Advertisement

31 Aug 2024
ކުޅިވަރު

ސަމާ ޓްރާންފަރގެ ފަހު ދުވަހު ސްޓާލިން ބަދަލުވީ ލޯނު އެއްބަސްވުމެއްގައި އާސެނަލްއަށް، އަދި ޓޯނީ އަލް އަހްލީއަށް

މި އަހަރުގެ ސަމާ ޓްރާންފަރ ވިންޑޯގެ ފަހު ދުވަހު އެންމެ ފާހަގަކޮށްލެވޭ ޓްރާންސްފަރ ތަކުގެ ތެރޭގައި ހިމެނެނީ، ޗެލްސީގެ ފޯވާޑު ރަހީމް ސްޓާލިން ލޯނު އެއްބަސްވުމެއްގެ ދަށުން އާސެނަލްއަށް ބަދަލުވުމާއި އަދި އިވާން ޓޯނީ ބޮރެންޓްފޯޑުން ސައުދީ ލީގުގެ އަލް އަހްލީއަށް ބަދަލުވުމެވެ.

ޗެލްސީގެ ފޯވާޑް ސްޓާލިން ލޯނު އެއްބަސްވުމެއްގެ ދަށުން އާސެނަލްއަށް ބަދަލުވީ އެއް އަހަރު ދުވަހުގެ މުއްދަތަކަށެވެ. ޓީމު ބަދަލުވުމަށް ސްޓާލިން ބޭނުންވީ، ޗެލްސީގެ އައު ކޯޗު، އެންޒޯ މަރެސްކާ އެހާ ގަޔާވާ ކުޅުންތެރިއަކަށް އޭނާ ނުވުމެވެ.

ސްޓާލިންއަށް ޗެލްސީގެ ފުރަތަމަ އެގާރައިން ދެން ފުރުސަތު ނުލިބޭނެ އަނެއް ސަބަބަކީ، މަރެސްކާ މި ސީޒަނަށް 200 މިލިއަން ޕައުންޑު ހަރަދުކޮށް 11 ކުޅުންތެރިއަކު ގެނައި އިރު، ސްޓާލިން ކުޅޭ ޕޮޒިޝަނަށް ކުޅޭ ކުޅުންތެރިން ވެސް ހިމެނުމެވެ.

މެންޗެސްޓަރ ސިޓީ އިން 50 މިލިއަން ޕައުންޑަށް 2022 ވަނަ އަހަރު ޗެލްސީއަށް ބަދަލުވެ އެ ޓީމަށް ކުޅެދިން 81 މެޗުގައި ސްޓާލިން ވަނީ 19 ގޯލު ކާމިޔާބުކޮށްފައެވެ.

ބްރެންޓްފޯޑުގެ އިވާން ޓޯނީ ސައުދީ ޕްރޮފެޝަނަލް ލީގުގެ އަލް-އަހްލީ އަށް ބަދަލުވީ 40 މިލިއަން ޕައުންޑުގެ ޓްރާންސާ ފީ އަކަށެވެ.

2020 ވަނަ އަހަރު ޕީޓާސްބޮރޯ އިން 5 މިލިއަނަށް ބްރެންޓްފޯޑަށް ބަދަލުވުމަށްފަހު އޭނާ ވަނީ އެ ޓީމު ޕްރިމިއަ ލީގަށް ގެނައުމަށް މުހިންމު ދައުރެއް އަދާކޮށްފައެވެ. އެގޮތުން މުޅިން އަލަށް ބްރެންޓްފޯޑު ޕްރިމިއަލީގަށް ޕްރޮމޯޓުވި ސީޒަންގައި އޭނާ ވަނީ ޗެމްޕިއަންޝިޕްގައި 31 ގޯލު ކާމިޔާބުކޮށްދީފައެވެ.

އަދި ޕްރިމިއަ ލީގުގެ ފުރަތަމަ ސީޒަންގައި 12 ގޯލު ކާމިޔާބު ކުރި އިރު، ޖެހިގެން އައި 2022/23 ގައި 20 ގޯލު ކާމިޔާބުކޮށްފައިވެއެވެ.  

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.