Advertisement

ސައުތު ލީގު ސްޕޮންސަރޝިޕް އެއްބަސްވުމުގައި އެފްއޭއެމް އާއި އެސްޓީއޯ އިން ސޮއިކޮށްފައިވަނީ އޮކްޓޯބަރ 18، 2022 ގައި

03 Sep 2024
ކުޅިވަރު
މިފްތާޙް މުޙައްމަދު

ސައުތު ލީގު ބޭއްވުމަށް އެސްޓީއޯއިން ސްޕޮންސަރ ހޯދުމަށްފަހު އެ މުބާރާތް ބާއްވާފައި ނުވާތީ، އެ ފައިސާ އަނބުރާ ދެއްކުމަށް އެފްއޭއެމްގެ މައްޗަށް ހުކުމްކޮށްފި

ފުޓުބޯޅަ އެސޯސިއޭޝަން އޮފް ދަ މޯލްޑިވްސް (އެފްއޭއެމް) އިން ދެކުނުގެ އަތޮޅުތަކަށް އަމާޒުކޮށް ސައުތު ލީގުގެ ނަމުގައި މުބާރާތެއް ބޭއްވުމަށް ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ސްޕޮންސާރގެ ގޮތުގައި 1.5 މިލިއަން ރުފިޔާ ހޯދުމަށްފަހު އެ މުބާރާތް ބާއްވާފައިނުވާތީ، އެ ފައިސާ އަނބުރާ އެސްޓީއޯއަށް ދެއްކުމަށް ސިވިލް ކޯޓުން އާދީއްތަ ދުވަހު އެފްއޭއެމްގެ މައްޗަށް ހުކުމްކޮށްފިއެވެ.

ސިވިލް ކޯޓުން ކުރި ހުކުމުގައި ހާމަކޮށްފައިވާ ގޮތުގައި، ސައުތު ލީގުގެ ސްޕޮންސަރ އެއްބަސްވުމުގައި އެސްޓީއޯ އާއި އެފްއޭއެމްއާއި ދެމެދު ސޮއިކޮށްފައި ވަނީ ނޮވެމްބަރ 16، 2022 ގައެވެ. ނަމަވެސް އެ އެއްބަސްވުމާ އެއްގޮތަށް އެފްއޭއެމްއިން އަމަލުކޮށްފައި ނުވާކަމަސް ވެސް އެ ހުކުމުގައި ވެއެވެ.

މީގެ އިތުރުން، މި މުބާރާތް ބޭއްވުމަށް އެސްޓީއޯއިން ސްޕޮންސަރ ގެ ގޮތުގައި އެފްއޭއެމްއަށް 1.5 މިލިއަން ރުފިޔާ ދީފައިވާކަން ސާބިތުވެފައިވާކަމަށް ވެސް ސިވިލް ކޯޓުގެ ހުކުމުގައި ވެއެވެ.

ސައުތު ލީގު ޑިސެމްބަރ 4، 2022 ގައި ފެށުމަށް ހަމަޖެހިފައިވާކަން ފާހަގަކޮށް، އެފްއޭއެމް އިން ސްޕޮންސަރޝިޕް ޕްރޮޕޯޒަލް އެސްޓީއޯއަށް ހުށަހަޅާފައިވަނީ ސެޕްޓެމްބަރ 1، 2022 ގައެވެ. އެއަށްފަހު ސްޕޮންސަރޝިޕް އެއްބަސްވުމުގައި ދެ ފަރާތުން ސޮއިކޮށްފައި ވަނީ އޮކްޓޯބަރ 18، 2022 ގައެވެ. އޭގެ ފަހުން ސައުތު ލީގުގެ ސްޕޮންސަރ ފައިސާ އެކި ދުވަސް މަތިން ވަނީ އެފްއޭއެމްއާއި ހަވާލު ކޮށްފައެވެ. އެގޮތުން ތިރީގައި އެވަނީ ފައިސާ ހަވާލުކުރި އަދަދާއި ދުވަސްތަކެވެ.

• އޮކްޓޫބަރު 23، 2022 - ދެފަރާތުގެ ދެމެދުގައި ވީ އެއްބަސްވުމުގެ ދަށުން އެސްޓީއޯއިން ދޭން އެއްބަސްވި 1.5 މިލިއަން ރުފިޔާގެ ފުރަތަމަ ޕޭމަންޓުގެ ގޮތުގައި 700،000ރ. ދިނުން

• ނޮވެމްބަރު 28، 2022 - އެސްޓީއޯއިން ދޭން އެއްބަސްވި 1.5 މިލިއަން ރުފިޔާގެ ދެވަނަ ޕޭމަންޓުގެ ގޮތުގައި 400،000ރ. ދިނުން

• ޑިސެމްބަރު 29، 2022 - އެސްޓީއޯއިން ދޭން އެއްބަސްވި 1.5 މިލިއަން ރުފިޔާގެ ތިންވަނަ ޕޭމަންޓުގެ ގޮތުގައި 400،000ރ. ދިނުން

ފައިސާ ހަވާލު ކުރުމަށްފަހު، އެފްއޭއެމުން މުބާރާތް ފަށާނެ ކަމަށް ބުނި ތާރީހުގައި މުބާރާތް ބާއްވާފައި ނުވާތީ ދެން މުބާރާތް ބޭއްވޭނެ ތާރީހެއް އަންގައި ދިނުމަށް އެދި އެސްޓީއޯއިން ވަނީ އޮކްޓޫބަރު 23، 2023 ގައި ލިޔުމުން އެދިފައެވެ. ނަމަވެސް އޭގެ ފަހުން ވެސް މުބާރާތް ބާއްވާފައި ނުވާތީ އެއްބަސްވުން ބާތިލުވި ކަމަށް ބުނެ އެސްޓީއޯއިން ވަނީ ޑިސެމްބަރު 6، 2023 ގައި ލިޔުމުން އެކަން އަންގާފައެވެ.

އެ ހުރިހާ ކަމަކަށް ރިއާޔަތްކޮށް ސިވިލް ކޯޓުން އަމުރު ކޮށްފައި ވަނީ، މިމަހުގެ 15 ވަނަ ދުވަހުގެ ކުރިން އެސްޓީއޯއިން އެފްއޭއެމަށް ދިން 1.5 މިލިއަން ރުފިޔާ އަނބުރާ ދެއްކުމަށެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.