ލޯނު އެއްބަސްވުމެއްގެ ދަށުން ބާސެލޯނާއަށް މިދިޔަ ސީޒަން ކުޅެފައިވާ ޒިއާއޯ ކަންސެލޯ ސައުދީ ޕްރޮފެޝަނަލް ލީގުގެ އަލް-ހިލާލްއަށް ވިއްކާލުމަށް މެންޗެސްޓަރ ސިޓީއިން ނިންމައިފިއެވެ.

2019 ވަނަ އަހަރު ޖުވެންޓަސް އިން މެންޗެސްޓާ ސިޓީއަށް ބަދަލުވި ކަންސެލޯ ސައުދީ ލީގުގެ ޗެމްޕިއަނުންނަށް ވިއްކާލުމަށް އެ ކްލަބުން އެއްބަސްވީ 28 މިލިއަން އެމެރިކާ ޑޮލަރަށެވެ.

މެންޗެސްޓަރ ސިޓީ ޓީމުން 2023 ވަނަ އަހަރާއި ހިސާބަށް ގަވާއިދުން ފެނުނު ނަމަވެސް، އޭގެ ފަހުން އޭނާ ފުރަތަމަ އެގާރައިގައި ބޭނުންކޮށްފައި ވަނީ މަދުންނެވެ. އެ އަހަރު ލޯނު އެއްބަސްވުމެއްގެ ދަށުން ބެޔާން މިއުނިކަށް ވެސް އޭނާ ކުޅެފައިވެއެވެ. އަދި ލޯނު އެއްބަސްވުމެއްގެ ދަށުން ބާސެލޯނާއަށް ބަދަލުވީ މިދިޔަ ސީޒަނަށެވެ.

ރިޕޯޓުތައް ބުނާ ގޮތުން އަލް-ހިލާލް އާ އެކު ކަންސެލޯ ހަދާނީ 3 އަހަރުގެ އެގްރީމެންތެކެވެ.