Advertisement

26 May 2024
އިންގްލިޝް އެފްއޭ ކަޕް
މިފްތާޙް މުޙައްމަދު

ނަވާރަ އަހަރުގެ ގަނާޗޯ އަދި މައިނޫގެ ގޯލުތަކުން ސިޓީ ބަލިކޮށް ޔުނައިޓެޑުން އެފްއޭ ކަޕް ކާމިޔާބުކޮށްފި

އިނގިރޭސި އެފްއޭ ކަޕް ފައިނަލުގައި މެންޗެސްޓާގެ ދެ ޓީމު ބައްދަލުކުރި މެޗު އެންމެން ސިއްސުވާލުމަށްފަހު ޔުނައިޓެޑުން ކާމިޔާބުކޮށްފިއެވެ. ފާއިތުވި 35 އަހަރަށް ބަލާއިރު، ލީގުގައި އެންމެ ދަށް ނަތީޖާއެއް ނެރެވުނު މި ސީޒަން ތައްޓަކާއެކު ޔުނައިޓެޑުން ނިންމާލާނެކަމަށް އެ ޓީމުގެ ސަޕޯޓަރުން ވެސް ގަބޫލު ނުކުރާނެއެވެ.

މި ކާމިޔާބަކީ ސަރ އެލްކްސް ފާގަސަން ޔުނައިޓެޑް ދޫކޮށް 2013 ވަނަ އަހަރު ރިޓަޔާކުރިތާ 11 އަހަރު ފަހުން އެ ކުލަބަށް ހޯދުނު އެންމެ ތާރީހީ ކާމިޔާބު ކަމުގައި ދެކުމުގެ ފުރުސަތު ވެސް އެބައޮތެވެ. ސަބަބަކީ މި ފައިނަލުގައި ޔުނައިޓެޑުގެ ފުށުން މޮޅު ކުޅުމެއް ފެނިގެން ދިއުމެވެ. އެ ޓީމުން މެޗު ކާމިޔާބުކުރީ، ނަވާރަ އަހަރުގެ އަލެހާންޑްރޯ ގަނާޗޯ އަދި ކޮބީ މައިނޫ ކާމިޔާބުކުރި ގޯލުތަކުންނެވެ.

އަދި މި ނަތީޖާއަކީ ސިޓީގެ ކިބައިން ހިފި ވަރުގަދަ ބަދަލު ހިފުމެއްގެ ގޮތުގައި ވެސް ބެލެވިދާނެއެވެ. މިދިޔަ ސީޒަނުގެ އެފްއޭ ކަޕް ފައިނަލުގައި ވެސް މި ދެ ޓީމު ބައްދަލުކޮށްފައިވާއިރު، ގުންޑޮގަންގެ 2 ގޯލާއެކު އެ މެޗު ސިޓީއިން ކާމިޔާބުކުރީ 2-1 އިންނެވެ.

ހޮނިހިރު ދުވަހު ކުޅުނު ފައިނަލް މެޗުގައި ޔުނައިޓެޑުން ވަނީ ފުރަތަމަ ހާފުގައި ދެ ގޯލުގެ ބޮޑު ލީޑެއް ނަގާފައެވެ. ސިޓީގެ ފަރާތުން ދަށް ކުޅުމެއް ފެނިގެން ދިޔަ މި ހާފުގައި ޔުނައިޓެޑުން ލީޑު ނެގީ 30 ވަނަ މިނެޓުގައި ގަނާޗޯ އަދި އޭގެ 9 މިނެޓުފަހުން މައިނޫ ކާމިޔާބުކުރި ގޯލުތަކުންނެވެ.

ދެވަނަ ހާފަށް ސިޓީ ނިކުތީ ވަރުގަދަކޮށެވެ. ނަމަވެސް އެ ޓީމުގެ ހަމަލާތައް ގޯލަކަށް ބަދަލުކުރުމަށް މަދުވީ ފަހު ޓަޗެވެ. އެ ޓީމަށް މި މެޗުގައި ކާމިޔާބު ކުރެވުނު ހަމައެކަނި ގޯލަކީ، މެޗުގެ ފުރިހަމަ ވަގުތު ހަމަވުމަށް 3 މިނެޓު އޮށްވައި ޑޮކޫ ކާމިޔާބުކުރި ގޯލެކެވެ.

މިއީ ޔުނައިޓެޑުގެ ކޯޗު، އެރިކް ޓެން ހެގް އެ ޓީމު ދޫކޮށްލުމުގެ ކުރިން ކުޅުނު ފަހު މެޗެވެ. މި ސީޒަނަށް ފަހު ޔުނައިޓެޑުގެ ވަޒީފާއިން އޭނާ ވަކިކުރާނެކަމަށް، އެ ކުލަބުން ވަނީ ނިމިދިޔަ ހަފްތާގައި އިއުލާންކޮށްފައެވެ.

ކޮމެންޓް
އިތުރު އާޓިކަލް
04 Apr 2025
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ޔައުޤޫބު ވިދާޅުވެއްޖެ
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ދާންދޫ ދާއިރާގެ ކުރީގެ މެންބަރު ޔައުގޫބް އަބްދުﷲ ވިދާޅުވެއްޖެއެވެ.
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.