ރައްޔިތުންގެ މަޖިލީހުގެ އިންތިޚާބަށް އެމްޑީޕީން މިފަހަރު ކަނޑައެޅި ޝިއާރު ޢިއުލާނުކޮށްފިއެވެ.

އެޕާޓީން ހާމަކޮށްފައިވާ ގޮތުގައި މިފަހަރު ރައްޔިތުންގެ މަޖިލީހަށް އެޕާޓީން ކަނޑައެޅި ޝިޢާރަކީ، "މިސްރާބު ހަމަ މަގަށް" މިޝިއާރެވެ. 

ކޮންމެ އިންތިޚާބަކަށްވެސް އެމްޑީޕީން ޝިއާރެއް ކަނޑައަޅާއިރު، އެންމެ ފަހުން ބޭއްވި ރައްޔިތުންގެ މަޖިލީހުގެ އިންތިޚާބަށް އެޕާޓިން ކަނޑައެޅި ޝިއާރަކީ، "އެޖެންޑާ 19" އެވެ.

ރައްޔިތުންގެ މަޖިލީހުގެ އިންތިޚާބަށް ދަ ޑިމޮކްރެޓްސްއިންވެސް ޝިއާރެއް ކަނޑައަޅާފައިވާ އިރު، އެޕާޓީގެ ޝިއާރަކީ، "ފާރަވެރި މަޖިލިސް"އެވެ.

އންތިޚާބުތަކާއި ސިޔާސީ އެއްވުންތަކާއި ޖަލްސާތަކަށް ޚާއްސަ ޝިއާރުތައް ކަނޑައަޅައިގެން މަސައްކަތްކުރުމުގެ ސަޤާފަތަކީ އެމްޑީޕީން އުފަންކުރި ސިޔާސީ ސަޤާފަތެކެވެ.

"އެޖެންޑާ 19"ގެ ޝިއާރުގެ ދަށުން ނުކުމެ، 2019 ވަނަ އަހަރުގެ ރައްޔިތުންގެ މަޖިލީހުގައި އެމްޑީޕީން ތާރީޚީ ރެކޯޑެއް ހެދިއެވެ. މިގޮތުން ރައްޔިތުންގެ މަޖިލީހުގެ ސުޕަރ މެޖޯރިޓީ އެފަހަރު ހޯދީ އެމްޑީޕީންނެވެ. އެއީ ރާއްޖޭގެ ބަރުލަމާނީ ޙަޔާތުގައި އެއްޕާޓީއަކުން މިހާތަނަށް ހޯދި އެންމެ ބޮޑު ކާމިޔާބީއެވެ.