ރައްޔިތުންގެ މަޖިލީހުގެ އިނގުރައިދޫ ދާއިރާ ގެމެމްބަރު، ޙަސަން އަޙްމަދު (ހަސަންޓޭ) އެމްޑީޕީން ވަކިވެވަޑައިގެން ޕީއެންސީއަށް ސޮއެކުރައްވައިފިއެވެ.

މެމްބަރު ޙަސަން އަޙްމަދު ޕީއެންސީއަށް ސޮއެކުރެއްވިކަން އޭނާ އިޢުލާނު ކުރެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް މެމްބަރޝިޕް ފޯމް ހަވާލުކުރައްވާ ފޮޓޯއަކާއި އެކު، އެކްސްގައި ކުރެއްވި ޕޯސްޓެއްގައެވެ.

އިނގުރައިދޫ ދާއިރާ ގެމެމްބަރު، ޙަސަން އަޙްމަދު (ހަސަންޓޭ) ޕީއެންސީއަށް ސޮއެ މިކުރެއްވީ، އެމްޑީޕީގެ އިތުރު މަޖިލިސް މެމްބަރުންތަކެއް ޕީއެންސީއާ ގުޅޭނެ ކަމަށް ރައީސް ޑރ. މުޢިއްޒު ވިދާޅުވެފައި ވަނިކޮށެވެ.

ހުސްވި 28 ޑިސެމްބަރުގައި ޕީޕީއެމް ޕީއެންސީ ކޯލިޝަނުން ބޭއްވި ޖަލްސާއެއްގައި، އެމްޑީޕީގެ 13 މަޖިލިސް މެމްބަރަކުވެސް ޕީއެންސީއަށް ސޮއެކުރައްވާފައިވެއެވެ.

މެމްބަރު ޙަސަން އަޙްމަދު ޕީއެންސީއަށް ސޮއެކުރެއްވުމާއިއެކު އެމްޑީޕީގެ މަޖިލީހުގެ މެމްބަރުންގެ އަދަދު 42އަށް ދަށްވެ، ޕީއެންސީގެ މަޖިލިސް މެމްބަރުންގެ އަދަދު 16އަށް މަތިވާނެއެވެ.