Advertisement

އަޙްމަދު ޢީސާ - އެމްޑީޕީގެ މަޖިލިސް އިންތިޚާބުގެ ސްޕޯކްސްޕަރސަން

13 Mar 2024
ޚަބަރު
ޢަލީ ސުލައިމާން

ކައުންސިލްތަކުގެ އިދާރީ މުވައްޒަފުންގެ މުސާރަ ބޮޑު ކުރުމަކީ ރައްޔިތުންގެ މަޖިލީހުން ކުރަން ޖެހޭ ކަމެއް ނޫން: އީސަ

ކައުންސިލްތަކުގެ އިދާރީ މުވައްޒަފުންގެ މުސާރަ ބޮޑު ކުރުމަކީ ރައްޔިތުންގެ މަޖިލީހުން ކުރަން ޖެހޭ ކަމެއް ނޫންކަމުގައި، އެމްޑީޕީގެ މަޖިލިސް އިންތިޚާބުގެ ސްޕޯކްސް ޕަރސަން އަދި ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ މެމްބަރު އަޙްމަދު އީސާ ވިދާޅުވެއްޖެއެވެ.

މެމްބަރު ޢީސާ މިހެން ވިދާޅުވީ، އެމްޑީޕީގެ މަޖިލިސް އިންތިޚާބުގެ ކަންކަމާއި ގުޅޭ ގޮތުން މީޑިއާއަށް މައުލޫމާތު ދެއްވުމަށް އަންގާރަ ދުވަހު ބޭއްވެވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ.

މެމްބަރު އީސަ ވިދާޅުވީ، ކައުންސިލްތަކުގެ މުވައްޒަފުންގެ އިދާރީ މުވައްޒަފުންގެ މުސާރަ ބޮޑު ކުރުމާއި ގުޅޭ ގޮތުން ރައީސުލްޖުމްހޫރިއްޔާ ދެއްކެވި ވާހަކަފުޅަކީ ކަނޑައެޅިގެން އިތުރުފުޅެއް ކަމަށެވެ. އަދި ކައުންސިލް މުވައްޒަފުންނާއި ސިވިލް ސަރވިސް އެހެން މުވައްޒަފުންގެ މުސާރަތައް ބޮޑު ކުރުމުގައި ކުރަންޖެހޭ އިދާރީ ކަންކަން ކުރުމުގައި ރައްޔިތުންގެ މަޖިލީހުގެ ދައުރެއް ނޯންނާނެ ކަމުގައި އީސަ ވިދާޅުވިއެވެ. އީސަ ވިދާޅުވީ ރައްޔިތުންގެ މަޖިލީހުން ކުރަންޖެހޭ ކަންކަން އޮތީ ވަރަށް ސާފުކޮށް ކޮށްފައި ކަމަށެވެ.

"ލާމަރުކަޒީ ޤާނޫނުގެ 127 ވަނަ މާއްދާގެ (ހ) އާއި 128 ވަނަ މާއްދާގައި ވަރަށް ސާފުކޮށް ބުނެފައި އެބައޮތް ކައުންސިލްތަކުގެ އިދާރީ މުވައްޒަފުންނަކީ ކޮބައިކަން. އެ އިދާރީ މުވައްޒަފުންގެ ބަލަދުވެރިއަކީ ކޮބައިކަން. އަދި އެ އިދާރީ މުވައްޒަފުންގެ މުސާރަ އާއި ޢިނާޔަތްތައް ކަނޑައެޅުމުގައި އެޒިންމާ އަދާކުރާ ފަރާތަކީ ކޮބައިކަން. އެ ޢަމަލުކުރަންޖެހޭ އުސޫލަކީ ކޮބައިކަން ވަރަށް ސާފުކޮށް ލާމަރުކަޒީ ޤާނޫނުގައި ކަނޑައެޅި ބަޔާންކޮށްފައި އެބަހުރި. ލެވެލް ކަނޑައެޅުމަކީ، އެއީ ޕޭ ކޮމިޝަނުން ކުރައްވާ ކަމެއް. ރައްޔިތުންގެ މަޖިލީހުން ކުރާ ކަމެއް ނޫން."

އަހުމަދު އީސަ - އެމްޑީޕީގެ ކެމްޕޭން ތަރުޖަމާނު

މެމްބަރު ޢީސަ ވިދާޅުވީ، ރައްޔިތުންގެ މަޖިލީހުން ކުރާ ކަމަކީ، ކައުންސިލަރުންގެ މުސާރަތަކަށް ބަދަލުގެންނަން ޖެހިއްޖެ ހާލަތެއްގައި އެކަންކުރުން ކަމަށާއި، ރައްޔިތުންގެ މަޖިލީހުން އައީ އެކަން ކުރަމުން ކަމަށެވެ. އަދި އެމްޑީޕީގެ ސަރުކާރު ބަދަލުވި އިރު އޮންނާނީ ކައުންސިލްތަކުގެ އިދާރީ މުވައްޒަފުންގެ މުސާރަ ބޮޑުކުރުމަށްޓަކައި އިދާރީގޮތުން ކުރަންޖެހޭ ހުރިހާކަމެއްކޮށް ނިންމާފައި ކަމަށެވެ. މިގޮތުން ޕޭކޮމިޝަނާއި އެކު ކުރެވުނު މަޝްވަރާތަކުގެ އަލީގައި، އެމުސާރަތަކަށް ބަދަލު ގެނައުމަށްޓަކައި ބަޖެޓުގައި ހިމަނަންޖެހޭ ފައިސާ ރައްޔިތުންގެ މަޖިލީހުން ބަޖެޓުގައި ވާނީ ހިމަނާފައި ކަމުގައިވެސް އީސަ ވިދާޅުވިއެވެ.

މީގެ އިތުރުން އީސަ ވިދާޅުވީ، މުސާރަތައް އެއް ހަމަ ކުރުމަށް ޕޭ ކޮމިޝަނުން ކަނޑައަޅާފައި އޮތް އޮނިގަނޑަށް ބޭނުންވާ 500 މިލިޔަން ރުފިޔާވެސް ވާނީ، ބަޖެޓުގައި ހިމަނާފައި ކަމަށެވެ. އެހެންކަމުން ކައުންސިލްތަކުގެ އިދާރީ މުވައްޒަފުންގެ މުސާރަ އާއި ގުޅޭ ގޮތުން ރައީސުލްޖުމްހޫރިއްޔާ ދެއްކެވި ވާހަކަފުޅަކީ ބުހުތާނު ދޮގެއް ކަމުގައި އީސަ ވިދާޅުވިއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.