Advertisement
ރޭ މާލޭގައި ކުރި މުޒާހަރާގެ ތެރެއިން --
ރައީސުލްުޖުމްހޫރިއްޔާގެ އިސްތިއުފާއަށް ގޮވާލައި މާލޭގައި މުޒާހަރާކޮށްފި
ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އިސްތިއުފާއަށް ގޮވާލައި މާލޭގައި ރޭ މުޒާހަރާކޮށްފިއެވެ.
އެމްޑީޕީގެ ބައެއް އިސްބޭފުޅުންނާއި، އާއްމު ބައެއް މެމްބަރުން ވަނީ، ރޭ މާލޭގެ މަގުތަކަށް ނުކުމެ ސަރުކާރާއި ދެކޮޅަށް އަޑު އުފުލާފައެވެ. މުޒާހަރާގެ ބައިވެރިން ވަނީ، ގެދޮރުވެރިޔާ ސްކީމުގެ ދަށުން ކުރީ ސަރުކާރުން ދީފައިވާ ފްލެޓްތައް އެތައް ބައެއްގެ އަތުން އަތުލާފައިވާތީ، އެކަމުގެ ކަންބޮޑުވުމާއި ނުރުހުންފާޅުކޮށްފައެވެ.
މީގެ އިތުރުން ދިވެހިރާއްޖޭގެ ސްޕްރީމްކޯޓުގެ ފަނޑިޔާރުން ސަސްޕެންޑްކޮށް އެކޯޓުގައި މަރުތަޅު އަޅުވާފައިވާތީ އެކަމުގެ ކަންބޮޑުވުންފާޅުކޮށް އަޑު އުފުލާފައިވެއެވެ. ރޭ މުޒާހަރާކުރި މީހުން ވަނީ ރިޔާސީ ގަނޑުވަރު މުލީއާގެ ދޮށަށްވެސް އެއްވުމަށް މަސައްކަތްކޮށްފައެވެ. އެހެން ނަމަވެސް ސަލާމަތީ ޚިދުމަތްތަކުން ވަނީ، މުޒާހަރާގެ ބައިވެރިންނަށް ހުރަސްއަޅައި ހުއްޓުވާފައެވެ.
