ޕޯޗުގަލްގެ ކްރިސްޓިއާނޯ ރޮނާލްޑޯ އޭނާގެ ޔޫޓިއުބް ޗެނަލް ހެދިތާ 90 މިނެޓުގެ ތެރޭގައި 1 މިލިއަން ސަބްސްކްރައިބާސް ހަމަކޮށް، އެންމެ އަވަހަށް މިލިއަނަކަށް ވުރެން ގިނަ ޔޫޓިއުބް ސަބްސްކްރައިބާސް ހޯދުމުގެ ރެކޯޑެއް ހަދައިފިއެވެ.

ޔޫޓިއުބް ޗެނަލް ހެދުމަށްފަހު ރޮނާލްޑި ވަނީ އެކަން ހާމަކޮށް އޭނާގެ ސޯޝަލް މީޑިއާ އެކައުންޓުތަކުން އެކަން އިއުލާންކޮށްފައެވެ. އަދި އެއަށްފަހު މާ ގިނަ އިރު ތަކެއް ނުވަނީސް، ދެން ފެނުނީ މިލިއަނުން ސަބްސްކްރައިބް ކޮށްފައި ހުރިތަނެވެ.

ރޮނާލްޑޯގެ އެކްސްގައި 112.5 މިލިއަން ފޮލޯވަރުން ތިބޭ އިރު، ފޭސްބުކްގައި 170 މިލިއަން ފޮލޯވަރުން ތިބެއެވެ. އަދި އެންމެ ގިނަ ބަޔަކު އޭނާ ފޮލޯކުރާ އިންސްޓަގްރާމްގައި 636 މިލިއަން މީހުން ތިބެއެވެ.

އުމުރުން 39 އަހަރުގެ ރޮނާލްޑޯ މިހާރު ކުޅެމުން އަންނަނީ ސައުދީ ޕްރޯ ލީގުގެ އަލް-ނަސްރް އަށެވެ.