ރާއްޖޭގެ އެތުލީޓުންގެ އަގު ވަގުވަޒަން ކުރުމުގެ ގޮތުން ސަރުކާރުން ބާއްވަމުން އަންނަ މޯލްޑިވްސް ސްޕޯޓްސް އެވޯޑްސްގެ މި އަހަރުގެ އެންމެ މޮޅު އަންހެން އަދި ފިރހެން އެތުލީޓުގެ މަގާމު، ގައުމީ ޓޭބަލް ޓެނިސް ޓީމުގެ ދެ ކުޅުންތެރިން ކަމަށްވާ ފާތިމަތު ދީމާ އަލީ އާއި މުހައްމަދު ޝައްފާން އިސްމާއިލް ހޯދައިފިއެވެ.

މިއީ މޯލްޑިވްސް ސްޕޯޓްސް އެވޯޑުގައި އެންމެ މޮޅު އަންހެން އެތުލީޓުގެ މަގާމު ދީމާ ހޯދި ދެވަނަ ފަހަރެވެ. މީގެ އިތުރުން ދީމާ ވަނީ އެންމެ މޮޅު ޒުވާން އެތުލީޓުގެ މަގާމު ވެސް ޖެހިޖެހިގެން ތިން ފަހަރަށް ހޯދާފައެވެ. ހަމައެއާއެކު އޭނާ ވަނީ އެންމެ މޮޅު އަންހެން ޓީޓީ ކުޅުންތެރިޔާގެ މަގާމު ވެސް ހާސިލްކޮށްފައެވެ.

މޯލްޑިވްސް ސްޕޯޓްސް އެވޯޑުގެ އެންމެ މޮޅު އަންހެން އެތުލީޓުންނަށް ދީމާ އާއި އެންމެ ކައިރިން ވާދަކުރީ ބެޑްމިންޓަން ދެ ތަރިން ކަމުގައިވާ ފާތިމަތު ނަބާހާ އާއި އާމިނަތު ނަބީހާއެވެ. އަދި ޝައްފާން އެންމެ މޮޅު ފިރިހެން އެތުލީޓަކަށް ހޮވުނީ، މިދިޔަ އަހަރު އެ މަގާމު ހޯދި ބޮޑީބިލްޑިން ޓީމުގެ އަޒްނީން ރަޝާދު އާއި ބެޑްމިންޓަން ކުޅުންތެރިޔާ، ނިބާލް އަހުމަދާ ވާދަކޮށެވެ.

މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަނުން، 'މޯލްޑިވްސް ސްޕޯޓްސް އެވޯޑްސް 2024' ގެ ނަމުގައި، ޒުވާނުންގެ މަރުކަޒުގައި ބޭއްވި ހަފްލާގައި އެންމެ މޮޅު އެތުލީޓުންގެ އެވޯޑު ހަވާލުކޮށްދެއްވާފައިވަނީ ރާއްޖޭގެ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒެވެ.

މޯލްޑިވްސް ސްޕޯޓްސް އެވޯޑުގެ އެހެނިހެން މަގާމުތައް:

އެންމެ މޮޅު އަންހެން ޓީޓީ ކުޅުންތެރިޔާ: ފާތިމަތު ދީމާ އަލީ

އެންމެ އުންމީދީ ފިރިހެން ޓީޓީ ކުޅުންތެރިޔާ: އަހްޔާރު އަހުމަދު ހާލިދު

އެންމެ މޮޅު ކުޅިވަރު އެސޯސިއޭޝަން: ހޭންޑްބޯލް މޯލްޑިވްސް

އެންމެ މޮޅު ފުޓްބޯޅަ ކުޅުންތެރިޔާ: އަހުމަދު ރިޒްވާން (ރިޒޭ)

އެންމެ މޮޅު އަންހެން ވޮލީ ކުޅުންތެރިޔާ: އައިޝަތު މާޖިދާ

އެންމެ މޮޅު ފިރިހެން ވޮލީބޯޅަ ކުޅުންތެރިޔާ: އާދަމް ނަސީމް (އެޑަމް)

ފެތުމުން އެއް ވަނަ އެތުލީޓުން: މުހައްމަދު ރިހާން ޝިހާމް އާއި މެރާލް އައިން ލަތީފް

އެންމެ މޮޅު ޓެނިސް ކުޅުންތެރިން: ނަބާ ނިޝާން އާއި އަބްދުﷲ ފާއިހް ފަޒީލް

އެންމެ މޮޅު ސާފަރުން: ހުސެއިން އަރީފް (އިބޫ) އާއި މަރިޔަމް ރާހިލް ނަސީމް (އާޔާ)

އެންމެ މޮޅު ޕޫލް ބިލިއާޑް ކުޅުންތެރިން: ހަސަން ޝާޒް މުހައްމަދާއި ދީނާ އަހުމަދު

އެންމެ މޮޅު ނެޓްބޯޅަ ކުޅުންތެރިޔާ: އައިޝަތު ސަލީމާ

އެންމެ މޮޅު ހޭންޑްބޯޅަ ކުޅުންތެރިން: މުހައްމަދު ޔަޝްމު އަހުމަދު އާއި ފާތިމަތު އަރުޝާ

އެންމެ މޮޅު ކްރިކެޓް ކުޅުންތެރިޔާ: އާދަމް ނާސިފް އުމަރު

އެންމެ މޮޅި ޗެސް ކުޅުންތެރިން: މުޖާހިދު ބިން ޔަޒީދު އާއި ނިހާޔާ އަހުމަދު

އެންމެ މޮޅު ކެރަމް ކުޅުންތެރިން: އައިމިނަތު ވިދާދު އާއި އިސްމާއިލް އަޒްމީން

އެންމެ މޮޅު ބޮޑީ ބިލްޑަރ: އަޒްނީން

އެންމެ މޮޅު ބޮޑީބޯޑަރުގެ އެވޯޑް: އަލީ ހުޝްރުވާން އަހުމަދު

އެންމެ މޮޅު ބާސްކެޓް ކުޅުންތެރިން: ފާތިމަތު ރިޝްމާ (ރިޝްޓޯ) އާއި އިސްމާއިލް ވިލްދާން ޔޫސުފް

އެންމެ މޮޅު ބެޑްމިންޓަން ކުޅުންތެރިން: ނިބާލް އާއި ނަބާހާ

އެތުލެޓިކްސް: ހަސަން ސާއިދު އާއި އަހްނާ ނިޒާރު

އެންމެ މޮޅު ކޯޗު (އެތުލެޓިކްސް): އަހުމަދު ފާއިލް

އެންމެ މޮޅު ކޯޗު (ހޭންޑްބޯޅަ): ނަޝްފާ އާމިރާ

އެންމެ މޮޅު ޓެކްނިކަލް އޮފިޝަލް: ފީފާ ރެފްރީ މުހައްމަދު ޖާވިޒް (ޖޭޑް)

އެންމެ މޮޅު އަންހެން ޓެކްނިކަލް އޮފިޝަލް: ވޮލީބޯލް އޮފިޝަލް، ހައްވާ އަބްދުލް މަޖީދު

އެންމެ މޮޅު ކުޅިވަރުގެ ވިޝުއަލް އާޓިސްޓް: އިމޭޖަސް.އެމްވީގެ އިސްމާއިލް ތޯރިގު (އިއްސެ)

އެންމެ މޮޅު ކުޅިވަރު ނޫސްވެރިޔާ: އައްޒާމް އަލިފުޅު