Advertisement

21 Jun 2024
ކޮޕާ އެމެރިކާ
މިފްތާޙް މުޙައްމަދު

ކޮޕާ އެމެރިކާގެ ފުރަތަމަ މެޗުން އާޖެންޓީނާ މޮޅުވި އިރު މެސީއަށް އައު ރެކޯޑެއް

ގައުމުތަކުގެ މެދުގައި ކުޅޭ މުބާރާތްތަކުގެ ތެރެއިން އެންމެ ގިނަ ދުވަސްވީ މުބާރާތްކަމުގައިވާ، ކޮންމެބޯލް ކޮޕާ އެމެރިކާގެ 48ވަނަ މުބާރާތުގެ ފުރަތަމަ މެޗު، މުބާރާތުގެ އެންމެ ފަހުގެ ޗެމްޕިއަން އާޖެންޓީނާއިން ކާމިޔާބުކޮށްފިއެވެ. އެ ޓީމުން މި މެޗު ކާމިޔާބުކުރީ، މުބާރާތުގައި އަލަށް ވާދަކުރާ ކެނަޑާ 2-0 އިން ބަލިކުރުމަށްފަހުއެވެ.

މި މެޗާއެކީ މެސީގެ ރެކޯޑު ފޮތަށް މިވަނީ އިތުރު ސަފުހާއެއް އިތުރުވެފައެވެ. 2007 ވަނަ އަހަރު ވެނެޒުއޭލާގައި ބޭއްވި މުބާރާތުގެގެ ފަހުން ކޮޕާ އެމެރިކާގެ ކޮންމެ މުބާރާތެއްގައި ކުޅެމުން އަންނަ މެސީއަށް މި އަހަރުގެ މުބާރާތާކީ އޭނާ ކުޅޭ ކޮޕާ އެމެރިކާގެ 7 ވަނަ މުބާރާތެވެ. އެގޮތުން ކެނެޑާގެ މެޗާއެކީ ކޮޕާ އެމެރިކާގައި އޭނާ މިވަނީ ޖުމްލަ 35 މެޗު މިހާތަނަށް ކުޅެފައެވެ. އެންމެ ފަހުން މި ރެކޯޑު އޮތީ، މި މުބާރާތުގައި 34 މެޗު ކުޅެފައިވާ، ޗިލީގެ ސާޖިއޯ ލިވިންސްޓޯން އަތުގައެވެ.

އެމެރިކާގައި މިފަހަރު ކުރިޔަށްދާ މި މުބާރާތް ހުޅުވި މެޗުގައި ކެނެޑާ ކޮޅަށް އާޖެންޓީނާއިން ކާމިޔާބުކުރި ފުރަތަމަ ގޯލަކީ މެންޗެސްޓަރ ސިޓީއަށް ކުޅެމުން އަންނަ ހޫލިއަން އަލްވަރޭޒް ކާމިޔާބުކޮށްދިން ގޯލެކެވެ. މިއީ ކޮޕާ އެމެރިކާގައި އޭނާ ކާމިޔާބުކުރި ފުރަތަމަ ގޯލެވެ. ދެވަނަ ހާފުގައި އަލްވަރޭޒް ކާމިޔާބުކުރި މި ގޯލު ޖެހުމަށް ފުރުސަތު ތަނަވަސްކޮށްދިނީ ލިވަޕޫލްގެ ތަރި އެލެކްސިސް މެކަލިސްޓާއެވެ.

އާޖެންޓީނާގެ ދެވަނަ ގޯލު ކާމިޔާބުކޮށްދިނީ މެޗުގެ 76 ވަނަ މިނެޓުގައި އަލްވަރޭޒްގެ ބަދަލުގައި ކުޅެން ނިކުތް ލުޓާރޯ މާޓިނޭޒްއެވެ. މެޗު ނިމެން ދެ މިނެޓަށް ވެފައި ވަނިކޮށް ފެނިގެން ދިޔަ މި ގޯލަކީ މެސީގެ އެސިސްޓަކުން އޭނާ ކާމިޔާބުކުރި ގޯލެކެވެ.

އާޖެންޓީނާއާއެކު ގްރޫޕް-އޭގައި ޗިލީ ވެސް ހިމެނެއެވެ. ޗިލީ އަކީ 2015 ވަނަ އަހަރާއި 2016 ވަނަ އަހަރު މި މުބާރާތުގެ ފައިނަލުގައި އާޖެންޓީނާ ބަލިކޮށް ޗެމްޕިއަންކަން ހޯދާފައިވާ ޓީމެވެ.

އެންމެ ފަހުން ބްރެޒިލްގައި 2021 ވަނަ އަހަރު ބޭއްވި ކޮޕާ އެމެރިކާގެ 47 ވަނަ މުބާރާތް ކާމިޔާބުކޮށްފައިވަނީ އާޖެންޓީނާއެވެ. އެއީ 1993 ވަނަ އަހަރަށްފަހު އެ ޓީމަށް ފުރަތަމަ ފަހަރަށް ކާމިޔާބު ކުރެވުނު ކޮޕާ އެމެރިކާ މުބާރާތެވެ. އަދި އެއީ މެސީގެ ވެސް މި މުބާރާތުގެ ފުރަތަމަ ތައްޓެވެ.

މުބާރާތުގައި 4 ގްރޫޕް ހިމެނޭއިރު ކޮންމެ ގްރޫޕަކުން އެއްވަނަ އަދި ދެވަނަ ހޯދާ ދެ ޓީމު ދަތުރުކުރާނީ ކުއާޓާ ފައިނަލަށެވެ.   

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.