މަންދީގެ ގަޔަށް ކަޅު ތެޔޮ ޖެހުމުން ފުލުހުން ސީންގައި ހަރަކާތްތެރިވަނީ -- ފޮޓޯ: ސޯޝަލް މީޑިއާ
މަންދީގެ ގަޔަށް ކަޅުތެޔޮ ޖެހުން ކުއްވެރިކޮށްފި
އެމް.ޑީ.ޕީގެ އެކްޓިވިސްޓް މަރިޔަމް ޒުބައިރުގެ ގަޔަށް ކަޅުތެޔޮ ޖަހާފައި ވާތީ ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު، އެންމެ ހަރުކަށި ޢިބާރާތުން އެކަން ކުށްވެރި ކުރައްވައިފިއެވެ.
ރައީސުލްޖުމްހޫރިއްޔާގެ އަނބިކަނބަލުން އެކްސްގައި ކުރެއްވި ޕޯސްޓުގައި ވިދާޅުވީ، އެއްވެސް މީހަކަށް މިފަދައިން ޙަމަލާދީ އަދި އުނދަގޫކުރުމަކީ ބަލައިގަނެވޭ ކަމެއް ނޫންކަމަށެވެ. އަދި މިވަގުތުގައި ކަންކަން ހަލަބޮލި ނުކުރައްވައި، އިންސާފު ޤާއިމުކުރުމަށް ޖާގަދެއްވުމަށް އިލްތިމާސްކުރައްވާ ކަމުގައިވެސް ވަނީ ވިދާޅުވެފައެވެ.
މަންދޫގެ ގަޔަށް ކަޅުތެޔޮ ޖަހާފައި ވަނީ އާދީއްތަ ދުވަހުގެ ރޭ ކަލާފާނު ހިނގުމުން އޭނާ ސައިކަލުގައި ދަނިކޮމް ހެލްމެޓްއަޅައިގެން ކާކުކަން ނޭނގޭ ގޮތަށް ފޮރިވިގެން ސައިކަލެއްގައި އައި ބައެކެވެ. މަންދޫގެ ގަޔަށް ކަޅު ތެޔޮޖެހި މައްސަލަ ފުލުހުންނަށް ހުށައަޅާފައިވާ އިރު އެކަން ކުއްވެރިކޮށް އެމްޑީޕީގެ އިސްވެރިންވެސް ވަނީ ވާހަކަފުޅު ދައްކަވާފައެވެ.
މަންދީގެ ގަޔަށް ކަޅުތެޔޮ ޖެހީ، އޭނާ މުޒާހަރާގެ ތެރޭގައި މެޑަމް ސާޖިދާގެ ދަރިފުޅަކަށް ނިސްބަތްކޮށް ދެއްކެވި ވާހަކައަކާއި ގުޅިގެން އޭނާ އާއި ދެކޮޅަށް ކޯޓަށް ވަޑައިގަންނަވާނެ ކަމުގައި މެޑަމް ސާޖިދާ ހާމަކުރައްވާފައި ވަނިކޮށެވެ.
މަންދީގެ ގަޔަށް ކަޅުތެޔޮޖެހީ، ސަރުކާރަށް ތާއީދު ކުރާ ބަޔަކު ރާވައިގެން ކަމަށް އެމްޑީޕީން ތުހުމަތުކޮށްފައިވެއެވެ.