އެމްޑީޕީގެ ހަރުގެއަށް ކަޅުތެޔޮ ޖެހި މައްސަލަ ފުލުހުންނަށް ހުށައަޅައިފިއެވެ.

އެމްޑީޕީން ހާމަކޮށްފައިވާ ގޮތުގައި، ޗާންދަނީ މަގުގައި ހުންނަ އެޕާޓީގެ ހަރުގެއަށް ކަޅުތެޔޮ ޖަހާފައި ވަނީ ރޭގެ މެންދަމު 1 ޖަހާ އެހާއިރުގައެވެ. ކަޅުތެޔޮ ޖަހާފައި ވަނީ އެ ހަރުގޭގެ ބޭރުގައި ހިއްޕާފައި ހުރި، ޕީއެންސީގެ މެމްބަރުންގެ ފޮޓޯތަކަކަށެވެ. އެ ފޮޓޯތަކަކީ، އެމްޑީޕީގެ މެމްބަރުންތަކެއް ވަގު ފޯމުތަކެއް ފުރައިގެން ޕީއެންސީއަށް ވެއްދިކަމަށް ތުހުމަތުކޮށް، ހިއްޕާފައިވާ ޕީއެންސީގެ މެމްބަރުންތަކެއްގެ ފޮޓޯތަކެކެވެ. އެފޮޓޯތަކަށް ކަޅުތެޔޮ ޖެހީ ކޮންބައެއް ކަމެއް މިހާތަނަށް އެނގިފައެއް ނުވެއެވެ.

އެމްޑީޕީން ވަނީ އެ އީ ވަރަށް ފިނޑި އަމަލެއްކަން ފާހަގަކޮށް އެކަން ކުއްވެރިކޮށްފައެވެ.