Noon - އެމް. ޑީ. ޕީ

އެމް. ޑީ. ޕީ

04 May 2024

ނޫސްވެރިކަމުގެ މިނިވަން ކަމުގެ ދުވަހު އެމްޑީޕީން ފާޅުކުރީ ނޫސްވެރިކަމަށް ހުރި ކަންބޮޑުވުންތައް!

އެމްޑީޕީގެ ބަޔާނުގައި ވަނީ، ސަރުކާރުން ނޫސްވެރިކަމުގެ މިނިވަންކަމަށް ހުރަސް އަޅަމުންދާ ކަމަށް ތުހުމަތުތައް ކޮށްފައެވެ. މިގޮތުން މިސަރުކާރުގައި، ސަރުކާރަށް ފާޑުކިޔާ ދެ ނޫހެއް ބްލޮކް ކޮށް ހިޔާލު ފާޅުކުރުމަށް ވަނީ ހުރަސް އެޅުމާއި، ފާއިތުވި ހަ މަސް ދުވަހުގެ ތެރޭގައި ސަރުކާރުން ރާވައި އިންތިޒާމުވެގެން, ރަސްމީ އިދާރާތަައް މެދުވެރިކޮށް, ކަންކަމުގެ ހަގީގަތް ކަނޑައެޅިގެން އޮޅުވާލުމަށް ވަނީ މަސައްކަތްކޮށްފައި ކަމާއި، ނޫސްވެރިންގެ މަސައްކަތްތަކަށް ހުރަސް އެޅުމަށް ނޫސްވެރިންނަށް ރައީސް އޮފީހަށް ފޯނު ނުވެއްދޭ ގޮތަށް އެ އޮފީހުގެ އުސޫލުތައް ކުއްލި ގޮތަކަށް ބަދަލުކުރިކަމަށް ބުނެފައިވެއެވެ.

ބޮޑު ދެ އިންތިޚާބުން ބަލިވި ސަބަބު ދެނެގަތުމަށް އެމްޑީޕީން ދިރާސާއެއް ކުރަނީ

މަސައްކަތްތެރިންގެ ހައްގުތައް ކަށަވަރުކޮށްދިނުމަށް އެމްޑީޕީން ސަރުކާރަށް ގޮވާލައިފި

މަސައްކަތްތެރިންގެ ޙައްޤުތަކަށް މަސައްކަތް ކުރުމުގައި އެމްޑީޕީ ދެމި އޮންނާނެ: ރައީސް ޞާލިޙް

ބަލި ޤަބޫލުކޮށް އެމްޑީޕީން ޕީއެންސީއަށް މަރުޙަބާ ކިޔައިފި

އެމް. ޑީ. ޕީ

އިންތިހާބެއްގައި އަލަށް ހިންނަވަރުން އެމްޑީޕީއަށް މެޖޯރިޓީ ގެއްލިއްޖެ

ވަގުތީ ނަތީޖާތައް ދައްކާ ގޮތުން، ވިހި ވަނަ ރައްޔިތުންގެ މަޖިލީހުގެ މެންބަރުން އިންތިހާބު ކުރުމަށް މިއަދު ބޭއްވި އިންތިހާބުގައި ހިންނަވަރު ދާއިރާގެ ގޮނޑި ކާމިޔާބު ކުރައްވާފައިވަނީ، ޕީއެންސީގެ ކެނޑިޑޭޓު މުޙައްމަދު އަބްދުއްރަޙްމާނެވެ. އެމްޑީޕީގެ ޓިކެޓުގައި މި ދާއިރާގައި ވާދަކުރައްވާފައިވަނީ، މިހާރު ވެސް އެ ދާއިރާގެ މެންބަރު، ޖީހާން މަޙްމޫދެވެ.

އެމްޑީޕީގެ މަޖިލިސް އިންތިޚާބު ކެމްޕެއިންގެ މަގުމަތީ ހަރަކާތްތައް ނިންމާލައިފި

މަގުމަތީގެ ހަރަކާތްތައް ނިންމާލުމުގެ ގޮތުން މިއަދު ހަވީރު އެޕާޓީން ވަނީ މަގުމަތީގެ ރެލީއެއް ބާއްވާފައެވެ. މާފަންނު ސޯޝަލް ސެންޓަރުން ފަށައިގެން ހެންވޭރު އާޓިފިޝަލް ބީޗަށް ކުރިޔަށް ގެންދިޔަ މިރެލީގައި ކުރީގެ ރައީސް އިބްރާހީމް މުޙައްމަދު ޞާލިޙާއި އެމްޑީޕީގެ ރައީސް އަބްދުﷲ ޝާހިދާއި އެމްޑީޕީގެ ޗެއާޕަރސަން ފައްޔާޒް އިސްމާޢީލާއި، އެކި ދާއިރާތަކަށް އެމްޑީޕީގެ ޓިކެޓްގައި ވާދަކުރައްވާ ކެނޑިޑޭޓުންނާއި އާއްމުން ބައިވެރިވިއެވެ.

އެމްޑީޕީގެ މަޖިލިސް ކެމްޕޭން ނިންމާ ޕެރެޑް މިއަދު ހަވީރު

އެމްޑީޕީން ހާމަކޮށްފައިވާ ގޮތުގައި މިސްރާބު ހަމަމަގަށް ކެމްޕޭން ނިންމުމުގެ ގޮތުން ބާއްވާ މިޕެރޭޑް ފަށާނީ، މިއަދު ހަވީރު 4:00ގައި ސޯޝަލް ސެންޓަރު ކުރިމަތިންނެވެ.

ބިރުދެއްކުމާއި އޮޅުވާލުމަކީ، މިސަރުކާރުގެ ސިޔާސަތު ކަމުގައި ރައީސް ޞާލިޙް ވިދާޅުވެއްޖެ

މިގޮތުން ޕީއެންސީގެ މެމްބަރަކު ކުންފުނިތަކުގެ މުވައްޒަފުންނަށް ވަޒީފާގެ ބިރު ދެއްކުމަށް ގޮވައިލި ގޮވާލުމާއި، ދިއްދޫގައި ޕީއެންސީގެ މެމްބަރުންގެ ގެތަކަށް އެކަނި ކަރަންޓް ދިނުމަށް އެޕާޓީގެ މެމްބަރުން ގޮވައިލި ގޮވާލެއްވުންތައް އެމަނިކުފާނު ފާހަގަކުރެއްވިއެވެ.

ޓީޖީއެސްޓީއިން ބައެއް ކައުންސިލްތަކަށް ދޭން ރައީސް ޑރ މުއިއްޒު ވަޢުދުވި އިރު އެއީ މިހާރުވެސް ކުރަމުން އަންނަ ކަމެއް: ރައީސް ޞާލިޙް

ރައީސް ޞާލިޙް ވިދާޅުވީ، އެމްޑީޕީ ސަރުކާރުން ކަނޑައަޅައި ތަންފީޒް ކުރަންފެށި ސިޔާސަތަކީ، ދައުލަތުގެ މުޅި ބަޖެޓުގެ އެއް ޕަސެންޓް ކައުންސިލްތަކަށް ދިނުން ކަމަށެވެ. އޭގެ އިތުރަށް ރަށްރަށުން ބިމު ކުލީގެ ގޮތުގައި ލިބޭ ފައިސާގެ %40 ކައުންސިލްތަަކަށް ދިނުމަށް ނިންމައި އަމަލުކުރަމުން ގޮސްފައިވާ ކަމަށެވެ. އަދި ދައުލަތުގެ ޖުމުލަ އާމްދަނީގެ ތެރޭގައި ހުރިހާ ޓެކްސްއެއްވެސް ހިމެނޭނެ ކަމުގައި ރައީސް ޞާލިޙް ވިދާޅުވިއެވެ.

ވަޒީފާގެ ބިރުދައްކައި އިންތިޚާބަށް ނުފޫޒު ފޯރުވަމުންދާތީ، އެކަން އެމްޑީޕީން ކުއްވެރިކޮށްފި

އެމްޑީޕީން ނެރުނު ބަޔާނުގައި ބުނީ، ކުރިއަށް އޮތް 20 ވަނަ ރައްޔިތުންގެ މަޖިލީހުގެ އިންތިހާބުގައި ސަރުކާރު ހިންގާ ޕާޓީ ޕީޕީއެމް/ޕީއެންސީން ދަނީ ވަރަށް ފާޅުކަން ބޮޑުކޮށް ފުޅާދާއިރާއެއްގަ ސަރުކާރު މުވައްޒަފުން އެމީހުން ޕީއެންސީގެ ކެންޑިޑޭޓުންނަށް ވޯޓު ނުދޭނަމަ އެ މުވައްޒަފުންނަށް ވަޒީފާގެ ބިރުދައްކާ އަދި ސަރުކާރުގެ ކުންފުނިތަކަށް އޮފީސްތަކަށް މުވައްޒަފުން ނެގުންވެސް ޕީއެންސީގެ ކެންޑިޑޭޓުންނަށް ދޫކޮށްލުމަށް ގޮވާލަމުންދާ ކަމަށެވެ.

ރާއްޖޭގެ މާލީ ހާލަތާއި ގުޅޭ ގޮތުން މި ސަރުކާރުން ހަދަނީ ބުހުތާނު ދޮގު: ރައީސް ޞޯލިހް

ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، ކޯވިޑް-19ގެ ދަތިހާލަތު ނިމިގެން ދިޔައިރު، ރައީސް ޔާމީނުގެ ސަރުކާރުގައި ނަގާފައިވާ ލޯނަށް 2022 ވަނަ އަހަރު 250 މިލިއަން ޑޮލަރު ދައްކަން ޖެހިފައި އޮތް ކަމަށެވެ.

ރައީސް ޔާމީނުގެ ޝަރީއަތް ހުއްޓިފައި އޮތީ، ސަރުކާރުގެ ނުފޫޒުންކަމުގައި ތުހުމަތުކޮށްފި

އަސްލަމް ވިދާޅުވީ، ރައީސް ޔާމީނުގެ ޝަރީޢަތުގެ ހުރިހާ އަޑުއެހުންތަކެއް ޑިސެމްބަރު މަހުގައި ނިމި މިހާރު އޮތީ ހުކުމް ކުރުމުގެ މަރުޙަލާގައި ކަމަށެވެ. އެހެން ނަމަވެސް އޭގެ ފަހުން ހަތަރު މަސްދުވަސް ވެގެން ދާއިރު، އަދިވެސް އެމައްސަލައިގެ ޙުކުމް ނުކުރާކަން އަސްލަމް ފާހަގަކުރެއްވިއެވެ.

އެމްޑީޕީއާއެކު އިސްލާޙީ މަސައްކަތުގެ އެންމެ ކުރީ ސަފުގައި މަސައްކަތް ކުރެއްވި ހޯރަ އިއްބެ ނިޔާވެއްޖެ

އާއިލާ އާއި ރައްޓެހިންގެ ފަރާތުން މައުލޫމާތު ލިބުނު ގޮތުހޯރަ އިއްބެ ނިޔާވީ މިއަދު ހާޓްއެޓޭކެއް ޖެހި އިންދިރާގާނދީ މެމޯރިއަލް ހޮސްޕިޓަލްގައި ފަރުވާދެމުން އަންނަނިކޮށް މިއަދު މެންދުރުކުރީގައެވެ.

މިސަރުކާރުން ލާމަރުކަޒީ ނިޒާމް ފުނޑު ފުނޑުކޮށްލާނެ ކަމުގެ ކުލަ ވަރަށް ސާފުކޮށް އެބަފެނޭ- ފައްޔާޒް

އެމްޑީޕީގެ މަޖިލިސް ކެމްޕޭނުގެ ތެރެއިން، ރޭ ފޭދޫގައި ބޭއްވި ހަރުގެ ޖަލްސާގައި ވާހަކަފުޅު ދައްކަވަމުން ފައްޔާޒު ވިދާޅުވީ، މިސަރުކާރުން ވަނީ އެޓޯލް މިނިސްޓްރީ އެއް އުފައްދާފައި ކަމަށާއި، އަދި އެމިނިސްޓްރީ އުފައްދަވައި މާގިނަ ދުވަސްތަކެއް ނުވެ އެމިނިސްޓްރީގެ ދަށަށް ޔޫތު ސެންޓަރުތައް ގެންދަން ފަށާފައިވާ ކަމަށެވެ.

އެމް. ޑީ. ޕީ

ފެންނަނީ މިފަހަރުވެސް އައްޑޫ ސިޓީން އެމްޑީޕީއަށް އާނބަސް ބުނާތަން: ރައީސް ޞާލިޙް

ރައީސް ޞާލިޙް ވިދާޅުވީ، އެމްޑީޕީ އާއެކު އައްޑޫ ސިޓީގެ ރައްޔިތުން ނުވާންވީ ސަބަބެއް ނެތް ކަަމަށެވެ. އެމަނިކުފާނު ވިދާޅުުވީ، އައްޑޫ ސިޓީގެ ރައްޔިތުންވެސް ޤަބޫލުކުރާ ފަދައިން މިހާތަނަށް، އައްޑޫ ސިޓީގެ ތަރައްޤީއަށްޓަކައި، ރައްޔިތުން އިންތިޚާބު ކުރި ސަރުކާރަކުން، މިހާތަނަށް ކޮށްފައި ނުވާވަރުގެ މަސައްކަތްތަކެއް އެމްޑީޕީން ވެރިކަމަށް އަންނަ ކޮންމެ ފަހަރަކު ކުރެވިފައިވާ ކަމަށެވެ.

ޣިޔާޘުއްދީންގައި ހިނގިކަންކަން އެނގިވަޑައި ނުގަންނަވާ ކަމުގައި ވިދާޅުވުމަކީ، ނާޤާބިލްކަން: ފައްޔާޒު

ފައްޔާޒު ވިދާޅުވީ ރައީސުލްޖުމްހޫރިއްޔާގެ ވާހަކަފުޅުން ދޭހަ ވަނީ ރައްޔިތުންނަކީ އެއްވެސް ބަައެއް ނޫންކަމަށް އެމަނިކުފާނު ދެކެވަޑައިގަންނަވާ ކަން ކަމަށެވެ. އަދި މިފެންނަނީ ރައްޔިތުންނަކީ އެއްވެސް ބައެއް ކަމަށް ނުބަލައި ތިމާމެންގެ ވެރިކަމުގެ ބާރުގަދަ ކުރުމަށް ރައީސުލްޖުމްހޫރިއްޔާ މަސައްކައްކުރައްވާ މަންޒަރުކަމުގައިވެސް ފައްޔާޒު ވިދާޅުވިއެވެ.

ޕީއެންއެފް ޖަލްސާއަށް ސަރުކާރުން ހުރަސްއެޅުމުން އެމްޑީޕީން ކަންބޮޑުވުން ފާޅުކޮށްފި

އެކަމާއި ގުޅޭ ގޮތުން އެމްޑީޕީން އާއްމުކޮށްފައިވާ ބަޔާނުގައި ބުނެފައި ވަނީ، ޕީއެންއެފް އުފެއްދުމުގެ ޖަލްސާ ބޭއްވުމަށް އިލެކްޝަންސް ކޮމިޝަނުން ހުއްދަ ދީފައިވާއިރު އެ ޖަލްސާ ބާއްވަން އޮތް ތަނަށް ފުލުހުން ފޮނުވައި ޕެޕާ ސްޕްރޭ ޖަހައި ސުލްހަވެރި ސިޔާސީ ހަރަކާތެއް ހުއްޓުވުމަކީ އެޕާޓީން އެކަމާއި މެދު ކަންބޮޑުވާ ކަމެއް ކަމަށެވެ.

ޤަވާއިދު ބަދަލުކޮށްގެން ހިމާޔަތްކޮށްފައިވާ ސަރަހައްދުތަކުން ވެލި ނަގާތީ އެމްޑީޕީން ކަންބޮޑުވުންފާޅުކޮށްފި

އެމްޑީޕީގެ ފަރާތުން ބާއްވަމުން އަންނަ ސިލްސިލާ ނޫސްވެރިންގެ ބައްދަލުވުންތަކުގެ ތެރެއިން، ހޯމަ ދުވަހު ބޭއްވި ނޫސްވެރިންގެ ބައްދަލުވުމުގައި، އެމްޑީޕީގެ މަޖިލިސް ކެންޕޭންގެ ސްޕޯކްސްޕަރސަން އަދި ރައްޔިތުންގެ މަޖިލިހުގެ ކެނދިކުޅުދޫ ދާއިރާގެ މެމްބަރު އަޙްމަދު ޢީސާ ވިދާޅުވީ، ފުށިދިއްގަރު ފަޅުހިއްކުމަށް އެމަަސައްކަތް ހަވާލުކޮށްފައިވާ ފަރާތަށް ފަސޭހަކޮށްދިނުމުގެ ގޮތުން، ހިމާޔަތްކޮށްފައި ސަރަހައްދުތަކުން ވެލި ނެގޭ ގޮތަށް ޤަވާއިދު އިސްލާޙް ކުރުމަކީ ކަންބޮޑުވެވަޑައިގަންނަވާ ކަމެއް ކަމަށެވެ. އަދި އެކަމާއި ދެކޮޅަށް ހުރިހާ ފަރާތްތަކުންވެސް މަސައްކަތް ކުރަންޖެހޭ ކަމުގައި އީސަ ވިދާޅުވިއެވެ.

ރައްޔިތުން ޤަބޫލު ކުރަނީ، ރައީސް ޑރ. މުޢިއްޒުގެ ވަޢުދުތަކަކީ ދޮގުތަކެއް ކަމަށް: ރައީސް ޞާލިޙް

އެމަނިކުފާނު މިހެން ވިދާޅުވީ، މިސްރާބު ހަމަމަގަށް ކެމްޕޭން ހަރަކާތުގައި އައްޑޫ ސިޓީއަށް ވާދަކުރައްވާ ކެންޑިޑޭޓުންނާއި އެކު މިރޭ ލޮނު ޒިޔާރަތްކޮޅު ރާޅުގަނޑު ސަރަހައްދުގައި ބޭއްވި ބައްދަލުވުމުގައި ވާހަކަފުޅު ދައްކަވަމުންނެވެ.

އައްޑޫ ސިޓީގެ ތަރައްޤީއަށް ކުރެވުނު މަސައްކަތެއް ކުރެވިފައި އޮތީ އެމްޑީޕީގެ ވެރިކަމުގައި: ރައީސް ޞާލިހް

ރައީސް ޞާލިޙް ވިދާޅުވީ، އެމްޑީޕީގެ ފުރަތަމަ ވެރިކަން ނިމިގެން ދިޔުމަށްފަހުގައި ދެން އައި 8 އަހަރަކީ އައްޑޫ ސިޓީ ވީރާނާކޮށްލި އަދި އައްޑޫ ސިޓީގެ ރައްޔިތުންނަށް ހިތްދަތިކަން ގެނުވި އަހަރުތަކެއް ކަމަށެވެ. އަދި އައްޑޫ ސިޓީގެ ތަރައްޤީއަށް ކުރިނަމަ ކުރި މަސައްކަތެއް ކޮށްފައިވަނީ އެމްޑީޕީގެ ސަރުކާރުތަކުގައި ކަމަށާއި، ޚާއްޞަކޮށް މިދިޔަ ފަސްއަހަރު އައްޑޫ ސިޓީގެ ތަރައްޤީއަށް ކުރެވިފައިވާ މަސައްކަތްތައް ހަނދާން ހުންނާނެ ކަމަށެވެ.