މުޅި ރާއްޖޭގެ ރައްޔިތުން މިހާރު ތިބީ މި ސަރުކާރު ގެނެވުމުން ކަންބޮޑުވެފައި ކަމަށާއި ސަރުކާރާ މެދު އޮތް އުއްމީދު ގެއްލި، މާޔޫސްވެއްޖެކަމަށް ކުރީގެ ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ. އެކަނިކުފާނު މިހެން ވިދާޅުވީ ރޭ އެމްޑީޕީގެ ފަރާތުން މޭޔަރ ކަމަށް ވާދަކުރައްވާ އާޒިމްގެ ކެންޕެއިން ހަރަކާތެއްގައި ވާހަކަދައްކަވަމުންނެވެ.

އިނގުރައިދޫ ދާއިރާ ގެމެމްބަރު، ޙަސަން އަޙްމަދު (ހަސަންޓޭ) ޕީއެންސީއަށް ސޮއެ މިކުރެއްވީ، އެމްޑީޕީގެ އިތުރު މަޖިލިސް މެމްބަރުންތަކެއް ޕީއެންސީއާ ގުޅޭނެ ކަމަށް ރައީސް ޑރ. މުޢިއްޒު ވިދާޅުވެފައި ވަނިކޮށެވެ.

އެމްޑީޕީގެ ސިޓީގައި ވަނީ، އިލެކްޝަން ސްކޮމިޝަނުން ރަމަޟާން މަހުގެ ތެރޭގައި އިންތިޚާބު ބޭއްވުމަށް މަސައްކަތް ކުރަމުން ދަނީ ސަރުކާރުގެ ނުފޫޒުން ކަމުގައި ތުހުމަތުކޮށްފައެެވެ.އެމްޑީޕީން އިލެކްޝަންސް ކޮމިޝަނަށް ފޮނުވި ސިޓީގައި ބުނެފައި ވަނީ، އެގޮތަށް ކޮމިޝަންގެ މައްޗަށް ތުހުމަތު ކުރެވޭ ސަބަބުތަކުގެ ތެރޭގައި، ރާއްޖޭގައި ބޭއްވޭ އިންތިޚާބުތަކުގައި ޤާނޫނީ ގޮތުން މަސްއޫލިއްޔަތުތަކެއް އަދި ޒިންމާތަކެއް މަތިކުރެވިފައިވާ މުއައްސަސާތަކުގެ ތެރޭގައި ހިމެނޭ، ހިއުމަން ރައިޓްސްކޮމިޝަނާއި، އެންޓިކަރަޕްޝަން ކޮމިޝަނުންވެސް ރަމަޟާންމަހުގެ ފަހުން އިންތިޚާބު ބޭއްވުމަށް އެދިފައި ވަނިކޮށް، އަދި ސަރުކާރުހިންގާ ޕާޓީތަކުގެ ކޯލިޝަން ފިޔަވައި އެހެން ހުރިހާ ޕާޓީތަކުންނާއި ޖަމިއްޔާ ޖަމާއަތްތަކުންވެސް އިންތިޚާބު ރޯދައިގެ ފަހުން ބާއްވަން އެދިފައި ވަނިކޮށް ރަމަޟާންމަހުގެ ތެރޭގައި އިންތިޚާބު ބާއްވަން އުޅޭތީ ކަމަށެވެ.

އަލްހާން ވިދާޅުވީ، ކުންފުނީގެ މާލީ މުޢާމަލާތާއި ގުޅިގެން ކުންފުނިން އަދާކުރަންޖެހޭ ޒިންމާތައް ނުނިންމާ، މިފަދަ އިންތިޚާބެއްަަގައި ވާދަކުރުމަކީ އޭނާގެ ހިތަށް އެހާ ފަސޭހަ ކަމަކަށް ނުވިކަމަށެވެ. އެހެންވެ އެމްޑީޕީގެ ފަރާތުން ކާށިދޫ ދާއިރާގެ ރައްޔިތުންގެ މަޖިލީހުގެ ގޮނޑިއަށް ވާދަކުރުމަށް ނަންހުށައެޅި ހުށައެޅުން އަނބުރާ ގެނެސްފައިވާ ކަމުގައިވެސް އަލްހާން ވިދާޅުވިއެވެ.

ކުރިޔަށް އޮތް ރައްޔިތުންގެ މަޖިލީހުގެ އިންތިޚާބުގައި ވާދަކުރެއްވުމަށް އެމްޑީޕީން ޓިކެޓް ދެއްވާފައިވާ ބޭފުޅުންގެ ތެރޭގައި، ކުރީގެ ފިނޭންސް މިނިސްޓަރ އިބްރާހީމް އަމީރާއި، ހައުސިންގ މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީން ހިމެނިވަޑައިގަންނަވައެވެ.

އެމްޑީޕީން މިހާރު ވަނީ، ޕްރައިމަރީ ބާއްވަން ނުޖެހޭ ދާއިރާތަކާއި، އެދާއިރާތަކުން ޓިކެޓް ލިބުނު ބޭފުޅުންގެ ނަންތައް އިޢުލާނުކޮށްފައެވެ. މިގޮތުން، ޖުމުލަ 36 ދާއިރާއަކަށް ކުރިމަތި ލެއްވި ބޭފުޅުނަށް އެބޭފުޅުން ކުރިމަތިލި ދާއިރާއަށް އިތުރު އެއްވެސް މެމްބަރަކު ކުރިމަތިލާފައި ނުވާތީ، މަޖިލިސް އިންތިޚާބުގެ ޕާޓީ ޓިކެޓް ވަނީ ދީފައެވެ. އޭގެ ތެރޭގައި، މިހާރުވެސް 19 ވަނަ ރައްޔިތުންގެ މަޖިލީހުގައި، ގޮނޑިތައް ފުރުއްވަމުން ގެންދަވާ 16 މެމްބަރުން ހިމެނެއެވެ.

މިބައްދަލުވުމުގައި އެމްޑީޕީގެ ޕާލަމެންޓްރީ ގުރޫޕްގައި ހިމެނިވަޑައިގަންނަވާ ހުޅުމާލެ ދާއިރާގެ މެމްބަރު ޢަލީ ނިޔާޒު ވިދާޅުވީ، ދައުރުން ބޭރުގައި ޖަލްސާއެއް ބޭއްވުމަށް އެމްޑީޕީގެ ޕާލަމެންޓްރީ ގުރޫޕުގެ ފަރާތުން މިއަދު މަޖިލީހަށް ހުށައެޅުއްވުމާއި ގުޅޭ ގޮތުން މަޝްވަރާކުރައްވައި އެކަން މަޖިލީހަށް ހުށައަޅުއްވާނެ ކަަމަށެވެ.

އެމްޑީޕީގެ ޕާލަމެންޓްރީ ގުރޫޕުން މަޖިލީހުގެ އިދާރާގައި މިއަދު ބޭއްވި ނޫސްވެރިންގެ ބައްދަލުވުމުގައި، ރައްޔިތުންގެ މަޖިލީހުގެ ނައިބު ރައީސް، އަދި އެމްޑީޕީގެ ޕާލަމެންޓްރީ ގުރޫޕްގައި ހިމެނިވަޑައި ގަންނަވާ ހޯރަފުށީ ދާއިރާގެ މެމްބަރު އަޙްމަދު ސަލީމް ވިދާޅުވީ، ރައީސުލްޖުމްހޫރިއްޔާ އާއި އެމަނިކުފާނުގެ ނައިބު މަޤާމުން ޢަޒުލްކުރުމާއި ގުޅޭ ގޮތުން އެމްޑީޕީގެ ޕާލަމެންޓްރީ ގުރޫޕުގައި އެއްވެސް މަޝްވަރާއެއްވެސް ކޮށްފައި ނެތްކަމުގައި ސަލީމް ވިދާޅުވިއެވެ. މީގެ އިތުރުން އެމްޑީޕީންވެސް އެަފަދަ އިޝާރާތެއް ކޮށްފައި ނެތްކަމުގައި ސަލީމް ވިދާޅުވިއެވެ.

އަދި އެމް.ޑީ.ޕީ އަކީ ރާއްޖެ އެދޭ ހެޔޮ ބަދަލަށް ވަކާލާތުކޮށް ރައްޔިތުންގެ އުންމީދުތައް ހަގީގަތަކަށް ހެދުމުގެ މަސައްކަތް ކުރާ ޕާޓީކަމަށާއި، އެމް.ޑީ.ޕީގެ މެމްބަރުންނަކީ ސާބިތުކަމާއެކު ގައުމާއި ރައްޔިތުންގެ ކުރިމަގާއި އުންމީދުތައް ހަގީގަތަކަށް ހަދައިދިނުމުގަ މާޔޫސްކަމެއް، ވަރުބަލިކަމެއް ނެތި މަސައްކަތްކުރާ މެންބަރުން ކަމުގައިވެސް އެމްޑީޕީގެ ޕީޖީ ލީޑަރު، މުހައްމަދު ރަޝީދު ހުސައިން ވިދާޅުވިއެވެ.

ރައްޔިތުންގެ މަޖިލީހުގެ މެމްބަރުން އެއްޕާޓީން އަނެއްޕާޓީއަށް ބަދަލުވުމަކީ، ދިވެހިރާއްޖޭގެ ބަރުލަމާނީ ޙަޔާތުގައި އައު ކަމެއް ނޫނެވެ. އެންމެ ފުރަތަމަ، ރައްޔިތުންގެ މަޖިލީހުގެ މެމްބަރަކު އެހެން ޕާޓީއެއްގައި ހުއްޓައި ގެނައީވެސް އެމްޑީޕީއަށެވެ. ރައީސް މައުމޫނަށް ރިޔާސީ އިންތިޚާބު ނާކާމިޔާބުވުމަށް ފަހުގައި، އޭރު މަޖިލީހުގެ މެޖޯރިޓީ ޕާޓީގެ ގޮތުގައި އޮތް، ޑީއާރްޕީގެ ރައްޔިތުންގެ މަޖިލީހުގެ ތޮއްޑޫ ދާއިރާގެ މެމްބަރު ޢަލީ ވަހީދު އެމްޑީޕީއަށް ސޮއެކުރެއްވުމަކީ، މެމްބަރުން އިންތިޚާބުވި ޕާޓީފިޔަވައި އެހެންޕާޓީތަކަށް ބަދަލުވުމުގެ ފެށުމެވެ.

ދަ ޑިމޮކްރެޓްސް ރަޖިސްޓްރީވެ އަދި މެމްބަރުން ޕާޓީއަށް ސޮއެކުރެއްވުމާއި އެކު، ރައްޔިތުންގެ މަޖިލީހުގެ މައިނޯރިޓީޕާޓީގެ މަޤާމު ދަ ޑިމޮކްރެޓްސްއަށް ލިބި، މައިނޯރިޓީ ލީޑަރުގެ މަޤާމު ލިބިވަޑައިގަތީ، ކުރީގެ ރައީސް އިބްރާހީމް މުޙައްމަދު ޞާލިހަށާއި، އެމްޑީޕީއަށް އެންމެބޮޑަށް ފާޑު ވިދާޅުވަމުން ގެންދެވި، ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު ޢަލީ އާޒިމަށެވެ.

އެކަމާއި ގުޅިގެން އެމްޑީޕީގެ ޗެއާ ޕާސަން ފައްޔާޒު އިސްމާޢީލް އެކްސްގައި ލިޔުއްވި ޕޯސްޓްގައި ވިދާޅުވީ، މިރޭ އެމްޑީޕީއާ ވަކިވެ ދިޔަ މަޖްލިސް މެމްބަރުން ޕާޓީގައި ކޮށްދެއްވި މަސައްކަތަށް ޝުކުރު ދަންނަވާ ކަމަށެވެ. އަދި މިދަނޑިވަޅު ރާއްޖޭގައި ހުދުމުހުތާރުކަން އާލާވިޔަ ނުދިނުމަށް ކުރަންޖެހޭ މަސައްކަތައިގެން މާތް الله ގެ ވާގިފުޅާއެކު އެމްޑީޕީ ދާނީކުރިއަށް ކަމުގައިވެސް ފައްޔާޒު ވިދާޅުވިއެވެ.

ރައްޔިތުންގެ މަޖިލީހުގެ އެމްޑީޕީގެ މެމްބަރުންގެ ތެރޭގައި ހިމެނޭ، މަރަދޫ ދާއިރާގެ އެމްޑީޕީގެ މެމްބަރު އިބްރާހިމް ޝަރީފް (އައްޑޫ ޝަރީފް) ވަނީ، މިހަފްތާގައި އެމްޑީޕީން ވަކިވެވަޑައިގެންފައެވެ. އޭނާވެސް ޕީއެންސީއާ ގުޅިވަޑައިގެންނެވި ވާހަކަތައް ފެންމަތިވިޔަސް އެކަމަށް އޭނާ ޖަވާބެއް ނުދެއްވައެވެ. އެހެން ނަމަވެސް ޝަރީފް އެމްޑީޕީން ވަކިވެވަޑައިގެންނެވި ފަހުން، މެލޭޝިޔާ އެމްބަސީގައި މަސައްކަތްކުރައްވަމުން ގެންދަވާ އޭނާގެ ދަރިކަނބަލުންގެ ވަޒީފާގެ މުއްދަތު މިސަރުކާރުން އިތުރުކޮށްދިނެވެ.

އޭނާ އެމްޑީޕީން ވަކިވެ ވަޑައިގެން އެޕާޓީގެ ޗެއަރޕަރސަންއަށް ފޮނުއްވާފައިވާ ސިޓީގައި ބަޔާން ކުރައްވާފައި ވަނީ، އެމްޑީޕީން ވަކިވެ ވަޑަިއގެންނެވީ އޭނާގެ ދާއިރާއަށް ފުރުޞަތުތައް ފަހިކޮށްދިނުމަށް ކަމަށެވެ.

ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި ދިވެހި ރައްޔިތުންގެ ޑިމޮކްރެޓިކް ޕާޓީ، އެމް.ޑީ.ޕީގެ ޓިކެޓުގައި ވާދަކުރުމަށް ބޭނުންވާ ފަރާތްތަކަށް އެ މުއްދަތު އިތުރުކޮށްފިއެވެ.

އަދި ޕްރައިމަރީ ބާއްވަންޖެހޭ ދާއިރާތަކުގެ ޕްރައިމަރީ އޮންނާނީ2024 ޖެނުއަރީ 26 އަދި 27 ވާ ހުކުރު ދުވަހާއި ހޮނިހިރު ދުވަހު ކަމަށާއި، ޕްރައިމަރީގައި ވާދަކުރެވޭނީ ޝައުޤުވެރިކަންފާޅުކޮށްފައިވާ ފަރާތްތަކަށް އެކަނިކަމުގައިވެސް އެމްޑީޕީން ވަނީ ބުނެފައެވެ.