އެމްޑީޕީގެ ރައީސް ހޮވުމަށް ބާއްވާ އެޕާޓީގެ އެތެރޭގެ އިންތިޚާބު އަންނަމަހުގެ 2 ވަނަ ދުވަހު ބޭއްވުމަށް ހަމަޖައްސާފައިވާ ކަމުގައި އެޕާޓީން ބުނެފިއެވެ.

އެމްޑީޕީން ބުނީ، އެޕާޓީގެ، ރައީސް ކަމުގެ މަޤާމަށް ކުރިމަތިލުމަށް އެދޭ މެންބަރުންނަށް އެފުރުޞަތު މިއަދުން ފެށިގެން 20 ފެބްރުއަރީ 2024 ވަނަ ދުވަހުގެ 14:00 އާއި ހަމައަށް ހުޅުވާލާފައިވާ ކަމަށެވެ.

އަދި އެމްޑީޕީގެ ރައީސްގެ މަޤާމަށް ވާދަކުރަން ބޭނުންވާ އެ ޕާޓީގެ މެންބަރުން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންއިން ފުރިހަމަކޮށްފައިވާ ކުށާއި ދަރާނީގެ ރިކޯޑާއި އެކު ތިރީގައިވާ ގޫގުލްފޯމް ފުރިހަމަކޮށް ހުށައެޅުއްވުން އެދޭ ކަމަށްވެސް އެޕާޓީން ވަނީ ބުނެފައެވެ.

އެމްޑީޕީން ބުނީ އެޕާޓީގެ ރައީސް ކަމަށް ކުރިމަތިލުމަށް އެދޭ ފޯމާއި، ކުށާއި ދަރަނީގެ ރެކޯޑް ސާފުކުރާ ފޯމް އެޕާޓީގެ ވެބްސައިޓުން ލިބެން ހުންނާނެ ކަމަށެވެ.

އެމްޑީޕީގެ ރައީސް ކަމުގެ މަޤާމުގައި މިވަގުތު ހުންނެވީ، ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ.