ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އިސްތިއުފާއަށް ގޮވާލައި އެމްޑީޕީން މުޒާހަރާކޮށްފިއެވެ.

މިއަދު ރައްޔިތުންގެ މަޖިލީހުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ރިޔާސީ ބަޔާން އިއްވެވި ވަގުތުގައި އެމްޑީޕީގެ މެމްބަރުން ވަނީ، ސޯސަންމަގާއި މެދުޒިޔާރަތްމަގު ގުޅޭ ކަންމައްޗަށް އެއްވެ މުޒާހަރާކޮށްފައެވެ. އެސަރަހައްދަށް އެއްވި އެމްޑީޕީގެ މެމްބަރުންގެ ތެރޭގައި އެމްޑީޕީގެ ލީޑަރޝިޕްގައި ތިއްބެވި އިސްބޭފުޅުންވެސް ހިމެނެއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެވަޑައިގެންނެވި ވަޢުދުތައް ނުފުއްދަވާކަމަށާއި، އެމަނިކުފާނުގެ ވެރިކަމުގައި ދިވެހިރައްޔިތުންނަށް ދަނީ ނިކަމެތިކަން ލިބެމުން ކަމަށާއި ރައީސުލްޖުމްހޫރިއްޔާ އިސްތިއުފާ ދެއްވަން ޖެހޭ ކަމުގައި އެމްޑީޕީން ވަނީ ގޮވާލާފައެވެ.