Advertisement

05 Sep 2024
ކުޅިވަރު
މިފްތާޙް މުޙައްމަދު

20 އަހަރަށް ފަހު ރޮނާލްޑޯ އާއި މެސީ ނުހިމަނާ ބެލަން ޑިއޯ ނޮމިނީސް އިއުލާންކޮށްފި

ފްރާންސުގެ މެގަޒިންއެއް ކަމުގައިވާ "ފްރާންސްގެ ފުޓުބޯލް" އިން ކޮންމެ އަހަރަކު ހޮވާ ދުނިޔޭގެ އެންމެ މޮޅު ފުޓުބޯޅަ ކުޅުންތެރިޔާއަށް ވާދަކުރާ 30 ކުޅުންތެރިންގެ ލިސްޓު ބުދަ ދުވަހު ހާމަކުރި އިރު، ފާއިތުވި 20 އަހަރު ތެރޭގައި މެދުކެނޑުމެއްނެތި އެ ލިސްޓުގައި ހިމެނެމުންދިޔަ، ޕޯޗުގަލްގެ ކްރިސްޓިއާނޯ ރޮނާލްޑޯ އާއި އާޖެންޓީނާގެ ލިއޮނެލް މެސީ މި އަހަރު އެ ލިސްޓުން ބާކީ ވެއްޖެއެވެ. މިއީ 2004 ވަނަ އަހަރަށްފަހު މި ދެ ކުޅުންތެރިންގެ ތެރެއިން އެއްވެސް ކުޅުންތެރިއަކު ނުހިމަނާ މި ލިސްޓު އާންމުކުރި ފުރަތަމަ ފަހަރެވެ.

ބެލަން ޑިއޯ އެވޯޑު ފާއިތުވި 20 އަހަރު ތެރޭގައި މި ދެ ކުޅުންތެރިން ވަނީ 13 ފަހަރު ހާސިލްކޮށްފައެވެ. އެގޮތުން މި އެވޯޑު 8 ފަހަރު މެސީ ހާސިލްކޮށްފައިވާ އިރު، ރޮނާލްޑޯ ވަނީ 5 ފަހަރު މި އެވޯޑު ހާސިލްކޮށްފައެވެ.

މި ދެ ކުޅުންތެރިންގެ ތެރެއިން އެންމެ ފުރަތަމަ ބެލަން ޑިއޯ އަށް ނޮމިނޭޓުވެފައި ވަނީ ރޮނާލްޑޯއެވެ، އެއީ 2004 ވަނަ އަހަރެވެ. އަދި މެސީ އެންމެ ފުރަތަމަ ނޮމިނެޓުވެފައިވަނީ 2006 ވަނަ އަހަރުއެވެ. އަދި 2008 ވަނަ އަހަރު ރޮނާލްޑޯ މި އެ ވޯޑު ހާސިލްކުރިފަހުން 2018 ވަނަ އަހަރާ ހިސާބަށް ރޮނާލްޑޯ އާއި މެސީ ފިޔަވާ އިތުރު އެއްވެސް ކުޅުންތެރިއަކަށް މި އެވޯޑު ހާސިލްކުރެވިފައެއް ނުވެއެވެ.

ދެ ކުޅުންތެރިންނަށް ބެލަން ޑިއޯ ހާސިލް ކުރެވުނު އަހަރުތައް:

ކްރިސްޓިއާނޯ ރޮނާލްޑޯ: 2008، 2013، 2014، 2016 އަދި 2017

ލިއޮނެލް މެސީ: 2009، 2010، 2011، 2012، 2015، 2019، 2021 އަދި 2023

މި އަހަރުގެ ބެލަން ޑިއޯ ހަފްލާ ބޭއްވުމަށް ހަމަޖެހިފައިވަނީ އޮކްޓޯބަރ 28 ވަނަ ދުވަހު ޕެރިހުގައެވެ. މިއީ އެ ވޯޑު މެދުކެނޑުމެއް ނެތި ކުރިޔަށްދާތާ 68 ވަނަ އަހަރެވެ.

މި އަހަރު މި އެވޯޑަށް ވާދަކުރާ ކުޅުންތެރިންނަކީ:

ޖޫޑް ބެލިންހަމް (އިންގްލެންޑް/ރެއާލް މެޑްރިޑް)

ރުބެން ޑިއާޒް (ޕޯޗުގަލް/މެންޗެސްޓާ ސިޓީ)

ފިލް ފޯޑެން (އިންގްލެންޑް/ މެންޗެސްޓާ ސިޓީ)

ފެޑެރީކޯ ވަލްވޭޑޭ (އުރުގުއޭ/ރެއާލް މެޑްރިޑް)

އެމިިލިއާނޯ މާޓިނޭޒް (އާޖެންޓީނާ/ އެސްޓަން ވިލާ)

އާލިން ހާލަންޑް (ނޯވޭ/މެންޗެސްޓާ ސިޓީ)

ނިކޯ ވިލިއަމްސް (ސްޕެއިން/އެތުލެޓިކް ބިލްބާއޯ)

ގްރޭނިޓް ޝަކާ (ސްވިޒަލެންޑް/ ބަޔާ ލެވަކޫސަން)

އާޓެން ޑޮވްބީކް (ޔޫކްރެއިން/ ރޯމާ-ޖިރޯނާ)

ޓޯނީ ކްރޫސް (ޖަރުމަނު/ ރެއާލް މެޑްރިޑް)

ވިނީޝިއުސް ޖޫނިއާ (ބްރެޒިލް/ ރެއާލް މެޑްރިޑް)

ޑަނީ އޮލްމޯ (ސްޕެއިން/ ލައިޕްޒިގު-ބާސެލޯނާ)

ފްލޯރިއަން ވާޓްޒް (ޖަރުމަނު/ ބަޔާ ލެވަކޫސަން)

މާޓިން އޮޑެގާޑް (ނޯވޭ/ އާސެނަލް)

މެޓް ހަމެލްސް (ޖަރުމަނު/ ބޮރޫޝިއާ ޑޯޓްމަންޑް)

ރޮޑްރީ (ސްޕެއިން/ މެންޗެސްޓާ ސިޓީ)

ހެރީ ކޭން (އިންގްލެންޑް/ ބަޔާން މިއުނިކް)

ޑެކްލަން ރައިސް (އިންްގްލެންޑް/ އާސެނަލް)

ވިޓީނިއާ (ޕޯޗުގަލް/ ޕީއެސްޖީ)

ކޯލް ޕާމާ (އިންގްލެންޑް/ ޗެލްސީ)

ޑަނީ ކާވަހާލް (ސްޕެއިން/ ރެއާލް މެޑްރިޑް)

ލަމީން ޔަމާލް (ސްޕެއިން/ ބާސެލޯނާ)

ބުކާޔޯ ސަކާ (އިންގްލެންޑް/ އާސެނަލް)

ހަކަން ޗަނޮނޮގްލޫ (ތުރުކީ/ އިންޓަ މިލާން)

ވިިލިއަން ސަލީބާ (ފްރާންސް/ އާސެނަލް)

ކީލިއަން އެމްބާޕޭ (ފްރާންސް/ ޕީއެސްޖީ-ރެއާލް މެޑްރިޑް)

ލައުޓާރޯ މާޓީނޭޒް (އާޖެންޓީނާ/ އިންޓަ މިލާން)

އަޑެމޯލާ ލުކްމަން (ނައިޖީރިއާ/ އެޓަލަންޓާ)

އެންޓޯނިއޯ ރޫޑިގާ (ޖަރުމަނު/ ރެއާލް މެޑްރިޑް)

އަލެހަންޑްރޯ ގްރިމާލްޑޯ (ސްޕެއިން/ ބަޔާ ލެވަކޫސަން)

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.