އެމްޑީޕީދޫކޮށް، ޕީއެންސީއަށް ގުޅިވަޑައިގެންނެވި ރައްޔިތުންގެ މަޖިލީހުގެ މެމްބަރުންނަށް، އެމްޑީޕީގެ ޗެއާ ޕާރސަން ފައްޔާޒް އިސްމާޢީލް ޝުކުރު އަދާކުރައްވައިފިއެވެ.

މިރޭ އެމްޑީޕީގެ 13 މެމްބަރަކު، ޕީއެންސީއަށް ސޮއެކުރައްވައި، އެބޭފުޅުންގެ މެމްބަރޝިޕް ފޯމްތައް ވަނީ ރައިސުލްޖުމްހޫރިއްޔާ ޑރ.މުޙައްމަދު މުޢިއްޒާއި ހަވާލުކުރައްވާފައެވެ.

އެކަމާއި ގުޅިގެން އެމްޑީޕީގެ ޗެއާ ޕާސަން ފައްޔާޒު އިސްމާޢީލް އެކްސްގައި ލިޔުއްވި ޕޯސްޓްގައި ވިދާޅުވީ، މިރޭ އެމްޑީޕީއާ ވަކިވެ ދިޔަ މަޖްލިސް މެމްބަރުން ޕާޓީގައި ކޮށްދެއްވި މަސައްކަތަށް ޝުކުރު ދަންނަވާ ކަމަށެވެ. އަދި މިދަނޑިވަޅު ރާއްޖޭގައި ހުދުމުހުތާރުކަން އާލާވިޔަ ނުދިނުމަށް ކުރަންޖެހޭ މަސައްކަތައިގެން މާތް الله ގެ ވާގިފުޅާއެކު އެމްޑީޕީ ދާނީކުރިއަށް ކަމުގައިވެސް ފައްޔާޒު ވިދާޅުވިއެވެ.

އެމްޑީޕީ ދޫކުރައްވައި ޕީއެންސީއަށް ސޮއެކުރެއްވި، އެމްޑީޕީގެ މެމްބަރުންނަކީ؛

- ރައްޔިތުންގެ މަޖިލީހުގެ މަރަދޫ ދައިރާގެ އިބްރާހިމް ޝަރީފް

2- ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު

3- ރައްޔިތުންގެ މަޖިލީހުގެ މައްޗަންގޮޅި އުތުރު ދާއިރާގެ މެމްބަރު އަހުމަދު ހައިތަމް

4- ރައްޔިތުންގެ މަޖިލީހުގެ އިސްދޫ ދާއިރާގެ މެމްބަރު އަލީ ހަމީދު

5- ރައްޔިތުންގެ މަޖިލީހުގެ ކަނޑިތީމު ދާއިރާގެ މެމްބަރު ޢަބްދުﷲ ޝަހީމް އަބްދުލްހަކީމް

6- ރައްޔިތުންގެ މަޖިލީހުގެ ކުރެންދޫ ދާއިރާގެ މެމްބަރު ޢަބްދުލްޣަނީ އަބްދުލްހަކީމް

7- ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހަސަން ޒަރީރު

8- ރައްޔިތުންގެ މަޖިލީހުގެ  މުލަކު ދާއިރާގެ މެމްބަރު އިބްރާހިމް ނަސީރު

9- ރައްޔިތުންގެ މަޖިލީހުގެ ނިލަންދޫ ދާއިރާގެ މެމްބަރު އަބްދުލްމުހްސިން ހަމީދު

10- ރައްޔިތުންގެ މަޖިލީހުގެ މާފަންނު ދެކުނު މެމްބަރު ދާއިރާގެ އާދަމް އަލީ

11- ރައްޔިތުންގެ މަޖިލީހުގެ ކޮމަންޑޫ ދާއިރާގެ މެމްބަރު މުހައްމަދު ރާޝިދު

12- ރައްޔިތުންގެ މަޖިލީހުގެ ތޮއްޑޫ ދާއިރާގެ މެމްބަރު ހަސަން ޝިޔާން

13- ރައްޔިތުންގެ މަޖިލީހުގެ ގުރައިދޫ ދާއިރާގެ މެމްބަރު އިބްރާހިމް ޝާޒް؛ އެވެ.

ރައްޔިތުންގެ މަޖިލީހުގައި އެމްޑީޕީ ތަމްސީލް ކުރައްވަމުން ގެންދެވި މެމްބަރުންގެ ތެރެއިން، 26 މެމްބަރަކު ވަނީ އެޕާޓީ ދޫކޮށްލައި އެހެންޕާޓީތަކާއި ގުޅިފައެވެ. އެހެންކަމުން މިހާރު ރައްޔިތުންގެ މަޖިލީހުގައި ތިބި އެމްޑީޕީގެ މެމްބަރުންގެ އަދަދަކީ، 43 އެވެ.