Advertisement

ވެމްކޯ ޓީމުން އެސޯސިއޭޝަން ކަޕްގެ ތަށްޓާއެކު އުފާފާޅުކުރަނީ، ފޮޓޯ: އަބްދުﷲ އިޔާން

26 Dec 2023
ކުޅިވަރު

އެސޯސިއޭޝަން ކަޕް: އަންހެން ޑިވިޝަންގެ ޗެމްޕިއަންކަން ޖެހިޖެހިގެން ތިންވަނަ ފަހަރަށް ވެމްކޯއިން ހޯދައިފި

ވޮލީބޯލް އެސޯސިއޭޝަން ކަޕްގެ އަންހެން ޑިވިޝަންގެ ޗެމްޕިއަންކަން ޖެހިޖެހިގެން ތިންވަނަ ފަހަރަށް ވެމްކޯއިން ހޯދައިފިއެވެ. ސޯޝަލް ސެންޓަރުގެ އެތެރޭ ކޯޓުގައި ކުޅުނު މި މެޗުގައި ވެމްކޯއިން ޕޮލިސް ކްލަބްގެ މައްޗަށް ކުރިހޯދީ ސީދާ 3 ސެޓުންނެވެ. ފައިނަލް މެޗުގެ ސެޓުތައް ވެމްކޯއިން ކާމިޔާބުކުރީ 25-21، 25-23 އަދި 25-17 އިންނެވެ. މެޗުގެ މޮޅު ކުޅުންތެރިއަކަށް ހޮވުނީ މުޅި މުބާރާތުގައި ވެސް މޮޅު ކުޅުމެއްދެއްކި ވެމްކޯގެ ޖާޒީ ނަންބަރު 14، ޖެސިކާ ސޯރެސްއެވެ.

އެސޯސިއޭޝަން ކަޕް ޖެހިޖެހިގެން ތިން ފަހަރު ވެމްކޯއިން ކާމިޔާބުކުރިއިރު، ހުރިހާ ފައިނަލެއްގައިވެސް ވެމްކޯއިން ވާދަކުރީ ޕޮލިސް ކްލަބާއިއެވެ.

މި މުބާރާތުގެ "ޑްރީމް ޓީމް" ގައި ބޮޑު ހިއްސާއެއް އޮތީ ކްލަބް ވެމްކޯގެއެވެ. އެގޮތުން އެ ޓީމުގެ 7 ކުޅުންތެރިންނާއި ކޯޗު ހިމެނުނުއިރު، ދެން ހިމެނުނީ އަލްމާ ސްޕޯޓްސް ކްލަބްގެ 2 ކުޅިންތެރިންމާއި ޕޮލިސް ކްލަބްގެ ކުޅުންތެރިއެކެވެ.

"ޑްރީމް ޓީމް"ގައި ހިމެނުނު ވެމްކޯ ކުޅުންތެރިންނަކީ:

ފާތިމަތު ޖޫޒާން ޒަރީރު – ބެސްޓް ސެޓަރ

ހައްވާ ނާޒިމް – ސެކަންޑް ބެސްޓް މިޑްލް ބްލޮކަރ

އައިޝަތު މާޖިދާ – ބެސްޓް އައުޓްސައިޑް ހިޓަރ އަދި މޮސްޓް ވެލުއެބަލް ޕްލޭޔަރ

އައިމިނަތު އަރީޝާ – ބެސްޓް އޮޕޮސިޓް ޕްލޭޔަރ

ޖެސިކާ ސޯރެސް – ބެސްޓް އިންޓަނޭޝަނަލް ޕްލޭޔަރ

މާޔާ ހުސެއިން ސަލާޙް – މޮސްޓް ޕްރޮމިސިންގ ޕްލޭޔަރ

ޚާލިދު މުޙައްމަދު – ބެސްޓް ކޯޗު

"ޑްރީމް ޓީމް"ގައި ހިމެނުނު އަލްމާ ސްޕޯޓްސް ކްލަބުގެ ކުޅުންތެރިންނަކީ:

ހައްވާ ސަޚާ – ބެސްޓް މިޑްލް ބްލޮކަރ

ނުހާ ވަހީދު – ބެސްޓް ލިބެރޯ ޕްލޭޔަރ

"ޑްރީމް ޓީމް"ގައި ހިމެނުނު ޕޮލިސް ކްލަބުގެ ކުޅުންތެރިއަކީ:

ހައްވާ ރާޝިދާ – ސެކަންޑް ބެސްޓް އައުޓްސައިޑް ހިޓަރ

މުބާރާތުގެ ތިން ވަނަ ޓީމަކަށް ހޮވުނީ އަލްމާ ސްޕޯޓްސް ކްލަބެވެ. ތިން ވަނަ ހޮވާ މެޗު އަލްމާއަށް ލިބުނީ އެ ޓީމާ ދެކޮޅަށް އެ މެޗުގައި ވާދަކުރަން އޮތް ވޮލީބޯލް އެކަޑަމީ އޮފް މޯލްޑިވްސް މެޗަށް ހާޒިރު ނުވުމުންނެވެ.

ކޮމެންޓް
އިތުރު އާޓިކަލް
04 Apr 2025
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ޔައުޤޫބު ވިދާޅުވެއްޖެ
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ދާންދޫ ދާއިރާގެ ކުރީގެ މެންބަރު ޔައުގޫބް އަބްދުﷲ ވިދާޅުވެއްޖެއެވެ.
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.