ދިވެހިރާއްޖޭގައި މިހާރު ކުޅެމުންދާ ސެންޓްރަލް އޭޝިއާ ވޮލީބޯލް އެސޯސިއޭޝަން (ކާވާ) ވިމެންސް ޗެލެންޖް ކަޕުގެ ސެމީ ފައިނަލުގައި ތަޖިކިސްތާނު ބަލިކުރުމަށްފަހު، ރާއްޖެ ފައިނަލަށް ދަތުރުކޮށްފިއެވެ. ސެމީ ފައިނަލުގައި ދިވެހިރާއްޖެއިން ތަޖިކިސްތާނު ބަލިކޮށްފައި ވަނީ 3-1 ސެޓުންނެވެ.

އަންގާރަ ދުވަހުގެރޭ މާލޭ ޒުވާނުންގެ މަރުކަޒުގެ އެތެރޭ ކޯޓުގައި ކުޅުނު މި މެޗުގެ ފުރަތަމަ ސެޓު ގެންދިޔައީ ދިވެހިރާއްޖެއިން، 25-17 އިންނެވެ. ނަމަވެސް ރާއްޖެއަށް ލީޑު އިތުރަށް ފުޅާ ކުރެވޭނެ ފުރުސަތެއް ނުދީ، ތަޖިކިސްތާނުން ދެވަނަ ސެޓު 22-25 އިން ގެންދިޔައެވެ.

މި ސެޓަށްފަހު އަނެއްކާ ވެސް ތަޖިކިސްތާނުގެ މައްޗަށް ރާއްޖެ ކުރިހޯދިއެވެ. އެގޮތުން މެޗުގެ ތިން ވަނަ ސެޓާއި ހަތަރު ވަނަ ސެޓު ގެންގޮސް، 3-1 ސެޓުން ރާއްޖެ މެޗު ކާމިޔާބު ކުރިއެވެ. މި ދެ ސެޓު ރާއްޖެއިން ކާމިޔާބު ކުރީ 12-25 އަދި 25-17 އިންނެވެ.

ލީގު ބުރުގައި ވެސް ރާއްޖެއިން ވަނީ 3-1 ސެޓުން ކިރިގިސްތާނު ބަލިކޮށްފައެވެ.

މުބާރާތުގެ ފައިނަލް މެޗު އޮންނާނީ މިރެއެވެ. މި މެޗުގައި ރާއްޖެއާ ދެކޮޅަށް ނިކުންނާނީ ކިރްގިސްތާނެވެ. މި ދެ ޓީމު ލީގު ބުރުގައި ބައްދަލު ކުރި އިރު، އެ މެޗު 3-0 ސެޓުން ކާމިޔާބުކޮށްފައިވަނީ ކިރްގިސްތާނެވެ.