ރިޔާސީ އިންތިޚާބު ކާމޔާބު ކުރެވުމަށްފަހު، މިހާތަނަށް، ޕީއެންސީއަށް 37000 ވުރެ ގިނަ މީހުން ސޮއެކޮށްފައިވާ ކަމުގައި އެޕާޓީން ހާމަކޮށްފިއެވެ.

މިހާރު ދަރުބާރުގޭގައި ކުރިޔަށްދާ، ޕީޕީއެމް ޕީއެންސީ ޖަލްސާގައި ވާހަކަފުޅު ދައްކަވަމުން، އެޕާޓީގެ ޗެއާ ޕާސަން އަދި ސްޕެޝަލް އެޑްވައިޒަރ ޓު ދަ ޕްރެޒިޑެންޓް، ޢަބްދުއްރަޙީމް ޢަބްދުﷲ ވިދާޅުވީ، 1 އޮކްޓޫބަރުގައި ޕީޕީއެމް ޕީއެންސީއަށް، ރިޔާސީ އިންތިޚާބު ކާމިޔާބު ކުރެވުނު އިރު، ޕީއެންސީގެ މެމްބަރުންގެ ގޮތުގައި ތިބީ، 3022 މީހުންކަމަށެވެ. އެހެންނަމަވެސް މިރެއާ ހަމައަށް އައިރު، ޕީއެންސީގެ ދަފްތަރުގައި ރަޖިސްޓްރީވެފައިވާ މީހުންގެ އަދަދު 40،000 ވުރެ ގިނަ ކަމަށެވެ.

އަބުދުއްރަހީމްގެ ވާހަކަފުޅުގައި ވަނީ، ޕީޕީއެމް ޕީއެންސީ ރިޔާސީ އިންތިޚާބު ކާމިޔާބު ކުރުމަށް އެކޯލިޝަނުން ކުރި ދަތުރުގެ މައްޗަށްވެސް ޚުލާޞާގޮތެއްގައި ވާހަކަފުޅު ދައްކަވާފައެވެ.

މީގެ އިތުރުން ޕީއެންސީގެ ގޮތުގައި އެޕާޓީގެ ކުރުނަން ބޭނުންކުރުން ހުއްޓާލައި، ކޮންގްރެސް ޕާޓީގެ ގޮތުގައި، ނަންކިޔުމަށް ޢަބުދުއްރަހީމް އެދިވަޑައިގަތެެވެ. އަދި ކުރިޔަށް އޮތް އަހަރުގެ ތެރޭގައި ރާއްޖޭގެ އެންމެ ބިޔަ ބޮޑު ޕާޓީއަށް އެޕާޓީވެގެންދާނެ ކަމުގައިވެސް ޢަބުދުއްރަހީމް ވިދާޅުވިއެވެ.

މިރޭގެ ޖަލްސާަގައި ވަނީ ޕީއެންސީގެ ރަސްމީ ލަވަވެސް ލޯންޗުކޮށްފައެވެ.