ޖޯޖިއާގައި ކުރިއަށްދިޔަ ބަޓޫމީ ކަޕްގައި ރާއްޖޭގެ ޒުވާން ބެޑްމިންޓަން ކުޅުންތެރިޔާ، ލައިބާ އަހުމަދު މަހުލޫފް (އެލީ) ދެ މެޑަލް ހޯދައިފިއެވެ.

ލައިބާ ހޯދި ދެ މެޑަލްގެ ތެރެއިން އެއް މެޑަލް އަކީ، 13  އަހަރުން ދަށުގެ އަންހެން ސިންގަލްސް އިން ހޯދި ލޯ މެޑަލް އެކެވެ. ދެވަނައަށް އޭނާ ހޯދީ އަންހެން ޑަބަލްސް އިން ރިހި މެޑަލްއެވެ.

ސިންގަލްސް މެޗުގައި ލައިބާ ވާދަކޮށްފައިވަނީ އާރްމީނިއާގެ 13 އަހަރުން ދަށުގެ އެއް ވަނަ ކުޅުންތެރިޔާއާއެވެ. އެ މެޗުން ލައިބާ ބަލިވެފައިވަނީ ސީދާ ދެ ސެޓުން، 25-23  އަދި 21-13 އިންނެވެ.

ޑަބަލްސްގައި ފައިނަލުން ބަލިވިއިރު، އެ ކެޓަގަރީގައި ލައިބާގެ ޕާޓްނަރަކީ، ސިންގަލްސްގެ ސެމީ ފައިނަލްގައި އޭނާ ބަލިކުރި އަރްމީނިއާގެ ކުޅުންތެރިޔާއެވެ.

ބަޓޫމީ ކަޕްގައި، އާރްމީނިއާ، އަޒަރުބައިޖާން، ތުރުކީ، ކަޒަކްސްތާން އަދި ޖޯޖިއާގެ ޖޫނިއާ ރޭންކިން އަށް ބަލާއިރު، ރަނގަޅު ކުޅުންތެރިން ވާދަކޮށްފައިވެއެވެ.

އަދި މި މުބާރާތުން ހޯދި ކާމިޔާބީތަކާއެކީ، ބައިނަލްއަގްވާމީ މުބާރާތް ތަކުގައި ލައިބާ ހޯދާފައިވާ މެޑަލްތަކުގެ މިހާރުގެ އަދަދަކީ 14 އެވެ.