Advertisement
ޕޮލިސް ކްލަބްގެ ކުޅުންތެރިން އުފާފާޅުކުރަނީ.--- ފޮޓޯ: އަބްދުﷲ އިޔާން/ އަދަދު
ވޮލީބޯޅަ އެސޯސިއޭޝަން ކަޕްގެ ސެމީގެ ޖާގަތައް ކަށަވަރުވެއްޖެ
މިހާރު މާލޭގައި ކުރިޔަށްދާ ވޮލީބޯލް އެސޯސިއޭޝަން ކަޕުގެ އަންހެން ޑިވިޝަނުގެ ސެމީ ފައިނަލްގައި ވާދަކުރާނެ ޓީމުތައް ކަށަވަރުވެއްޖެއެވެ. އެގޮތުން މުބާރާތުގެ ސެމީ ފައިނަލަށް ދަތުރުކޮށްފައިވަނީ އަލްމާ ސްޕޯޓްސް ކުލަބާއި ކުލަބް ވެމްކޯ އާއި ޕޮލިސް ކުލަބާއި އަދި ވޮލީބޯލް އެކަޑަމީ އޮފް މޯލްޑިވްސްއެވެ.
މުބާރާތުގެ ކުއާޓާ ފައިނަލުގެ ފުރަތަމަ ދެ މެޗު ކުޅެފައިވަނީ މިދިޔަ ހޯމަ ދުވަހުއެވެ. ކުއާޓާގެ ފުރަތަމަ މެޗުގައި ޕޮލިސް ކުލަބާއި ވޮލީބޯލް ޔޫތު ނިއު ޖެނަރޭޝަން ބައްދަލުކުރި މެޗު ޕޮލިސް ކްލަބުން ކާމިޔާބުކުރީ 3-1 ސެޓުންނެވެ. އަދި ކުއާޓާގެ ދެވަނަ މެޗުގައި ހަމަ އެ ދުވަހު އަސްދިގަ ސްޕޯޓްސް ކުލަބުގެ މައްޗަށް ވޮލީބޯލް އެކަޑަމީން ކުރިހޯދީ ސީދާ ތިން ސެޓުންނެވެ.
މުބާރާތުގެ ކުއާޓާ ފައިނަލުގެ ފަހު ދެ މެޗު ކުޅުނީ ބުދަ ދުވަހުއެވެ. އެގޮތުން ކުއާޓާ ފައިނަލުގެ ތިން ވަނަ މެޗުގައި އަލްމާއިން ވަނީ ސީދާ ތިން ސެޓުން ހިންމަފުށި ވިކްޓޯރިއަސް ސްޕޯޓްސް ކުލަބް ބަލިކޮށްފައެވެ. އަދި ކުއާޓާ ފައިނަލުގެ ފަހު މެޗު ވެމްކޯއިން ވެސް ކާމިޔާބުކުރީ ސީދާ ތިން ސެޓުންނެވެ. އެއީ ޔޫތު ނިއު ޖެނެރޭޝަނާއި ވާދަކޮށްގެންނެވެ.
މި މުބާރާތުގެ ސެމީ ފައިނަލް މެޗުތައް ކުޅުމަށް ހަމަޖެހިފައިވަނީ ހުކުރު ދުވަހުއެވެ. ފުރަތަމަ ސެމީގައި ޕޮލިސް ކުލަބުން ނިކުންނާނީ ވޮލީބޯލް އެކަޑަމީ އާއި ދެކޮޅަށެވެ. އަދި ފަހު ސެމީގައި ބައްދަލުކުރާނީ ވެމްކޯ އާއި އަލްމާއެވެ.
