Advertisement

ރައްޔިތުންގެ މަޖިލީހުގެ މައިނޯރިޓީ ލީޑަރު ޢަލީ އާޒިމް --

29 Dec 2023
ޚަބަރު
ޢަލީ ސުލައިމާން

ރައްޔިތުންގެ މަޖިލީހުގެ މައިނޯރިޓީ ޕާޓީގެ މަޤާމު ދަ ޑިމޮކްރެޓްސްއަށް ގެއްލިއްޖެ

އެމްޑީޕީގެ 13 މެމްބަރަކު ޕީއެންސީއަށް ސޮއެކުރެއްވުމާއިއެކު، ރައްޔިތުންގެ މަޖިލީހުގެ މައިނޯރިޓީ ޕާޓީގެ ގޮތުގައި އޮތް ދަ ޑިމޮކްރެޓްސްއަށް އެމަޤާމު ގެއްލިއްޖެއެވެ.

ރައްޔިތުންގެ މަޖިލީހުގައި ދެވަނައަށް އެންމެ ގިނަ މެމްބަރުން ތިއްބެވި ޕާޓީއަކީ، ދަ ޑިމޮކްރެޓްސް އުފެދުނު ފަހުން މިހާތަނަށް އެޕާޓީއެވެ. އެޕާޓީގައި ތިއްބެވި 13 މަޖިލިސް މެމްބަރުންނަކީ، އެމްޑީީޕީގެ ޓިކެޓްގައި ރައްޔިތުންގެ މަޖިލީހަށް އިންތިޚާބުވެވަޑައިގެންނެވުމަށްފަހު، އެތެރޭގެ ޚިޔާލުތަފާތުވުންތަކާއި ގުޅިގެން އެމްޑީޕީ ދޫކޮށްލައްވައި އައު ސިޔާސީ ޕާޓީއެއް އުފެއްދެވި ބޭފުޅުންނެވެ.

ދަ ޑިމޮކްރެޓްސް ރަޖިސްޓްރީވެ އަދި މެމްބަރުން ޕާޓީއަށް ސޮއެކުރެއްވުމާއި އެކު، ރައްޔިތުންގެ މަޖިލީހުގެ މައިނޯރިޓީޕާޓީގެ މަޤާމު ދަ ޑިމޮކްރެޓްސްއަށް ލިބި، މައިނޯރިޓީ ލީޑަރުގެ މަޤާމު ލިބިވަޑައިގަތީ، ކުރީގެ ރައީސް އިބްރާހީމް މުޙައްމަދު ޞާލިހަށާއި، އެމްޑީޕީއަށް އެންމެބޮޑަށް ފާޑު ވިދާޅުވަމުން ގެންދެވި، ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު ޢަލީ އާޒިމަށެވެ. އަދި އެމްޑީޕީގެ މެމްބަރުންގެ ގޮތުގައި ތިއްބެވުމަށްފަހު، މަޖިލީހުގެ ރައިސް މުޙައްމަދު ނަޝީދާއި، މަޖިލީހުގެ ނައިބު ރައީސް އީވާ ޢަބުދުﷲ ދަ ޑިމޮކްރެޓްސްއަށް ސޮއެކުރެއްވުމާއިއެކު މަޖިލީހުގެ ރައީސާއި ނައިބު ރައީސް ކަމުގެ މަޤާމުވެސް ލިބުނީ އެޕާޓިއަށެވެ. އެހެން ނަމަވެސް އެމްޑީޕީގެ ޕްރެޝަރުތަކާއި އެކު އެދެބޭފުޅުންވެސް މަޤާމު އިސްތިއުފާ ދެއްވީއެވެ.

މިރޭ ޕީއެންސީއަށް އެމްޑީޕީގެ 13 މެމްބަރުން ސޮއިކުރެއްވުމާއި އެކު އެޕާޓީގެ މެމްބަރުންގެ މިހާރުގެ އަދަދަކީ 15 އެވެ. މިއާއެކު، ރައްޔިތުންގެ މަޖިލީހަށް ޕީއެންސީއަށް އަލަށް ގުޅިވަޑައިގެންނެވި މެމްބަރުން ގުޅިވަޑައިގެންނެވިކަން އެންގުމުން ޢަލީ އާޒިމަށް މައިނޯރިޓީ ލީޑަރުކަން ގެއްލިގެންދާނެއެވެ.

ރައްޔިތުންގެ މަޖިލީހުގެ ރައީސަކީ، އެމްޑީޕީގެ މެމްބަރު މުޙައްމަދު އަސްލަމެވެ. ނައިބު ރައީސަކީ، އެމްޑީޕީީގެ މެމްބަރު އަޙްމަދު ސަލީމެވެ. އަދި މަޖިލީހުގެ މެޖޯރިޓީ ލީޑަރަކީ، މުޙައްމަދު ހުސައިންނެވެ. މިސަރުކާރުގެ މަޤާމުތަކަށް ވަޑައިގެންނެވުމަށް ޕީޕީއެމްޕީއެންސީގެ 6 މަޖިލިސް މެމްބަރަކު މެމްބަރުކަމުގެ ގޮނޑި ދޫކޮށްލެއްވުމާއި އެކު މިހާރު ރައްޔިތުންގެ މަޖިލީހުގެ މެމްބަރުންގެ ގޮތުގައި ތިއްބެވީ 80 މެމްބަރުންނެވެ.

މަޖިލީހުގައި މެމްބަރުން ތިބި އަދަދުތައް؛

އެމްޑީޕީ، 43 މެމްބަރުން

ޕީއެންސީ، 15 މެމްބަރުން

ދަ ޑިމޮކްރެޓްސް، 13 މެމްބަރުން

މިނިވަން މެމްބަރުންގެ ގޮތުގައި 3 މެމްބަރުން

ޖުމްހޫރީ ޕާޓީ، 2 މެމްބަރުން

އެމްޑީއޭ، 2 މެމްބަރުން

ޕީޕީއެމް، 2 މެމްބަރުން

19 ވަނަ ރައްޔިތުންގެ މަޖިލީހުގެ އުމުރު، އަންނަ އަހަރުގެ މެއި މަހުގެ 27 ވަނަ ދުވަހަށް ހަމަވާނެއެވެ. 19 ވަނަ ރައްޔިތުންގެ މަޖިލީހުގައި ބާކީ ދެން އޮތީ އެއްދައުރެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.