Advertisement
ތިނަދޫ ދެކުނު ދާއިރާގެ އިންތިޚާބީ މެމްބަރު މުޙައްމަދު އަލްސަން އަޙްމަދު --
ތިނަދޫ ދެކުނު ދާއިރާއަށް އަމިއްލަ ގޮތުން އިންތިޚާބުވި މެމްބަރުވެސް ޕީއެންސީއަށް!
ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ އިންތިޚާބީ މެމްބަރު މުޙައްމަދު އަލްސަން އަޙްމަދު މިއަދު ޕީއެންސީއާ ގުޅިވަޑައިގެންފިއެވެ.
ޕީއެންސީއަށް ސޮއެކުރެއްވު މަށްފަހުގައި، މުލީ އާގޭގައި ބޭއްވި ރަސްމިއްޔާތުގައި އަލްސަން ވަނީ އޭނާގެ މެމްބަޝިޕްފޯމް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި ހަވާލުކުރައްވާފައެވެ. އަލްސަންއަކީ، 20 ވަނަ ރައްޔިތުންގެ މަޖިލީހަށް އިންތިޚާބުވި އެންމެ އުމުރުން ހަގު މެމްބަރެވެ.
އަމިއްލަ ގޮތުން ރައްޔިތުންގެ މަޖިލީހުގެ ކުރެންދޫ ދާއިރާއަށް އިންތިޚާބުވި މެމްބަރު ޝާމިން ޙަބީބުވެސް ވަނީ، މިހަފްތާގެ އާދިއްތަ ދުވަހު ޕީއެންސީއަށް ސޮއެކުރައްވާފައެވެ.
އަލްސަން ސޮއެކުރެއްވުމާއި އެކު ރައްޔިތުންގެ މަޖިލީހުގައި ޕީއެންސީގެ މެމްބަރުންގެ އަދަދު މިހާރު ވަނީ، 75އަށް އިތުރުވެފައެވެ. މިފަހަރުގެ ރައްޔިތުންގެ މަޖިލިސް ވެފައި ވަނީ، އެއްޕާޓީއަކަށް އެންމެބޮޑު ސުޕަރ މެޖޯރިޓީއެއް ލިބުނު މަޖިލީހެވެ. ރައްޔިތުންގެ މަޖިލީހުގައި ތިއްބަވަނީ ޖުމުލަ 93 މެމްބަރުންނެވެ.
