Advertisement

ފައިނަލް މެޗުގައި ކުނބުރުދޫ ސްކޫލް ކުޅުންތެރިން އުފާ ފާޅުކުރަނީ --- ފޮޓޯ: ވީއޭއެމް

02 Nov 2023
ކުޅިވަރު

އެންމެ ވާދަވެރި އުމުރުފުރާގެ ތަށި ގެންދިޔައީ ކުނބުރުދޫ ސްކޫލަށް

މިހާރު ކުރިއަށްދާ އިންޓަ ސްކޫލް ވޮލީ މުބާރާތުގެ 16 އަހަރުން ދަށުގެ ފިރިހެން ފައިނަލްގައި އދ. މާމިގިއްޔަށް ނިސްބަތްވާ އދ. އަތޮޅު މަދަރުސާއާ ވާދަކޮށް، އދ. ކުނބުރުދޫ ސްކޫލުން ޗެމްޕިއަންކަން ހޯދައިފިއެވެ. ބުދަ ދުވަހުގެރޭ މާފަންނު އައުޓްޑޯ ވޮލީ ކޯޓުގައި ކުޅުނު މި މެޗު ކުނބުރުދޫ ސްކޫލުގެ ފިރިހެން ޓީމުން ފައިނަލް މެޗު ކާމިޔާބުކުރީ ސީދާ 3 ސެޓުންނެވެ.

މެޗުގެ ފުރަތަމަ ދެ ސެޓުގައި އދ. އަތޮޅު މަދަރުސާއިން ވާންކުރި ނަމަވެސް، ފަހު ސެޓު ކުނބުރުދޫ ސްކޫލުން ގެންދިޔައީ ވަރަށް ފަސޭހަކޮށެވެ. އެގޮތުން ފުރަތަމަ 2 ސެޓު 25-17 އަދި 25-20 އިން ގެންދިޔައިރު، ކުނބުރުދޫ ސްކޫލުންފަހު ސެޓު ކާމިޔާބުކުރީ 25-5  އިންނެވެ.

މި މެޗުގެ މޮޅު ކުޅުންތެރިއަކަށް ހޮވުނީ ކުނބުރުދޫ ސްކޫލްގެ އަހުމަދު އައިހަމް މުހައްމަދެވެ.

މި އުމުރު ފުރާގެ އެންމެ މޮޅު ކުޅުންތެރިންގެ ތެރޭގައި ކުނބުރުދޫގެ 4 ކުޅުންތެރިންނާއި އދ. އަތޮޅު މަދަރުސާގެ 2 ކުޅުންތެރިން އަދި ކެޔޮދޫ ސްކޫލުގެ 1 ކުޅުންތެރިއަކު ހިމެނެއެވެ. އެއީ ފައިނަލް މެޗުގެ މޮޅު ކުޅުންތެރިޔާގެ މަގާމު ހޯދި ކުނބުރުދޫ ސްކޫލްގެ އަހުމަދު އައިހަމް މުހައްމަދުއާއި، މުހައްމަދު ރިފްއަތުއާއި، މުހައްމަދު އިކްރާމް އިސްމާއިލް ރަޝީދުއާއި، މުހައްމަދު އިޔާދު މުހައްމަދު އަޔާޒުއާއި، އދ. އަތޮޅު މަދަރުސާގެ ޝައިހާން ޝަހީން، އިބްރާހިމް ރާކިން ހަސަން އަދި ކެޔޮދޫ ސްކޫލްގެ އިބްރާހިމް ޔަނާލް މުހައްމަދެއެވެ.

މި މުބާރާތުގެ 14 އަހަރުން ދަށް އަދި 16 އަހަރުން ދަށުގެ ކުޅުން ނިމިފައިވާއިރު، ދެން އޮންނާނީ 19 އަހަރުން ދަށުގެ ކުޅުމެވެ.

ކޮމެންޓް
އިތުރު އާޓިކަލް
04 Apr 2025
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ޔައުޤޫބު ވިދާޅުވެއްޖެ
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ދާންދޫ ދާއިރާގެ ކުރީގެ މެންބަރު ޔައުގޫބް އަބްދުﷲ ވިދާޅުވެއްޖެއެވެ.
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.