ކުރިއަށްއޮތް ރައްޔިތުންގެ މަޖިލިސް އިންތިޚާބުގައި ޕީޕީއެމް/ޕީއެންސީގެ ޓިކެޓުގައި ވާދަކުރައްވާ ކެންޑިޑޭޓުން ހޮވުމަށް ބާއްވާ ޕްރައިމަރީގެ ވޯޓުލުން ފަށައިފިއެވެ. މި އިންތިޚާބުގެ ވޯޓުލުން ކުރިއަށްދާނީ ހެނދުނު 10:00 އަކުން ހަވީރު 5:00 އާ ހަމައަށެވެ.

ޕީއެންސީގެ މަޖިލިސް ޕްރައިމަރީގައި ވާދަކުރަން ބޭނުންވެ ފޯމް ހުށައެޅި ބައެއް ކެންޑިޑޭޓުންގެ ކެންޑިޑެންސީ ބަލައި ނުގަތުމަށް ނިންމައި، އެކެނޑިޑޭޓުންނަށް، ޕީއެންސީގެ ޗެއާ ޕާސަން ޢަބުދުއްރަހީމް ޢަބުދުﷲ ސޮއިކުރައްވައި މިއަދު ވަނީ ސިޓީ ފޮނުވަން ފައްޓަވާފައެވެ. އެހެން ނަމަވެސް ކެންޑިޑެންސީ ބަލައި ނުގަތުމަށް ނިންމީ ކިތައް މެމްބަރުންގެ ކަމެއް އެޕާޓީން ހާމަކޮށްފައެއް ނުވެއެވެ. ކެންޑިޑެންސީ ބަލައި ނުގަންނަ ކަމުގެ ސިޓީ ލިބުނު ބައެއް މީހުން ވަނީ އާދިއްތަ ދުވަހުގެރޭ، ޕީއެންސީގެ އޮފީހަށް ވަދެ ނުރުހުން ފާޅުކޮށްފައެވެ.

ޕީއެންސީން ބުނީ 2024 ވަނަ އަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގައި ޕްރޮގްރެސިވް ކޮންގްރެސް ކޯލިޝަންގެ ފަރާތުން ވާދަކުރާ ކެންޑިޑޭޓުން ކަނޑައެޅުމަށް ބާއްވާ ޕްރޮގްރެސިވް ކޮންގްރެސް ކޯލިޝަންގެ ޕްރައިމަރީ 2024 ޖަނަވަރީ 27 ވާ ހޮނިހިރު ދުވަހަށް ވަނީ ފަސްކޮށްފައިވާ ކަމަށެވެ.

އާޒިމާ ވިދާޅުވީ، މާލޭގައި މިހާރު ހުރި މައްސަލަތައް ހައްލު ކުރުމަށް ތިން ލެވެލްއެއްގައި އޮތީ މަސައްކަތްތައް ކުރަން ޖެހިފައި ކަމަށެވެ. މިގޮތުން ކަންކަން ތަންފީޒު ކުރުމަކީ އެންމެ އިސްކަންދޭންޖެހޭ ކަންތައްތައް ކަމަށާއި މިގޮތުން މަގު ހިނގާ މީހުންނާއި މަގުމަތި ބޭނުންކުރާ މީހުންނަށް ރައްކާތެރިކަމާއި ސަލާމަތްތެރިކަން ހޯދައިދޭން ޖެހޭކަމުގައި އާޒިމާ ވިދާޅުވިއެވެ.

އިނގުރައިދޫ ދާއިރާ ގެމެމްބަރު، ޙަސަން އަޙްމަދު (ހަސަންޓޭ) ޕީއެންސީއަށް ސޮއެ މިކުރެއްވީ، އެމްޑީޕީގެ އިތުރު މަޖިލިސް މެމްބަރުންތަކެއް ޕީއެންސީއާ ގުޅޭނެ ކަމަށް ރައީސް ޑރ. މުޢިއްޒު ވިދާޅުވެފައި ވަނިކޮށެވެ.

މާޅޭ ސިޓީގެ މޭޔަރުގެ ކަމުގެ މަޤާމަށް ޕީއެންސީގެ ޓިކެޓްގައި ވާދަކުރައްވާ، ކުރީގެ ބަންޑާރަ ނައިބު އަލްއުސްތާޛާ އާއިޝަތު އާޒިމާ ޝަކޫރާއި ދެކޮޅަށް، މޯލްޑިވުސް އިސްލާމިކް ބޭންކުން ކޮށްފައިވާ ދައުވާގެ ޝަރީއަތް ނިންމައި، އާޒިމާ އެބޭންކަށް 4.1 މިލިއަން ރުފިޔާ ދައްކަން ޖެހޭކަމަށް ކަނޑައަޅައި، އެފައި ހަމަސް ދުވަހުގެ ތެރޭގައި ދައްކައި ޚަލާސްކުރުމަށް ސިވިލްކޯޓުން އާޒިމާގެ މައްޗަށް ހުކުމްކޮށްފިއެވެ.

ރައްޔިތުންގެ މަޖިލީހުގެ މެމްބަރުން އެއްޕާޓީން އަނެއްޕާޓީއަށް ބަދަލުވުމަކީ، ދިވެހިރާއްޖޭގެ ބަރުލަމާނީ ޙަޔާތުގައި އައު ކަމެއް ނޫނެވެ. އެންމެ ފުރަތަމަ، ރައްޔިތުންގެ މަޖިލީހުގެ މެމްބަރަކު އެހެން ޕާޓީއެއްގައި ހުއްޓައި ގެނައީވެސް އެމްޑީޕީއަށެވެ. ރައީސް މައުމޫނަށް ރިޔާސީ އިންތިޚާބު ނާކާމިޔާބުވުމަށް ފަހުގައި، އޭރު މަޖިލީހުގެ މެޖޯރިޓީ ޕާޓީގެ ގޮތުގައި އޮތް، ޑީއާރްޕީގެ ރައްޔިތުންގެ މަޖިލީހުގެ ތޮއްޑޫ ދާއިރާގެ މެމްބަރު ޢަލީ ވަހީދު އެމްޑީޕީއަށް ސޮއެކުރެއްވުމަކީ، މެމްބަރުން އިންތިޚާބުވި ޕާޓީފިޔަވައި އެހެންޕާޓީތަކަށް ބަދަލުވުމުގެ ފެށުމެވެ.

ދަ ޑިމޮކްރެޓްސް ރަޖިސްޓްރީވެ އަދި މެމްބަރުން ޕާޓީއަށް ސޮއެކުރެއްވުމާއި އެކު، ރައްޔިތުންގެ މަޖިލީހުގެ މައިނޯރިޓީޕާޓީގެ މަޤާމު ދަ ޑިމޮކްރެޓްސްއަށް ލިބި، މައިނޯރިޓީ ލީޑަރުގެ މަޤާމު ލިބިވަޑައިގަތީ، ކުރީގެ ރައީސް އިބްރާހީމް މުޙައްމަދު ޞާލިހަށާއި، އެމްޑީޕީއަށް އެންމެބޮޑަށް ފާޑު ވިދާޅުވަމުން ގެންދެވި، ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު ޢަލީ އާޒިމަށެވެ.

އެކަމާއި ގުޅިގެން އެމްޑީޕީގެ ޗެއާ ޕާސަން ފައްޔާޒު އިސްމާޢީލް އެކްސްގައި ލިޔުއްވި ޕޯސްޓްގައި ވިދާޅުވީ، މިރޭ އެމްޑީޕީއާ ވަކިވެ ދިޔަ މަޖްލިސް މެމްބަރުން ޕާޓީގައި ކޮށްދެއްވި މަސައްކަތަށް ޝުކުރު ދަންނަވާ ކަމަށެވެ. އަދި މިދަނޑިވަޅު ރާއްޖޭގައި ހުދުމުހުތާރުކަން އާލާވިޔަ ނުދިނުމަށް ކުރަންޖެހޭ މަސައްކަތައިގެން މާތް الله ގެ ވާގިފުޅާއެކު އެމްޑީޕީ ދާނީކުރިއަށް ކަމުގައިވެސް ފައްޔާޒު ވިދާޅުވިއެވެ.

ޝަރީފް ވިދާޅުވީ، ރައްޔިތުންގެ ވަރަށް ތަނަވަސް އަޣުލަބިއްޔަތަކުން ވެރިކަމަށް ގެނައި، ބޭފުޅަކު މަޤާމުން ވަކިކުރަން އުޅޭ ގޮތަކީ އޭނާއަށް ޤަބޫކު ކުރެއްވޭ ގޮތެއް ނޫން ކަމަށާއި، އަދި އެކަންކަމުގެ ސަބަބުން ގައުމު ހަލަބޮލިވެގެން ހިނގައިދާނެކަން އޭނާ ފާހަގަކުރެއްވިއެވެ.

ޕީއެންސީއަށް ގުޅިވަަޑައިގެންނެވި، އެމްޑީޕީގެ މެމްބަރުންނަށް ތަޢުރީފްކުރައްވައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވީ، އެބޭފުޅުން އެ ޚިޔާރު ކުރެއްވީ ޤައުމުކަމަށާއި އެކަމަށް ފަށްފަށުން ޝުކުރުދަންނަވާ ކަމަށެވެ. އަދި މަޖިލީހުގެ އިތުރު މެމްބަރުން ޤައުމީ ސަފަށް ވަޑައިގަންނަވާނެކަމަށް އުއްމީދުކުރައްވާކަމުގައިވެސް އެމަނިކުފާނު ވިދާޅުވިއެވެ.

އަބްދުއްރަހީމް ވިދާޅުވީ، ފެހި ޤާނޫނު އަސާސީގެ ދަށުން އުފެދިގެން އައި ކޮންމެ ވެރިކަމެއްގައިވެސް އޭރު އޮތް ރައްޔިތުންގެ މަޖިލީހުން ރުހުން ދިން ކަމަށެވެ. އަދި މިސަރުކާރުގެ ވަޒީރުންނަށް ރުހުން ދިނުން އެމްޑީޕީގެ މެޖޯރިޓީ އޮތް މަޖިލީހުން ފަސްކުރަމުން ދަނީ ކަންކަން ހަޖަމު ނުވެގެން ކަމުގައިވެސް އަބުދުއްރަހީމް ވިދާޅުވިއެވެ. މީގެ އިތުރުން އަބުދުއްރަހީމް ވިދާޅުވީ، ރުހުން ދެންޏާ ދޭންވީ ކަމަށާއި، ރުހުން ނުދިނަސް އެންމެ ރަނގަޅުކަމަށާއި އަދި އެވަރަކުން ރުހުން ހޯއްދަވަން ނުވެސް އުޅުއްވާ ކަމަށެވެ.

މި މެމްބަރުންގެ ތެރެއިން ބައެއް މެމްބަރުން މިރޭގެ ޖަލްސާގައި ބައިވެރިވަޑައި ނުގަންނަވައެވެ. މިރޭގެ ޖަލްސާގައި ޕީޕީއެމްއަށް ސޮއެކުރެއްވި މެމްބަރުން ވަނީ އެމެމްބަރުންގެ މެމްބަރޝިޕް ފޯމް ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި ހަވާލުކޮށްފައެވެ.

މިހާރު ދަރުބާރުގޭގައި ކުރިޔަށްދާ، ޕީޕީއެމް ޕީއެންސީ ޖަލްސާގައި ވާހަކަފުޅު ދައްކަވަމުން، އެޕާޓީގެ ޗެއާ ޕާސަން އަދި ސްޕެޝަލް އެޑްވައިޒަރ ޓު ދަ ޕްރެޒިޑެންޓް، ޢަބްދުއްރަޙީމް ޢަބްދުﷲ ވިދާޅުވީ، 1 އޮކްޓޫބަރުގައި ޕީޕީއެމް ޕީއެންސީއަށް، ރިޔާސީ އިންތިޚާބު ކާމިޔާބު ކުރެވުނު އިރު، ޕީއެންސީގެ މެމްބަރުންގެ ގޮތުގައި ތިބީ، 3022 މީހުންކަމަށެވެ. އެހެންނަމަވެސް މިރެއާ ހަމައަށް އައިރު، ޕީއެންސީގެ ދަފްތަރުގައި ރަޖިސްޓްރީވެފައިވާ މީހުންގެ އަދަދު 40،000 ވުރެ ގިނަ ކަމަށެ

އެޕާޓީން ހާމަކޮށްފައިވާ މިރޭ ބާއްވާ އެޚާއްޞަ ޖަލްސާގައި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ބައިވެރިވެވަޑައިގަންނަވާނެއެވެ. މިޖަލްސާ އޮންނާނީ މިރޭގެ، 8:15 ގައި ދަރުބާރުގޭގެ ރަންނަ ބަނޑޭރިި މާލަމުގައިއެވެ.

ޕްރޮގްރެސިވް ކޮންގްރެސް ކޯލިޝަންގެ މަޖިލިސް ޕްރައިމަރީ ފަސްކޮށްފިއެވެ. ކޯލިޝަނުން ނެރުނު ޢިއުލާނެއްގައި ބުނީ، ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި އެކޯލިޝަންގެ ފަރާތުން ވާދަކުރާ ފަރާތްތައް ކަނޑައެޅުމަށް ބާއްވާ ޕްރައިމަރީގެ ތާރީޚު ފަސްކުރުމަށް ނިންމީ ކުރިން ހަމަޖައްސާފައިވާ ތާރީޚަކީ ސްކޫލް ބަންދު ދުވަސްވަރެއްކަމުގައިވެފައި ގިނަ ޢަދަދެއްގެ ރައްޔިތުން އެކި ސަބަބުތަކަށްޓަކައި ޤައުމުން ބޭރަށް ދަތުރުކުރާނެތީކަމަށެވެ.