޓް ސްޓޭޑިއަމެއް ތަރައްގީ ކުރުމަށް ސަރުކާރުން ނިންމާފައިވާކަމަށް، ކުޅިވަރާ ބެހޭ ވަޒީރު އަބްދުالله ރާފިއު ވިދާޅުވެއްޖެއެވެ. މިނިސްޓަރ ރާފިއު މިހެން ވިދާޅުވީ، ހޮނިހިރު ދުވަހު ނިމުނު ޓީ20 ޕްރެޒިޑެންޓްސް ކަޕްގެ އިނާމު ދިނުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.

މި ދުވަސްކޮޅު ސޯޝަލް މީޑިއާގައި އެންމެ ވައިރަލް ވެގެން އުޅޭ އެކަކީ، އާދައިގެ ގޮތަކަށް ހުރެ، އެއް ޖީބަށް އަތްޖަހައިގެން ހުރެ ޝޫޓުކޮށް ޕެރިސް އޮލިމްޕިކްސް ގައި ރިހި މެޑަލް ހޯދި ތުރުކީގެ ޔޫސުފް ޑިޗެޗްއެވެ. ތުރުކީގެ މި ޕިސްޓޯލް ޝޫޓަރ ގިނަ މީހުން ސިފަ ކުރަނީ، އޮލިމްޕިކްސް އަށް ދިޔަ ވަރަށް އާދައިގެ މީހެއް ގޮތަށެވެ. އަދި ބައެއް މީހުން، އޭނާގެ ބަޑި ޖެހުމުގެ "ކޫލް" ކަމަކީ، އޭނާއަކީ "ހިޓްމޭން" ނުވަތަ ފައިސާ ދީގެން މީހުން މެރުމަށް ހާއްސަ މީހަކަށް ވުމުން ކަމަށް ވެސް ސޯޝަލް މީޑިއާގައި ބުނެފައި އެބަހުއްޓެވެ.

ފްރާންސްގެ ޕެރިހުގައި މިހާރު ކުރިޔަސްދާ އޮލިމްޕިކްސް ގޭމްސްގައި ފިރިހެނުންގެ 50 މީޓަރ ފްރީސްޓައިލް އިވެންޓުގެ ޤައުމީ ރެކޯޑު، މުޙައްމަދު އާން ޙުސައިން އާކޮށްފިއެވެ. އުމުރުން 19 އަހަރުގެ އާން މި ރެކޯޑު އާކޮށްފައިވަނީ 00:24.22 ސިކުންތުން ރޭސް ނިންމައިގެންނެވެ.

ސްރީލަންކާގައި މި މަހުގެ 24 އިން 28 އަށް ކުރިޔަށްދިޔަ އެ ގައުމުގެ ނެޝަނަލް އެންޑް ޖޫނިއާ ނެޝަނަލް ލޯންގް ކޯސް ސްވިމިން ޗެމްޕިއަންޝިޕްސްގައި އުމުރުން 13 އަހަރުގެ އަމްނާ ތަޒްކިޔާ މިރުޞާދު ތިންވަނަ އިންޑިވިޖުއަލް މެޑަލް ހޯދައިފިއެވެ. މިއީ މި މުބާރާތުގައި އޭނާ ހޯދި ފަސްވަނަ މެޑަލްއެވެ.

ދެ އޮލިމްޕިކްސްގައި މެޑަލް ހޯދާފައިވާ އިންޑިއާގެ އެއްވަނަ ބެޑްމިންޓަން ކުޅުންތެރިޔާ، ޕީވީ ސިންދޫ އަތުން ރާއްޖޭގެ ނަބާހާ އަބްދުއް ރައްޒާގު ބަލިވެއްޖެއެވެ. ދުނިޔޭގެ 13 ވަނައިގައި ސީޑުކޮށްފައިވާ އަދި ރިއޯ ގޭމްސް 2016 ގައި ރިހި މެޑަލް ހޯދުމަށްފަހު ޓޯކްޔޯ ގޭމްސް 2020 ގައި ބްރޯންޒް މެޑަލް ހޯދާފައިވާ ސިންދޫ މި މެޗު ކާމިޔާބުކޮށްފައިވަނީ 2-0 އިންނެވެ.

ސްރީލަންކާގައި މިހާރު ކުރިއަށްދާ އެ ގައުމުގެ ނެޝަނަލް އެންޑް ޖޫނިއާ ނެޝަނަލް ލޯންގް ކޯސް ސްވިމިން ޗެމްޕިއަންޝިޕްސްގައި ދިވެހި ފެތުންތެރިޔާ، އުމުރުން އެންމެ 13 އަހަރުގެ އަމްނާ ތަޒްކިޔާ މިރުޞާދު، ގައުމީ ދެ ރެކޯޑު އައުކުރުމަށްފަހު، އިންޑިވިޖުއަލް ދެވަނަ މެޑަލް އެއް ވެސް ހޯދައިފިއެވެ.

އުމުރުން 16 އަހަރުގެ ދީމާ ކުޅުނު މި މެޗުގައި ބައްދަލުކޮށްފައިވަނީ ޕޮލަންޑުގެ ކަޓާރްޒައިނާ ވޭގަޖަންއާއެވެ. އޭނާއަކީ ދުނިޔޭގެ ޓޭބަލް ޓެނިސް ރޭމްކިންގެ 135 ވަނައިގައި އޮތް ކުޅުންތެރިޔާއެވެ. ގަދަ 64 ކުޅުންތެރިންގެ ބުރުން ޖާގަ ހޯދުމަށް ކުޅުނު މި މެޗު ކަޓާރްޒައިނާ ކާމިޔާބުކުރީ ސީދާ ހަތަރު ސެޓުންނެވެ.

އޮލިމްޕިކްސް ފުށުމުގެ ގޮތުން މިހާތަނަށް ފެނިގެންދިޔަ އެންމެ ވަރުގަދަ ހަރަކާތްތަކަށްފަހު، ހުކުރު ދުވަހުގެ ރޭ ޕެރިސް އޮލިމްޕިކްސް ރަސްމީކޮށް ފަށައިފިއެވެ. ގާތްގަނޑަކަށް ހަތަރު ގަޑިއިރަށް ދެމިގެން ދިޔަ މި ރަސްމިއްޔާތު އެހާ ކުލަގަދަކޮށް ފެނުނު ނަމަވެސް، ވިއްސާރައިގެ ސަބަބުން، މިއީ މި ހަރަކާތްތައް އިންތިޒާމްކުރި ފަރާތް އެންމެ ބޭނުންވި ފެންވަރަށް ނުގެންދެވުނު ރަސްމިއްޔާތަކަށް ވުން ވެސް އެކަށީގެންވެއެވެ.

ސްރީލަންކާގައި މިހާރު ކުރިއަށްދާ އެ ގައުމުގެ ނެޝަނަލް އެންޑް ޖޫނިއާ ނެޝަނަލް ލޯންގް ކޯސް ސްވިމިން ޗެމްޕިއަންޝިޕްސްގައި ސްވިމިންގ އެސޯސިއޭޝަން އޮފް މޯލްޑިވްސްގެ ފަރާތުން ވާދަކުރި ޖޫނިއަރ އަންހެޓީމުން، ޖޫނިއަރ ނެޝަނަލް ކެޓަގަރީގެ 4 ގުނަ 100 މީޓަރު މެޑްލޭ ރިލޭ އިވެންޓުން ލޯމެޑަލް ހޯދައިފިއެވެ.

ސްރީލަންކާގައި މިހާރު ކުރިއަށްދާ އެ ގައުމުގެ ނެޝަނަލް އެންޑް ޖޫނިއާ ނެޝަނަލް ލޯންގް ކޯސް ސްވިމިން ޗެމްޕިއަންޝިޕްސްގައި ދިވެހި ފެތުންތެރިޔާ، އުމުރުން އެންމެ 13 އަހަރުގެ އަމްނާ ތަޒްކިޔާ މިރުޞާދު، ގައުމީ ދެ ރެކޯޑެއް ހަދައިފިއެވެ.