ދުނިޔޭގެ ތައްޓަށް ކުޅޭ ވޯލްޑް ކަޕް ފުޓުބޯޅަ މުބާރާތަށްފަހު ދެން އެންމެ ގިނަ މީހުން ބަލާ މުބާރާތަކީ، ޔޫރަޕްގެ ގައުމުތަކުގެ މެދުގައި ކުޅޭ ޔޫރޯ ފުޓުބޯޅަ މުބާރާތެވެ. މި މުބާރާތް ހުކުރު ދުވަހުގެރޭ ފެށުމަށް ހަމަޖެހިފަހިވާއިރު، ފުރަތަމަ މެޗުގައި ބައްދަލުކުރާނީ، މުބާރާތް ބާއްވާ ގައުމު ޖަރުމަނާއި ސްކޮޓްލެންޑެވެ.

ސައުދީ ކިންގްސް ކަޕްގެ ފައިނަލުގައި ކްރިސްޓިއާނޯ ރޮނާލްޑޯގެ އަލް-ނަސްރު ހިތިގޮތަކަށް ބަލިވެއްޖެއެވެ. އަލް-ހިލާލްއާ ދެކޮޅަށް ކުޅުނު މި ފައިނަލުން އަލް-ނަސްރު ބަލިވެފައިވަނީ ޕެނަލްޓީ ޖަހައިގެން 5-4 އިންނެވެ.

މީގެ ކުރިން ޖަރުމަނުގެ ގައުމީ ޓިމާއި ބެޔާން މިއުނިކުގެ ކޯޗުކަމުގެ މަގާމު ވެސް އަދާކޮށްފައިވާ ހެންސީ ފްލިކް، ސްޕެއިންގެ ބާސެލޯނާގެ ކޯޗަކަށް ހަމަޖައްސައިފިއެވެ. އެ ކުލަބުން އެކަން އިއުލާންކޮށްފައިވަނީ ބުދަ ދުވަހުގެ ހަވީރުއެވެ.

ޖަރުމަނުގެ އެންމެ ކާމިޔާބު ޓީމު ކަމުގައިވާ ބެޔާން މިއުނިކުގެ އައު ކޯޗަކަށް، ބެލްޖިއަމްގެ ވިންސެންޓް ކޮމްޕެނީ ހަމަޖައްސައިފިއެވެ. ބެޔާންއާ ކޮމްޕެނީ މި ހަވާލުވީ 3 އަހަރުގެ ކޮންޓްރެކްޓެއްގައެވެ.

ބެޔާ ލެވަކޫސެންގެ މި ތާރީހީ ސީޒަނުގައި ޖަރުމަނު ލީގުގެ އިތުރުން، އެ ކުލަބުން ޖަރުމަނު ކަޕް ވެސް ކާމިޔާބުކޮށްފިއެވެ. އޮލިމްޕިއާސްޓޭޑިއަން ބާލިން ސްޓޭޑިއަމްގައި އެފްސީ ކެއިސާލޫޓާން އާ ބައްދަލުކުރި މެޗު ލެވަކޫސެން އިން ކާމިޔާބުކުރީ 1-0 އިންނެވެ.

އިނގިރޭސި އެފްއޭ ކަޕް ފައިނަލުގައި މެންޗެސްޓާގެ ދެ ޓީމު ބައްދަލުކުރި މެޗު އެންމެން ސިއްސުވާލުމަށްފަހު ޔުނައިޓެޑުން ކާމިޔާބުކޮށްފިއެވެ. ފާއިތުވި 35 އަހަރަށް ބަލާއިރު، ލީގުގައި އެންމެ ދަށް ނަތީޖާއެއް ނެރެވުނު މި ސީޒަން ތައްޓަކާއެކު ޔުނައިޓެޑުން ނިންމާލާނެކަމަށް އެ ޓީމުގެ ސަޕޯޓަރުން ވެސް ގަބޫލު ނުކުރާނެއެވެ.

މެލޭޝިއާގައި މިހާރު ކުރިއަށްދާ 66 ވަނަ މެލޭޝިއާ އޯޕަން ސްވިމިންގ ޗެމްޕިއަންޝިޕްސް 2024 ގައި، ސަތޭކަ މީޓަރ ބަޓަރފްލައި އިވެންޓުގެ ޤައުމީ ރެކޯޑު އައުކޮށްފިއެވެ.

އިނގިރޭސިވިލާތަށް އުފަން ނައިޖީރިއާގެ އަޑެމޯލާ ލުކްމާންގެ ހެޓްރިކަކާއެކު ބެޔާން ލެވަކޫސެން 3-0 އިން ބަލިކޮށް، އެޓަލާންޓާއިން ޔޫރޮޕާ ލީގުގެ ތަށި އުފުލާލައިފިއެވެ. އަދި އެޓަލާންޓާގެ މި ކާމިޔާބާއެކީ، ލެވަކޫސެން ބަލިނުވެ ދަމަހައްޓަމުން އައި ރެކޯޑު ވެސް މިވަނީ ނިމުމަކަށް އައިސްފައެވެ. ޔޫރޮޕާ ލީގުގެ ފައިނަލް މެޗާއި ލެވަކޫސެން އެންމެ ފަހުން ބަލިވެފައިވާ ދުވަހާއި ދެމެދުގައި 361 ދުވަސް ހޭދަވެފައިވެއެވެ.

އިނގްލިޝް ޕްރިމިއަ ލީގު ޖެހިޖެހިގެން ހަތަރުވަނަ ފަހަރަށް މެންޗެސްޓަރ ސިޓީއިން ކާމިޔާބުކޮށްފިއެވެ. ޕެޕް ގާޑިއޯލާގެ އިރުޝާދުގެ ދަށުން ކުޅެންމުން އަންނަ މެންސިޓީއިން މި ހޯދި ކާމިޔާބަކީ އަދި މިހާތަނަށް އިނގިރޭސި ލީގުގައި އެހެން ޓީމަކަށް ހޯދިފައިވާ ކާމިޔާބެއް ނޫނެވެ. މީގެ ކުރިން ޖެހިޖެހިގެން އެންމެ ގިނަ ފަހަރަށް ލީގު ކާމިޔާބު ކުރެވިފައިވަނީ ތިން ފަހަރަށެވެ.

އިނގިރޭސި ޕްރިމިއަ ލީގުގެ ފަހު މެޗުތައް މިރޭ ކުޅުމަށް ހަމަޖެހިފައިވާއިރު، ލީގު ކާމިޔާބުކުރުމުގެ ފުރުސަތު މެންޗެސްޓާ ސިޓީ އާއި އާސެނަލްއަށް އޮތް ނަމަވެސް، އެކަން އާސެނަލްއަށް ހާސިލް ނުކުރެވޭނެކަމަށް ކްރިސްޓިއާނޯ ރޮނާލްޑޯ ބުނެފިއެވެ. ރޮނާލްޑޯ މިހެން ބުނީ ސައުދީ އަރަބިއްޔާގެ ރިޔާދުގައި އޮތް ބޮކްސިން މެޗެއް ބަލަން ގޮސް އުޅުމުގެ ތެރޭގައި އާސެނަލްގެ ސަޕޯޓަރަކާ ވާހަކަ ދައްކަމުންނެވެ.

ޖަރުމަން ބުންޑަސްލީގާގެ މި ސީޒަނުގެ އެންމެ ފަހު މެޗުތައް ހޮނިހިރު ދުވަހުގެރޭ ކުޅުނުއިރު، މީގެ މަހެއްހާ ދުވަސްކުރިން ލީގު ކަށަވަރުކުރި ބެޔާ ލެވަކޫސެންއިން ފަހު މެޗު ވެސް ކާމިޔާބުކޮށް، މިހާތަނަށް އެއްވެސް މެޗަކުން ބަލިނުވެ ޖަރުމަނު ލީގު ކާމިޔާބުކުރި ހަމައެކަނި ޓީމުގެ ޝަރަފު އެ ޓީމުން ހޯދައިފިއެވެ.

މި އަހަރުގެ ޖޫން މަހުގެ 26 ގައި ފްރާންސްގެ ޕެރިހުގައި ފަށާ، "ދަ 2024 ސަމާ އޮލިމްޕިކްސް" އަށް ރާއްޖޭގެ ޓޭބަލް ޓެނިސް ތަރި ފާތިމަތު ދީމާ އަލީ ކޮލިފައިވެއްޖެއެވެ. ދީމާ އޮލިމްޕިކްސް އިން ޖާގަ ހޯދީ ނޭޕާލުގައި ކުރިއަށްދިޔަ ދެކުނު އޭޝިއާ ސަރަހައްދުގެ ކޮލިފިކޭޝަންގެ ސިންގަލްސް ބައިގެ ޗެމްޕިއަންކަން ހޯދައިގެންނެވެ.

އިންގްލިޝް ޕްރިމިއަ ލީގުގައި މިރޭ މެންޗެސްޓަރ ސިޓީ އާއި ޓޮޓްނަމް ހޮޓްސްޕަރ (ސްޕާސް) ބައްދަލުކުރާ މެޗަކީ، ސިޓީގެ އަމިއްލަ ބާރު ލީގު ތަށިން ކަނޑުވާލާ، އެ ފުރުސަތު އާސެނަލްއަށް ލިބިދިނުމަށް މުހިންމު މެޗެކެވެ. މިއަންނަ އާދީއްތަ ދުވަހު ޕްރިމިއަ ލީގުގެ މި ސީޒަނުގެ އެންމެ ފަހު މެޗެތައް ކުޅުމަށް ހަމަޖެހިފައިވާއިރު، އޭގެ ކުރިން މިރޭ އެ ބާރު ލިބިފައި މިއޮތީ އާސެނަލްއާއެކު ނޯތު ލަންޑަނަށް ނިސްބަތްވާ ސްޕާސްއަށެވެ.

އިންގްލިޝް ޕްރިމިއަ ލީގުގައި އާދީއްދަ ދުވަހުގެރޭ މެންޗެސްޓަރ ޔުނައިޓެޑާއި އާސެނަލް ބައްދަލުކުރި މެޗު 1-0 އިން ކާމިޔާބުކޮށް، ލީގު ރޭހުގެ އެއްވަނައަށް އަނެއްކާ ވެސް އާސެނަލް ޖެހިލައިފިއެވެ.

ޔޫރަޕުގެ ކުލަބުތަކުގެ މެދުގައި ކުޅޭ ދެވަނައަށް އެންމެ ވަރުގަދަ މުބާރާތް ކަމުގައިވާ، ޔޫރޮޕާ ލީގުގެ ސެމީ ފައިނަލުގެ ދެވަނަ ލެގުގެ ފަހު ސިކުންތުގައި ބެޔާން ލެވަކޫސެން އިން ގޯލެއް ކާމިޔާބުކޮށް، އޭ އެސް ރޯމާއާ ދެކޮޅަށް ކުޅުނު މެޗު 2-2 އިން އެއްވަރުކުރުމާއެކު، ޔޫރަޕްގެ ކުލަބުތަކުގެ މެދުގައި މުބާރާތްތައް ކުޅެން ފެށިފަހުން، މެޗަކުން ބަލިނުވެ އެންމެ ގިނަ މެޗު ކުޅެފައިވާ ޓީމުގެ މަގާމު ލެވަކޫސެންއަށް ލިބިއްޖެއެވެ.

މެޗުގެ ފަހު ދިހަ މިނެޓަށް ދިޔަތަނާ، މެޑްރިޑުގެ ކޯޗު، ކާލޯ އެންޗެލޮޓީ ގެނައީ އެޓޭކިން ބަދަލުތަކެކެވެ. އޭނާ ކުޅެން ނެރުނީ ވަލްވަރްޑޭ އަދި ރޮޑްރީގޯގެ ބަދަލުގައި ހޮސޭލޫ އަދި ބްރާހިމް ދިއާޒްއެވެ. މި ބަދަލު ވެގެންދިޔައީ މެޗު ބަދަލުކުރި ފޮމިއުލާއަށެވެ.