މި ސަރުކާރަށް 3 މަސްވީއިރު، ފުށި ދިއްގަރު ފަޅަށް ވެލިކޮޅެއް އެޅުން ފިޔަވައި ރާއްޖޭގެ ތަރައްޤީއަށް ކުރެވުނު މަސައްކަތެއް ނެތްކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، 20 ވަނަ ރައްޔިތުންގެ މަޖިލީހުގެ އިންތިޚާބުގައި އެމްޑީޕީގެ ޓިކެޓްގައި ވާދަކުރައްވާ، މުހައްމަދު ޝިނާން އަށް ތާއިދު ހޯއްދަވައި ދެއްވުމަށް، އެދާއިރާގެ ފޯކައިދޫއަށް ކުރެއްވި ޒިޔާރަތުގައި އެރަށުގެ ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައެވެ.

ކުރީގެ ރައީސް އިބްރާހިމް މުޙައްމަދު ޞާލިޙް ވިދާޅުވީ، ރައީސް ސާލިޙް ވިދާޅުވީ، މިސަރުކާރަށް ފައިސާ ނެތީ، ރާއްޖޭގެ ކުދި އާބާދީތަކުގެ ތަރައްޤީއަށް ކުރަންޖެހޭ ކަންކަން ކުރުމަށްޓަކައި ކަމަށެވެ. އެހެން ނަމަވެސް ސަރުކާރުން ބޭނުންވާ އެހެން ކަންކަން ކުރުމަށް ސަރުކާރުގައި ފައިސާ ހުންނަކަމަށް ވިދާޅުވެ، މިސަރުކާރުން ސިޔާސީ މަޤާމްތައް އިންތިހާއަށް އިތުރުކޮށްފައިވާ ކަމުގައި ރައީސް ޞާލިޙް ވިދާޅުވިއެވެ.

ރައީސް ޞާލިޙް ވިދާޅުވީ، މިސަރުކާރުން ދައުލަތުގެ ބަޖެޓު ހުސްކުރަމުންދަނީ، ސަރުކާރަށް ތާއީދުކުރާ ޕާޓީގައި ތިބި މެމްބަރުންނަށް ވަޒީފާދީ މުސާރަ ދިނުމަށް ކަމަށާއި ރައްޔިތުންގެ ތަރައްޤީއަށް ކުރާ އެއްވެސް ކަމެއް ނެތް ކަމުގައި ކުރީގެ ރައީސް އިބްރާހީމް މުޙައްމަދު ޞާލިޙް ވިދާޅުވިއެެވެ.

މިސަރުކާރުގެ ފުރަތަމަ 3 މަސް ދުވަހުގެ ތެރޭގައި ފެށި އެންމެ ބޮޑު ޕްރޮޖެކްޓަކީ، ފުށި ދިއްގަރު ފަޅުގައި ތަރައްޤީކުރުމަށް އިޢުލާނު ކުރި ރަސްމާލެ މަޝްރޫއެވެ. އެހެން ނަަމަވެސް 10 ވަރަކަށް ހެކްޓަރުގެ ބިން ހިއްކުމަށްފަހު އެ މަޝްރޫޢުގެ މަސައްކަތް މިހާރު ވަނީ ހުއްޓިފައެވެ.