2026 ވަނަ އަހަރު ޖަޕާނުގައި ބޭއްވުމަށް ހަމަޖެހިފައިވާ އޭޝިއަން ގޭމްސްގެ އަންހެން ސާފިންގައި ވާދަކުރުމުގެ ފުރުސަތު ރާއްޖެއަށް ލިބިއްޖެއެވެ. ރާއްޖެއިން ވާދަކުރާނީ ސައުތު އޭޝިއާއަށް ލިބޭ ސްލޮޓުގައެވެ.

އޭޝިއަން ގޭމްސްގެ ސްލޮޓު ރާއްޖެއަސް ކަށަވަރުވީ، ކ. ތުލުސްދޫގައި މިހާރު ކުރިއަށްދާ އޭޝިއަން ސާފިން ޗެމްޕިއަންޝިޕުގައި އަންހެން އޯޕަން ބައިގެ ހީޓުތަކުގައި ވާދަކުރި ސައުތު އޭޝިއާއަށް ނިސްބަތްވާ އިންޑިއާ އަދި ސްރީ ލަންކާގެ އެތުލީޓުން ވާދަކުރި ހީޓުތަކުގެ ފުލަށް ދިޔުމުންނެވެ.

ބުދަ ދުވަހު ކުރިއަށްދިޔަ ހީޓުތަކުގެ ތެރެއިން ރާއްޖޭގެ އާޔާ ވާދަކުރީ ފުރަތަމަ ހީޓުގައެވެ. މި ހީޓުން އާޔާއަށް ލިބުނީ ތިން ވަނައެވެ. އެހެންކަމުން، މުބާރާތުގައި އިތުރަށް ކުރިޔަށް ދިޔުމުގެ ފުރުސަތު އޭނާއަށް ވަނީ ގެއްލިފައެވެ. މި ހީޓުން ތިން ވަނަ އާޔާ އަށް ލިބުނީ 4.20 ސްކޯ ކޮށްގެންނެވެ. މި ހީޓުގެ އެއް ވަނަ ހޯދީ ޖަޕާނުގެ އަންރީ މަޓްސްނޯއެވެ. އޭނާ ވަނީ 13.17 ސްކޯ ކޮށްފައެވެ. ދެ ވަނައަށް ދިޔައީ، ވިއާ އެސްޓްރެލަންޑޯއެވެ. އޭނާގެ ސްކޯ އަކީ 10.67 އެވެ.

ޖަޕާނުގައި 2026 ވަނަ އަހަރު އޮންނަ އޭޝިއަން ގޭމްސް އަކީ ސާފިން އިވެންޓް ހިމެނޭ ފުރަތަމަ އޭޝިއަން ގޭމްސްއެވެ. އެ ތާރީހީ ގޭމްސް އަށް ރާއްޖެއިން ދާނެ އަންހެން ސާފަރަކު ނިންމާނީ ރާއްޖޭގެ ސާފިން އެސޯސިއޭޝަނުންނެވެ.