މީގެ ދެ ހަފްތާ ކުރިން ހޯދި އެސޯސިއޭސަން ކަޕްގެ ކާމިޔާބަށްފަހު، ގައުމީ ވޮލީބޯލް މުބާރާތުގެ އަންހެން ޑިވިޝަނުގެ ތަށި ވެސް ވެމްކޯއިން އުފުލާލައިފިއެވެ. ކައިރިކައިރީގައި ވެމްކޯއިން މި ހޯދި ދެ ތައްޓަކީ ވެސް، ޕޮލިސް ކްލަބް ބަލިކޮށް ހޯދި ދެ ތަށިކަން ފާހަގަ ކޮށްލަން ޖެހެއެވެ.

ސޯޝަލް ސެންޓަރުގެ އެތެރޭ ކޯޓުގައި ރޭ ކުޅުނު ފައިނަލް މެޗުގައި ވެމްކޯއިން ޕޮލިހުގެ މައްޗަށް ކުރިހޯދީ 3-1 ސެޓުންނެވެ. ވެމްކޯގެ ސެޓުތައް ކާމިޔާބުކޮށްފައިވަނީ  25-21, 19-25 އަދި 25-23 އިންނެވެ. ޕޮލިސް ކްލަބުން ގެންދިޔައީ 3 ވަނަ ސެޓެވެ. އެއީ 25-19 އިންނެވެ.

މި މުބާރާތުގެ އެންމެ މޮޅު ސެޓަރަކަށް ހޮވުނީ އެސޯސިއޭޝަން ކަޕްގައި ވެސް އެ މަގާމު ހޯދި ވެމްކޯގެ ޖޫޒާންއެވެ. އެންމެ މޮޅު މިޑުލް ބޮލޮކަރަކަށް ވެމްކޯގެ މާޔާ ހުސެއިން ސޮލާހް ހޮވުނުއިރު, ސެކަންޑް ބެސްޓް މިޑުލް ބޮލޮކަރަކީ ޔޫތު ނިއު ޖެނެރޭޝަނުގެ އާމިނަތު ރިޔާޝާއެވެ.

މުބާރާތުގެ އެންމެ މޮޅު އޮޕަސިޓް ޕްލޭޔަރަކަށް ޔޫތު ނިއު ޖެނެރޭޝަންގެ ފާތިމަތު ސަމްހާ ހޮވުނުއިރު, އެންމެ މޮޅު ލިބަރޯއަކީ ހަމަ އެޓީމުގެ މައިހާ އަލީ އެވެ. އެންމެ މޮޅު އައުޓް ސައިޑް އެޓޭކަރަކަށް ހޮވުނީ ޕޮލިހުގެ ހައްވަ ހޮވުނުއިރު, ސެކަންޑް ބެސްޓް އައުޓް ސައިޑް އެޓޭކަރަކަށް ހޮވުނީ ވެމްކޯގެ އާމިނަތު އަރީޝާ އެވެ. މުބާރާތުގެ އެންމެ އުންމީދީ ކުޅުންތެރިޔަކީ ޕޮލިހުގެ އަލްޔާ އަހުމަދެވެ. އެންމެ މޮޅު ބިދޭސީ ކުޅުންތެރިޔަކަށް ހޮވުނީ ވެމްކޯގެ ކީސާ ރިކޯލް ހޮވުނުއިރު, އެންމެ މޮޅު ކޯޗަކީ ވެމްކޯގެ ޝުއައިބް އަހުމަދު އެވެ. މުޅި މުބާރާތުގެ އެންމެ މޮޅު ކުޅުންތެރިޔަކީ ވެމްކޯގެ މާޖިދާއެވެ.