Advertisement

15 Aug 2024
ކުޅިވަރު
މިފްތާޙް މުޙައްމަދު

ސުޕާ ކަޕުގެ ކާމިޔާބާއެކު، އެންޗެލޮޓީ، މޮޑްރިޗް އަދި ކާވަހާލްގެ އިތުރު ރަން ސަފްހާތަކެއް

ޔޫރަޕިއަން ސީޒަން ފެށުމުގެ ގޮތުން ކުޅޭ ޔޫއެފާ ސުޕާ ކަޕް ރިއާލް މެޑްރިޑުން ކާމިޔާބުކުރި އިރު، އެ ކްލަބުގެ ކޯޗު، ކާލޯ އެންޗެލޮޓީ އާއި އެ ކްލަބަށް ގިނަ ދުވަސްތަކެއް ވަންދެން ކުޅެމުން އަންނަ، ލުކާ މޮޑްރިޗް އަދި ޑެނީ ކާވަހާލް އިތުރު ރެކޯޑުތަކެއް ހަދައިފިއެވެ.

ޔޫރަޕުގެ ބޮޑު ދެ މުބާރާތުގެ ޗެމްޕިއަނުންގެ މެދުގައި ކުޅުނު މިމެޗު މެޑްރިޑުން ކާމިޔާބުކުރީ 2-0 އިންނެވެ. ޕޮލަންޑުގެ ވެރިރަށް ވާރސޯގައި ކުޅުނު މި މެޗުގައި، ޗެމްޕިއަންސް ލީގުގެ ޗެމްޕިއަނުންގެ ގޮތުގައި ރެއާލް މެޑްރިޑުން ބައްދަލުކުރީ، ޔޯރަޕާ ލީގުގެ ޗެމްޕިއަނުން ކަމުގައިވާ އެޓަލާންޓާއާ ދެކޮޅަށެވެ.

މެޑްރިޑްގެ ފުރަތަމަ ގޯލު ކާމިޔާބުކޮށްފައިވަނީ މެޗުގެ 59 ވަނަ މިނެޓުގައި ވަލްވާރޑޭއެވެ. އަދި އެ ޓީމުގެ ދެވަނަ ގޯލު އޭގެ 9 މިނެޓު ފަހުން ކާމިޔާބުކޮށްދިނީ، އަލަށް އެ ޓީމާ ގުޅުނު ފްރާންސްގެ ތަރި ކީލިއަން އެމްބައްޕޭއެވެ.

މި ކާމިޔާބާ އެކީ މިހާރު މެޑްރިޑަކީ ސުޕާ ކަޕްގެ އެންމެ ކާމިޔާބު ޓީމެވެ. އެމީހުން މިހާރު ސުޕަ ކަޕް 6 ފަހަރަށް ކާމިޔާބު ކޮށްފައިވާއިރު، ވާދަވެރި ބާސެލޯނާ އަދި އޭސީ މިލާނަށް ކާމިޔާބު ކުރެވިފައިވަނީ 5 ފަހަރުއެވެ. މެޑްރިޑުން ސުޕަ ކަޕް ކާމިޔާބުކޮށްފައިވަނީ 2002، 2014، 2016، 2017، 2022 އަދި މި އަހަރުއެވެ.

މީގެ އިތުރުން، މި ކާމިޔާބީ އެންމެ ހާއްސަވީ މެޑްރިޑްގެ މޮޑްރިޗާއި ކާވަހާލްއަށެވެ. މި ދެ ކުޅުންތެރިންނަކީ މިހާރު ސުޕަ ކަޕްގެ އެންމެ ކާމިޔާބު ދެ ކުޅުންތެރިންނެވެ. 2014 ގެ ފަހުން މެޑްރިޑުން ސުޕަ ކަޕް ކާމިޔާބުކުރި ހުރިހާ ފަހަރެއްގައި ވެސް މި ދެ ކުޅުންތެރިން ވަނީ ޓީމުގައި ހިމެނިފައެވެ. އެގޮތުން މިއީ މި ކުޅުންތެރިން ސުޕަ ކަޕް އުފުލާލި ފަސް ވަނަ ފަހަރެވެ. މި ދެ ކުޅުންތެރިންނާ އެއް ހަމައެއްގައި ކުރިން ތިބީ، ޑެނީ އަލްވޭޒް، ކަރީމް ބެންޒީމާ، ޓޯނީ ކްރޫޒް އަދި ޕައުލޯ މަލްޑިނީއެވެ.

އެންމެ ކާމިޔާބު ދެ ކުޅުންތެރިންގެ އިތުރުން، ސުޕަ ކަޕްގައި އެންމެ ގިނައިން ކުޅެފައިވަނީ ވެސް މޮޑްރިޗާއި ކާވަހާލްއެވެ. މި ދެ ކުޅުންތެރިން ވެސް މިހާރު ވަނީ ތަފާތު 6 ސުޕަ ކަޕްގައި ކުޅެފައެވެ.

މި ކާމިޔާބީ ދެން ހާއްސަވަނީ، މެޑްރިޑްގެ ކޯޗު، ކާލޯ އެންޗެލޮޓީއަށެވެ. ޗެމްޕިއަންސް ލީގުގެ އިތުރުން، އެންޗެލޮޓީއަކީ މިހާރު ސުޕަ ކަޕްގައި ވެސް އެންމެ ކާމިޔާބު ކޯޗެވެ. އެގޮތުން އޭނާ މިހާރު ވަނީ ކޯޗެއްގެ ގޮތުގައި ސުޕަ ކަޕް 5 ފަހަރަށް ކާމިޔާބުކޮށްފައެވެ.

އެންޗެލޮޓީ އެންމެ ފުރަތަމަ ސުޕަ ކަޕް ކާމިޔާބުކުރީ އޭސީ މިލާންގައެވެ. އެއީ 2003 އަދި 2007 ގައެވެ. އަދި އޭގެ ފަހުން ރެއާލް މެޑްރިޑާއެކު 2014، 2022 އަދި 2024 ގައެވެ. މި ފަހަރުގެ ކާމިޔާބާއެކީ، ސުޕަ ކަޕްގައި އެންޗެލޮޓީ މިވަނީ ޕެޕް ގާޑިއޯލާ ފަހަތަށް ޖައްސާލާފައެވެ.

ގާޑިއޯލާ ސުޕަ ކަޕް 4 ފަހަރު ކާމިޔާބުކޮށްފައިވާއިރު، އެންމެ ފާހަގަ ކޮށްލެވެނީ އޭނާ ތަފާތު 3 ކްލަބަކާއެކު މުބާރާތް ކާމިޔާބުކޮށްފައިވުމެވެ. އެގޮތުން 2009 އަދި 2011 ގައި ބާސެލޯނާ، 2013 ގައި ބެޔާން މިއުނިކް އަދި 2023 ގައި މުބާރާތް ކާމިޔާބުކުރީ މެންޗެސްޓަރ ސިޓީއާއެކުއެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.