Advertisement

ވެލިދޫ ރަމަޟާން ވޮލީބޯޅަ ލީގު 1445 ގެ ގުރުއަތު ނެގުމުގެ ރަސްމިއްޔާތުގެ ތެރެއިން

24 Feb 2024
ކުޅިވަރު
މިފްތާޙް މުޙައްމަދު

ހަތަރު ވަނަ ވެލިދޫ ރަމަޟާން ވޮލީ ލީގު ފެށުމަށް ތައްޔާރުވެއްޖެ

ނ. ވެލިދޫގައި މިފަހަކަށް އައިސް ކޮންމެ ރަމަޟާން މަހެއްގައި ބާއްވަމުން އަންނަ "ވެލިދޫ ރަމަޟާން ވޮލީބޯޅަ ލީގު"ގެ ގުރުއަތުލުން ހުކުރު ދުވަހުގެރޭ ބާއްވައިފިއެވެ.

ވެލިދޫގެ ވޮލީއަށް ލޯބިކުރާ ފަރާތްތަކާއި، ވެލިދޫ ޔޫތު އެންޑް ކޮމިއުނިޓީ ސެންޓަރު ގުޅިގެން ބާއްވާ މި މުބާރާތުގައި އަންހެން އަދި ފިރިހެން ޑިވިޝަން ވަކިން ކުޅުމަށް ހަމަޖެހިފައިވާއިރު، އަންހެން ޑިވިޝަންގެ މެޗުތައް ކުޅެން ފެށުމަށް ޝެޑިއުލްކޮށްފައިވަނީ މާޗު 7 ވަނަ ދުވަހުއެވެ. އަދި ފިރިހެން ޑިވިޝަންގެ މެޗުތައް ފަށާނީ މާޗު 13 ވަނަ ދުވަހުއެވެ.

މުބާރާތުގެ ގުރުއަތު ނެގުމަށް ބޭއްވި ރަސްމިއްޔާތުގެ ތެރެއިން

އަންހެން ޑިވިޝަނުގައި 3 ޓީމު ވާދަކުރާއިރު، މެޗުތައް ކުރިޔަށް ދާނީ ރައުންޑް-ރޮބިން އުސޫލުން (ކޮންމެ ޓީމެއް ކޮންމެ ޓީމަކާ ބައްދަލުކުރާ އުސޫލުން) ނެވެ. އަދި ފައިނަލުގެ ފުރަތަމަ ޖާގަ އެންމެ ގިނަ ޕޮއިންޓު ހޯދާ ޓީމަށް ލިބޭއިރު، ފައިނަލުގެ ދެވަނަ ޖާގަ ކަނޑައަޅާނީ ސެމީފައިނަލް މެޗަކުންނެވެ. މި މެޗުގައި ބައްދަލުކުރާނީ 2 ވަނައަށް ދިޔަ ޓީމާއި 3 ވަނައަށް ދިޔަ ޓީމެވެ. އަންހެން ޑިވިޝަންގެ ފައިނަލް  މެޗު ކުޅުމަށް ހަމަޖެހިފައިވަނީ ރޯދަމަހުގެ ފުރަތަމަ ދުވަހުގެ ރޭގަނޑެވެ.

މުބާރާތުގެ ފިރިހެން ޑިވިޝަންގައި 6 ޓީމު ކުޅޭނެއެވެ. މި ޑިވިޝަންގެ މެޗުތައް 2 ގްރޫޕަކަށް ބަހާލައިގެން ކުރިޔަށްގެންދަން ނިންމާފައިވާއިރު، މުބާރާތުގެ ފައިނަލަށްދާ ޓީމުތައް ކަނޑައަޅާނީ 3 ސެމީ ފައިނަލް މެޗަށްފަހުއެވެ

ފުރަތަމަ ސެމީގައި ބައްދަލުކުރާނީ 2 ގްރޫޕުން 1 ވަނައަށް ދިޔަ 2 ޓީމެވެ. މި މެޗުން މޮޅުވާ ޓީމަށް ފައިނަލުގެ ފުރަތަމަ ޖާގަ ކަށަވަރުވާނެއެވެ. އަދި ފައިނަލުގެ ފަހު ޖާގަ ލިބޭނީ ދެވަނަ ސެމީއިން މޮޅުވާ ޓީމާއި، ފުރަތަމަ ސެމީއިން ބަލިވި ޓީމު ކުޅޭ ތިން ވަނަ ސެމީ ފައިނަލް ކާމިޔާބުކުރާ ޓީމަށެވެ

ރޯދަމަސް ފެށުމުގެ ކުރިން ކުޅޭ މުބާރާތުގެ މެޗުތައް ފަށާނީ ރޭގަނޑު 8:30 ގައެވެ. އަދި ރޯދަމަހުގެ ތެރޭގައި ކުޅޭ މެޗުތައް ފަށާނީ ރޭގަނޑު 9:30 ގައެވެ.

މުބާރާތުގެ ޝެޑިއުލް

މި މުބާރާތަކީ ވަކިވަކި ޓީމުތަކުން ބައިވެރިވެގެން ބާއްވާ މުބާރާތެއް ނޫނެވެ. ނަމަވެސް މި މުބާރާތުގައި ބައިވެރިވަނީ ވަކިވަކި ކުޅުންތެރިންނެވެ. ޓީމުތައް ހަދަނީ ކުޅުންތެރިންގެ ފެންވަރަށް ބެލުމަށްފަހު މުބާރާތް އިންތިޒާމްކުރާ ކޮމެޓީއާއި ވެލިދޫގައި އާންމުކޮށް ވޮލީ ކުޅެއުޅޭ ފަރާތްތައް މަޝްވަރާކޮށްގެންނެވެ.

ވެލިދޫ ރަމަޟާން ވޮލީބޯޅަ ލީގުގެ މެޗުތައް ކުޅުމަށް ހަމަޖެހިފައިވަނީ އެމް.އެޗް. ފައުންޑޭޝަނުން ޒަމާނީ ފެންވަރަށް ތަރައްގީކޮށްފައިވާ، ވެލިދޫގެ ބޮޑު ނިކަގަސް ދޮށުގައި އޮންނަ އައުޓްޑޯ ކޯޓުގައެވެ. މިއީ މި ފެންވަރަށް ރާއްޖޭގައި ތަރައްގީކުރި ފުރަތަމަ އައުޓްޑޯ ވޮލީ ކޯޓެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.