Advertisement
ޒީނާޒް އަދުނާން ---
ޕީއެންސީގެ ސެކްރެޓަރީ ޖެނެރަލްގެ މަޤާމަށް ޒީނާޒް ހަމަޖައްސައިފި
ސަރުކާރު ހިންގާ ޕާޓީ. ޕީޕަލްސް ނެޝަނަލް ކޮންގްރެސް (ޕީ.އެން.ސީ)ގެ ސެކްރެޓަރީ ޖެނެރަލްގެ މަޤާމަށް ޒީނާޒް އަދުނާން ހަމަޖައްސައިފިއެވެ.
ޒީނާޒް އެމަޤާމަށް ހަމަޖައްސާފައިވާކަން އެޕާޓީން ހާމަކޮށްފައި ވަނީ ހުކުރު ދުވަހުގެ ރޭގައެވެ.
ޒީނާޒަކީ، ސިޔާސީ ދާއިރާ އާއި އިޖުތިމާއީ ޚިދުމަތުގެ ދާއިރާގައިވެސް މަސައްކަތް ކުރައްވާ ބޭކަނބަލެކެވެ. ކުރީގެ ރައީސް ޢަބުދުﷲ ޔާމީން ޢަބުދުލްޤައްޔޫމްގެ ވެރިކަމުގައި، އޭރު ސަރުކާރު ހިންގާ ޕާޓީގެ ގޮތުގައި އޮތް ޕީޕީއެމްގެ އިސް މަޤާމުތައްވެސް ޒީނާޒް ފުރުއްވާފައިވެއެވެ. މީގެ އިތުރުން ކުޑަކުދިންގެ ހިޔާގެ ސީއީއޯގެ މަޤާމުވެސް އޭނާ ފުރުއްވާފައިވެއެވެ.
ޕީއެންސީގެ ސެކްރެޓަރީ ޖެނެރަލްގެ މަޤާމަށް ޒީނާޒް ހަމަޖެއްސެވުމާއި ގުޅޭ ގޮތުން އެޕާޓީން އިތުރު މައުލޫމާތެއް ހާމަކޮށްފައެއް ނުވެއެވެ.
