އެންމެ ފަހުން ބޭއްވި ވޮލީބޯޅަ އެސޯސިއޭޝަން ކަޕްގެ އެންމެ އުއްމީދީ ކުޅުންތެރިޔާގެ މަގާމު ހޯދި އުމުރުން 18 އަހަރުގެ މުހައްމަދު ލަތުފާނުގެ އަމާޒަކީ، ގައުމީ ޖާޒީ އާއި ވެލިދޫ ސްޕޯޓްސް ކްލަބްގެ ޖާޒީގައި ރަން މެޑަލް ހޯދުމެވެ. އިސްކޮޅުގައި 6 ފޫޓު 7 އިންޗި ހުންނަ ލަތުފާނު، ގައުމީ ފެންވަރުގައި ކުޅުނު ފުރަތަމަ މުބާރާތުން މި ލިބުނު ކާމިޔާބީއަކީ ވެސް، އޭނާގެ މަންޒިލަށް ވާސިލްވުމަށް ކުރާ ބުރަ މަސައްކަތަށް ހެކިދޭ ދަލީލެއްކަން ހަމަޔަގީނެވެ.

ވޮލީބޯލް އެސޯސިއޭޝަން ކަޕްގެ ފިރިހެން ޑިވިޝަންގެ ޗެމްޕިއަންކަން، މުބާރާތުގައި އަލަށް ވާދަކުރި ސިޓީ ސްޕޯޓްސް ކްލަބުން ހޯދައިފިއެވެ. ތ އަތޮޅު ހިރިލަންދޫގެ ގިނަ ކުޅުންތެރިންތަކެއް ހިމެނޭ މި ޓީމުން މުބާރާތް ކާމިޔާބުކުރީ އަންގާރަ ދުވަހުގެރޭ ކްލަބް ވެމްކޯއާ ދެކޮޅަށް ކުޅުނު ފައިނަލް މެޗު ސީދާ ތިން ސެޓުން ކާމިޔާބުކޮށްގެނެވެ.

ނ. ވެލިދޫގައި މިފަހަކަށް އައިސް ކޮންމެ ރަމަޟާން މަހަކާއި ދިމާކޮށް ބާއްވަމުން އަންނަ "ވެލިދޫ ރަމަޟާން ވޮލީބޯޅަ ލީގު" މި އަންނަ މާޗު މަހު ބޭއްވުމަށް އިއުލާންކޮށްފިއެވެ. ފާއިތުވި 3 އަހަރުގެ ކާމިޔާބީއާއެކީ، މި މުބާރާތަކީ ވެލިދޫގައި ވޮލީއަށް އޮންނަ ފޯރި މެދުކެނޑުނަ ނުދީ، މި ކުޅިވަރު އުއްމީދީ މަންޒިލަކަށް ގެންދިއުމަށް ވެލިދޫގެ ޒުވާނުންނާއި ވޮލީ ކުޅުމަށް ޝައުގުވެރިވާ ފަރާތްތަކުން އަމާޒުހިފާފައިވާ ދުރުރާސްތާ ޕްރޮޖެކްޓެކެވެ.

ވޮލީބޯލް އެސޯސިއޭޝަން ކަޕްގެ އަންހެން ޑިވިޝަންގެ ޗެމްޕިއަންކަން ޖެހިޖެހިގެން ތިންވަނަ ފަހަރަށް ވެމްކޯއިން ހޯދައިފިއެވެ. ސޯޝަލް ސެންޓަރުގެ އެތެރޭ ކޯޓުގައި ކުޅުނު މި މެޗުގައި ވެމްކޯއިން ޕޮލިސް ކްލަބްގެ މައްޗަށް ކުރިހޯދީ ސީދާ 3 ސެޓުންނެވެ.

މާލޭ ސޯޝަލް ސެންޓަރުގެ އިންޑޯ ކޯޓުގައި މިހާރު ކުރިޔަށްދާ ވޮލީބޯލް އެސޯސިއޭޝަން ކަޕްގެ ފިރިހެން ޑިވިޝަންގެ ފައިނަލުގެ ދެވަނަ ޖާގަ ވެމްކޯއިން ހޯދައިފިއެވެ. ވެމްކޯއިން ފައިނަލަށް ދަތުރުކުރީ، ސެމީފައިނަލްގެ ތިން ވަނަ މެޗުގައި ކްލަބް އާބަންކޯ 3-2 ސެޓުން ބަލިކޮށްގެންނެވެ.

ވޮލީބޯލް އެސޯސިއޭޝަން ކަޕްގެ ފިރިހެން ޑިވިޝަންގެ ފުރަތަމަ ޖާގަ ސިޓީ ސްޕޯޓްސް ކްލަބުން ކަށަވަރުކޮށްފިއެވެ. އެ ޓީމު ފައިނަލަށް ދަތުރުކުރީ ސެމީ ފައިނަލް ދެވަނަ މެޗުގައި ކްލަބް އާބަންކޯ ބަލިކޮށްގެނެވެ.

މާލޭގައި މިހާރު ކުރިޔަށްދާ ވޮލީބޯލް އެސޯސިއޭޝަން ކަޕުގެ ފިރިހެން ޑިވިޝަނުގެ ސެމީ ފައިނަލް މެޗުތައް ޔޫތު ސެންޓަރުގެ އިންޑޯ ކޯޓުގައި މިއަދު ފަށާނެއެވެ. މި މުބާރާތުގައި 3 ސެމީފައިނަލް ކުޅުމަށް ހަމަޖެހިފައިވާއިރު، ފުރަތަމަ ދެ ސެމީ ކުޅޭނީ މިއަދުއެވެ. އަދި ފަހު ސެމީ އޮންނާނީ މާދަމާއެވެ.

ޔޫތު ސެންޓަރުގެ އިންޑޯ ކޯޓުގައި މިހާރު ކުރިޔަށްދާ ވޮލީބޯލް އެސޯސިއޭޝަން ކަޕުގެ އަންހެން ޑިވިޝަނުގެ ފައިނަލަށް ޕޮލިސް ކްލަބާއި ކްލަބް ވެމްކޯ ދަތުރުކޮށްފިއެވެ.

މިހާރު މާލޭގައި ކުރިޔަށްދާ ވޮލީބޯލް އެސޯސިއޭޝަން ކަޕުގެ އަންހެން ޑިވިޝަނުގެ ސެމީ ފައިނަލްގައި ވާދަކުރާނެ ޓީމުތައް ކަށަވަރުވެއްޖެއެވެ. އެގޮތުން މުބާރާތުގެ ސެމީ ފައިނަލަށް ދަތުރުކޮށްފައިވަނީ އަލްމާ ސްޕޯޓްސް ކުލަބާއި ކުލަބް ވެމްކޯ އާއި ޕޮލިސް ކުލަބާއި އަދި ވޮލީބޯލް އެކަޑަމީ އޮފް މޯލްޑިވްސްއެވެ.

މިހާރު ކުރިއަށްދާ އިންޓަ ސްކޫލް ވޮލީ މުބާރާތުގެ 16 އަހަރުން ދަށުގެ އަންހެން ފައިނަލުގައި އދ.ކުނބުރުދޫ ސްކޫލް ބަލިކޮށް، ފ. އަތޮޅު މަދަރުސާއިން މުބާރާތް ކާމިޔާބުކޮށްފިއެވެ. އެ ސްކޫލުން ފައިނަލް މެޗު ކާމިޔާބުކުރީ ސީދާ 3 ސެޓުންނެވެ. މިއީ 2019 ވަނަ އަހަރު އެ ސްކޫލުން ވާދަކުރި އުމުރު ފުރާތަކުގެ ތެރެއިން ގެއްލުނު ހަމައެކަނި ތައްޓެވެ.

މިހާރު ކުރިއަށްދާ އިންޓަ ސްކޫލް ވޮލީ މުބާރާތުގެ 16 އަހަރުން ދަށުގެ ފިރިހެން ފައިނަލްގައި އދ. މާމިގިލީގެ އދ. އަތޮޅު މަދަރުސާއާ ވާދަކޮށް، އދ. ކުނބުރުދޫ ސްކޫލުން ހޯދައިފިއެވެ. ކުނބުރުދޫ ސްކޫލުގެ ފިރިހެން ޓީމުން މި މެޗު ކާމިޔާބުކުރީ ސީދާ 3 ސެޓުންނެވެ.