ހުޅުމާލޭ ގޮނޑުދޮށުން ރޭ މީހަކު ބޮޑު ކަންނެއްޔެއް ހިފައިފިއެވެ.

އެމްޑީޕީގެ ސޯޝަލް މީޑިއާ އެކްޓިވިސްޓް ހުސައިން ޝާފިއު، ކުރި ޓްވީޓެއްގައި ބުނެފައި ވަނީ، މިޔަރުގެ ހަމަލާއަކުން ސަލާމަތްވާން ގޮނޑުދޮށަށް އައި ބޮޑު ކަންނެއްޔެއް އޭނާ ހިފާފައިވާ ކަމަށެވެ. އެއާއެކު އެކަންނެލީގެ ވީޑިއޯވެސް އޭނާ ވަނީ އާއްމުކޮށްފައެވެ.

ކަންނެލި ހުޅުމާލެ އިރުމަތީ ފަރާތު ގޮނޑުދޮށުން ރާޅުޖަހާފަށުގައި ތެޅިތެޅި އޮތް އިރު، އެތާނގެ ކައިރީގައި މިޔަރުތައް އުޅޭ މަންޒަރުވެސް ފެނެއެވެ.

ހުޅުމާލެ ގޮނޑުދޮށުން ރޭ ހިފި އެކަންނެއްޔަކީ، ފަސްދޮޅަހަކަށް ކިލޯ ހުންނަ ވަރުގެ ބޮޑު ރީނދޫ އުރަހަ ކަންނެއްޔެކެވެ.