ރައްޔިތުންގެ މަޖިލީހުގެ އިންތިޚާބަށް އެމްޑީޕީގެ ކެމްޕޭން ލޯންޗުކުރުމުގެ ޖަލްސާ މިރޭ ބޭއްވުމަށް ހަމަޖައްސައިފިއެވެ.

އެމްޑީޕީން ހާމަކޮށްފައިވާ ގޮތުގައި ރައްޔިތުންގެ މަޖިލީހުގެ އިންތިޚާބަށް އެޕާޓީގެ ކެމްޕޭން ރަސްމީކޮށް އިފްތިތާޙްކުރުމަށް ބާއްވާ ޖަލްސާ އޮންނާނީ މިރޭ 8:30ގައި އާޓިފިޝަލް ބީޗުގައެވެ.

މިޖަލްސާގައި އެޕާޓީން ރައްޔިތުންގެ މަޖިލީހުގެ އިންތިޚާބުގައި ވާދަކުރާ ކެންޑިޑޭޓުންނާއި ޕާޓީގެ އިސްބޭފުޅުން ބައިވެރިވެވަޑައިގަންނަވާނެއެވެ.

މިފަހަރުގެ ރައްޔިތުންގެ މަޖިލީހުގެ އިންތިޚާބަށް، އެޕާޓީން ކަނޑައަޅާފައިވާ ޝިޢާރަކީ، "މިސްރާބު ހަމަ މަގަށް." މިޝިއާރެވެ. 

މިއަހަރުގެ ރައްޔިތުންގެ މަޖިލީހުގެ އިންތިޚާބުގައި އެމްޑީޕީން 90 ދާއިރާއަކަށް ވާދަކުރެއެވެ. 

2019 ވަނަ އަހަރު ބޭއްވި ރައްޔިތުންގެ މަޖިލީހުގެ އިންތިޚާބުގައި އެމްޑީޕީން ވާދަކޮށް ވަނީ، މަޖިލީހުގެ ސުޕަރ މެޖޯރިޓީ ހޯދާފައެވެ.