މެލޭޝިއާގައި މިހާރު ކުރިއަށްދާ 66 ވަނަ މެލޭޝިއާ އޯޕަން ސްވިމިންގ ޗެމްޕިއަންޝިޕްސް 2024 ގައި، ސަތޭކަ މީޓަރ ބަޓަރފްލައި އިވެންޓުގެ ޤައުމީ ރެކޯޑު އައުކޮށްފިއެވެ.

މި ރެކޯޑު އައުކޮށްފައިވަނީ މުޙައްމަދު ރިހާން ޝިޙާމްއެވެ. އަދި މިއީ މި ރެކޯޑު މިއަދު އައުކުރި ދެވަނަ ފަހަރެވެ. އޭނާ މި ރެކޯޑު މިއަދު ހެނދުނު އައުކުރީ ހީޓްގައި 01.00.73 އިން ރޭސް ނިންމައިގެންނެވެ. އަދި ދެވަނަ ފަހަރަށް އެ ރެކޯޑު އޭނާ އާކޮށްފައި މިވަނީ، މިއިވެންޓުގެ ފައިނަލް ސީ ގައި ވާދަކޮށް، 01.00.14 އިން ރޭސް ފުރިހަމަކޮށްގެންނެވެ.

މި މުބާރާތުގައި ރީހާންވަނީ ފިރިހެނުންގެ ލޯންގްކޯސް 1500 މީޓަރ ފްރީސްޓައިލް އިވެންޓުގެ ޤައުމީ ރެކޯރޑު ވެސް އައުކޮށްފައެވެ. ރިހާން މި ޤައުމީ ރެކޯޑު އާކޮށްފައި ވަނީ 18.03.57 އިން ރޭސް ފުރިހަމަކޮށްގެންނެވެ.

Advertisement

ފިރިހެނުންގެ ލޯންގްކޯސް 1500 މީޓަރ ފްރީސްޓައިލް ފެތުމުގެ ރެކޯޑު އެންމެ ފަހުން އައުކޮށްފައިވަނީ މީގެ 6 އަހަރު ކުރިން، 2018 ވަނަ އަހަރު ބޭއްވުނު 18 ވަނަ އޭޝިއަން ގޭމްސްގައެވެ. މުބާލް ޢައްޒާމް އިބްރާޙީމް އެ ރެކޯޑު އައުކުރީ 19.26.54 ގެ ވަގުތަކުން  ރޭސް ނިންމައިގެނެވެ. އޭގެ ފަހުން މިއަދާ ހަމައަށް އެ ރެކޯޑު އޮތީ އޭނާގެ އަތުގައެވެ.